ପ୍ରତୀକ୍ଷାର ଅନ୍ତ ଘଟାଇ ବିରାଜିଲେ ମର୍ଯ୍ୟାଦା ପୁରୁଷ, ଆଳତୀ କଲେ ପ୍ରଧାନମନ୍ତ୍ରୀ

Ram Lalla Idol at Shri Ram Janmaboomi Temple ଲକ୍ଷ୍ନୌ: ଅନ୍ତ ହେଲା ଅପେକ୍ଷା । ବିରାଜିଲେ ମର୍ଯ୍ୟାଦା ପୁରୁଷ ଶ୍ରୀରାମ । ମାହେନ୍ଦ୍ର ବେଳାରେ ରାମଲାଲାଙ୍କର ହେଲା ପ୍ରାଣ ପ୍ରତିଷ୍ଠା । ନିଜ ଜନ୍ମ ସ୍ଥାନକୁ ଫେରି ଦର୍ଶନ ଦେଇଛନ୍ତି ରାମଲାଲା । ସବୁଠି ଶୁଭୁଛୁ ଶ୍ରୀରାମ ଶ୍ରୀ ରାମ । ତେବେ ରାମଙ୍କ ହସ ହସ ମୁହଁ ଦେଖି ଭକ୍ତ ମଧ୍ୟ ବିଭୋର ହୋଇଛନ୍ତି । ରାମଲାଲାଙ୍କ ପ୍ରତିମୂର୍ତ୍ତିକୁ ଦେଖିଲେ ମନେ ହେଉଛି ସତେ ଯେମିତି ଶ୍ରୀରାମ ମଧ୍ୟ ସତେ ଯେମିତି ଖୁସି ହୋଇ ଖିଲିଖିଲି ହସୁଛନ୍ତି । 84 ସେକେଣ୍ଡର ଶୁଭ ମୁହୂର୍ତ୍ତରେ ରାମଙ୍କର ପ୍ରାଣ ପ୍ରତିଷ୍ଠା କରାଯାଇଥିବା ବେଳେ ମୁଖ୍ୟ ଜଜମାନ ଭାବେ ଦାୟିତ୍ବ ତୁଲାଇଥିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ତାଙ୍କ ସହିତ ଆରଏସଏସ ମୁଖ୍ୟ ମୋହନ ଭାଗବତ ଏବଂ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ମଧ୍ୟ ଉପସ୍ଥିତ ରହିଥିଲେ । କାଳ କାଳର ଅପେକ୍ଷା ଶେଷ ହୋଇଥିବା ବେଳେ ଦଣ୍ଡାୟମାନ ହୋଇ ପ୍ରଣାମ କରିଛନ୍ତି ପ୍ରଧାନମନ୍ତ୍ରୀ । ଏହାସହ ଠାକୁର ପରିକ୍ରମା ସହିତ ଆଳତୀ ମଧ୍ୟ କରିଛନ୍ତି । ସ୍ବଚକ୍ଷୁରେ କରନ୍ତୁ ରାମଲାଲାଙ୍କ ଦର୍ଶନ..

ବ୍ୟୁରୋ ରିପୋର୍ଟ, ଇଟିଭି ଭାରତ