ମହଙ୍ଗା ପଡ଼ିଲା ଷ୍ଟଣ୍ଟ, ଜଣକୁ ଗିରଫ କଲା ସମ୍ବଲପୁର ପୋଲିସ - Stunt On Street

ସମ୍ବଲପୁର: ରାସ୍ତା ଉପରେ ପତାକା ଧରି ବିପଜ୍ଜନକ ଷ୍ଟଣ୍ଟ ପ୍ରଦର୍ଶନ ପଡ଼ିଲା ମହଙ୍ଗା । ଗତ 16 ତାରିଖରେ ଏକ ପର୍ବ ପାଳନ ହେଉଥିଲା । ଏହି ଅବସରରେ ସମ୍ବଲପୁର ସହରର ରିଙ୍ଗ ରୋଡରେ କିଛି ଯୁବକ କାରରେ ବସି ବେପରୁଆ କାର ଚାଳନା କରୁଥିବାର ଏକ ଭିଡିଓ ଭାଇରାଲ ହୋଇଥିଲା । ଏହି ଘଟଣାରେ ମୋଟ 4 ଜଣ ସମ୍ପୃକ୍ତ ଥିବା କୁହାଯାଉଥିବା ବେଳେ, ସମ୍ବଲପୁର ପୋଲିସ ଜଣକୁ ଗିରଫ କରିଛି ।  

ଜଣେ ଗିରଫ:

ଜଣେ ଅଭିଯୁକ୍ତ ଗିରଫ ହୋଇଥିବା ସୂଚନା ଦେଇଛନ୍ତି ସମ୍ବଲପୁର ଏସପି ମୁକେଶ ଭାମୁ । ସେ କହିଛନ୍ତି,"ଅନ୍ୟ ଅଭିଯୁକ୍ତମାନଙ୍କୁ ପୋଲିସ ଚିହ୍ନଟ କରିସାରିଛି । ରେସ ଡ୍ରାଇଭିଂ ଭିଡିଓ ସୋସିଆଲ ମିଡିଆରେ ଭାଇରଲ ହୋଇଥିଲା । ସେହି କାରକୁ ଆମେ ଜବତ କରିଛୁ, ଜଣେ ବ୍ୟକ୍ତଙ୍କୁ ଆମେ ଗିରଫ କରିଛୁ, ତାଙ୍କୁ ବିଚାର ବିଭାଗୀୟ ହାଜତକୁ ପଠାଯାଇଛି । ଅନ୍ୟ ଅଭିଯୁକ୍ତମାନଙ୍କୁ ଚିହ୍ନଟ କରାଯାଇଛି, ତଦନ୍ତ ପ୍ରକ୍ରିୟା ଜାରି ରହିଛି । ମିଶ୍ରିତ ଅପରାଧ ରହିଛି । ସେହି ଅନୁସାରେ କାର୍ଯ୍ୟାନୁଷ୍ଠାନ ନିଆଯିବ ।"
ଇଟିଭି ଭାରତ, ସମ୍ବଲପୁର