ନୟାଗଡରେ ଅମିତ ଶାହ, 90 ଦିନରେ ଚିନିକଳ ଚାଲିବା ନେଇ ଦେଲେ ପ୍ରତିଶ୍ରୁତି - Amit Shah Election Campaign

Union Minister Amit Shah Election Campaign: ନୟାଗଡ଼: କେନ୍ଦ୍ର ଗୃୃହମନ୍ତ୍ରୀ ଅମିତ ଶାହଙ୍କ ନୟାଗଡ଼ ଗସ୍ତ  । ପୁରୀ ବିଜେପି ସାଂସଦ ପ୍ରାର୍ଥୀ ସମ୍ବିତ ପାତ୍ର ଏବଂ ନୟାଗଡ଼ ବିଜେପି ବିଧାୟିକ ପ୍ରାର୍ଥୀ ପ୍ରତ୍ୟୁଷା ରାଜେଶ୍ୱରୀ ସିଂଙ୍କ ପାଇଁ କଲେ ପ୍ରଚାର । ଡବଲ ଇଞ୍ଜିନ ସରକରା ପାଇଁ ଦେଲେ ଆହ୍ୱାନ । 

ଆଜି ଅମିତି ଶାହ ନୟାଗଡ଼ ଗସ୍ତ କରିଥିବା ବେଳେ ବିଜେପି କର୍ମୀଙ୍କ ମଧ୍ୟରେ ବେଶ ଉତ୍ସାହ ଭରିଛି । ନୟାଗଡ଼ ଲାଠିପଡ଼ାଠାରେ ଏକ ବିଶାଳ ଜନସଭାକୁ ସମ୍ବୋଧନ କରିବା ସହ ନୟାଗଡ଼ରେ ବୁଥ ରାଗିଂ ବନ୍ଦ କରିବାକୁ ପାରାମିଲିଟାରୀ ଫୋର୍ସ ମୁତୟନ ହେବେ ବୋଲି କହିଛନ୍ତି ଶାହ । ସବୁ ସଭା ପରି ନୟାଗଡ଼ରେ ମଧ୍ୟ ରାଜ୍ୟ ସରକାରଙ୍କୁ ଟାର୍ଗେଟ କରିଛନ୍ତି ଶାହ । ଓଡ଼ିଶାରେ ନବୀନ ସରକରାଙ୍କ ୨୫ବର୍ଷ ଶାସନ ଭିତରେ ଓଡ଼ିଶା ବହୁତ ପଛକୁ ଯାଇଛି । ଥରେ ବିଜେପିକୁ ସରକାର କରିବାକୁ ସୁଯୋଗ ଦିଅନ୍ତୁ । ଓଡ଼ିଶାକୁ 1ନମ୍ବର କରିଦେବୁ ବୋଲି ନିଜ ଅଭିଭାଷଣରେ କହିଛନ୍ତି ଅମିତ । ପ୍ରଭୁ ଜଗନ୍ନାଥଙ୍କ ରତ୍ନ ଭଣ୍ଡାର ଚାବିକୁ ନେଇ ବିଜେଡିକୁ ତାଚ୍ଛଲ୍ୟ କରିବା ସହ ନୟାଗଡ଼ରେ ୩ ମାସ ମଧ୍ୟରେ ଚିନିକଳ ଚାଲିବା ନେଇ ପ୍ରତିଶୃତି ଦେଇଛନ୍ତି ଶାହ । ଶାହଙ୍କ ଏହି କାର୍ଯ୍ୟକ୍ରମରେ ହଜାର ହଜାର କର୍ମୀ ସାମିଲ ହୋଇଥିଲେ ।
 

ଇଟିଭି ଭାରତ, ନୟାଗଡ଼