ବାଲୁକାକଳାରେ ମୋଦିଙ୍କୁ ଜନ୍ମଦିନର ଶୁଭେଚ୍ଛା, ଜଗନ୍ନାଥଙ୍କୁ ‘ବିକଶିତ ଭାରତ ପାଇଁ’ ପିଏମଙ୍କ ପ୍ରାର୍ଥନା - HBD PM MODI

ପୁରୀ: ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଜନ୍ମଦିନ । 74 ବର୍ଷରେ ପଦାର୍ପଣ କରିଛନ୍ତି ମୋଦି । ଏହି ଅବସରରେ ପ୍ରଧାନମନ୍ତ୍ରୀଙ୍କୁ ଚାରିଆଡୁ ଶୁଭେଚ୍ଛାର ସୁଅ ଛୁଟୁଛି । ଜନ୍ମଦିନରେ ଓଡ଼ିଶା ଗସ୍ତରେ ଆସୁଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ବାଲୁକା ଚିତ୍ରକଳାରେ ମୋଦିଙ୍କୁ ଶୁଭେଚ୍ଛା ଜଣାଇଛନ୍ତି ବାଲୁକା ଚିତ୍ରଶିଳ୍ପୀ ପ୍ରଦ୍ମଶ୍ରୀ ସୁଦର୍ଶନ ପଟ୍ଟନାୟକ । ବାଲୁକା କଳାରେ ବିକଶିତ ଭାରତ ପାଇଁ ମୋଦି ଜଗନ୍ନାଥଙ୍କୁ ପ୍ରାର୍ଥନା କରୁଥିବା ଦର୍ଶାଯାଇଛି । ଏଥିସହ ବାଲୁକାରେ ‘ହାପି ବାର୍ଥ ଡେ ଟୁ ଅନରେବୁଲ ପିଏମ ମୋଦିଜୀ’ ଲେଖିଛନ୍ତି ସୁଦର୍ଶନ । ପୁରୀ ନିଳାଦ୍ରୀ ବିଚ୍‌ରେ ଏହି ସୁନ୍ଦର ବାଲୁକାକଳାଟି ତିଆରି କରାଯାଇଛି । 25ଶହ ମାଟି ଦୀପକୁ ଅତି ସୁନ୍ଦର ଭାବେ ବାଲୁକା ଚିତ୍ରକଳାରେ ସ୍ଥାନ ଦେଇଛନ୍ତି ସୁଦର୍ଶନ । ଆଜି ଓଡ଼ିଶା ଗସ୍ତରେ ଆସି ‘ସୁଭଦ୍ରା’ ଯୋଜନାରେ ଶୁଭାରମ୍ଭ କରିବେ ମୋଦି । ଜନ୍ମଦିନରେ ମହିଳାଙ୍କୁ ଭେଟି ଦେବେ ସୁଭଦ୍ରା ଯୋଜନାର ପ୍ରଥମ କିସ୍ତି ।  

ଇଟିଭି ଭାରତ, ପୁରୀ