ଖୋର୍ଦ୍ଧାରେ ଫୁଟିଲା ଫୁଲ, ବିଜୟୀ ହେଲେ ଜେଲରେ ଥିବା ପ୍ରଶାନ୍ତ ଜଗଦ୍ଦେବ - Prashant Jagdev wins

ଖୋର୍ଦ୍ଧା: ରାଜ୍ୟରେ ରାଜନୀତିରେ ଚର୍ଚ୍ଚିତ ବିଧାନସଭା କ୍ଷେତ୍ର ହେଉଛି ଖୋର୍ଦ୍ଧା ନିର୍ବାଚନ ମଣ୍ଡଳୀ । ଏହି କ୍ଷେତ୍ରରୁ ବିଜେପି ପ୍ରାର୍ଥୀ ପ୍ରଶାନ୍ତ ଜଗଦ୍ଦେବ 8840 ଖଣ୍ଡ ଭୋଟ ବ୍ୟବଧାନରେ ବିଜୟୀ ହୋଇଛନ୍ତି । ତେବେ ନିର୍ବାଚନ ଦିନ ବେଗୁନିଆ ନିର୍ବାଚନ ମଣ୍ଡଳୀର କାଉଁରିପାଟଣା 144 ବୁଥରେ ଇଭିଏମ ଭାଙ୍ଗିବା ଓ ବୁଥରେ ଗଣ୍ଡଗୋଳ କରିବା ଅଭିଯୋଗରେ ପ୍ରଶାନ୍ତ ଜଗଦ୍ଦେବ ଏଵେ ଜେଲରେ ଅଛନ୍ତି । ପ୍ରଶାନ୍ତ ଜଗଦ୍ଦେବଙ୍କ ବିରୋଧରେ ବିଜେଡି ପ୍ରାର୍ଥୀ ରାଜେନ୍ଦ୍ର ସାହୁ ଓ କଂଗ୍ରେସ ପ୍ରାର୍ଥୀ ସୋନାଲି ସାହୁ ନିର୍ବାଚନ ଲଢୁଥିଲେ । ନିକଟତମ ପ୍ରତିଦ୍ବନ୍ଦ୍ବୀ ବିଜେଡି ପ୍ରାର୍ଥୀଙ୍କୁ ହରାଇ ବିଜୟୀ ହୋଇଛନ୍ତି ଜଗଦ୍ଦେବ । 2019ରେ ବିଜେଡି ପ୍ରାର୍ଥୀ ଜ୍ୟୋତିରିନ୍ଦ୍ର ନାଥ ମିତ୍ର ନିର୍ବାଚନ ଜିତି ବିଧାୟକ ହୋଇଥିଲେ । କିନ୍ତୁ ଏଥର ବିଜେଡି ହାତରୁ ଆସନ ଛଡ଼ାଇ ନେଇଛି ବିଜେପି । 

ଇଟିଭି ଭାରତ, ଖୋର୍ଦ୍ଧା