ଭୋଟ ଦେଲେ ସଂଗୀତା ସିଂହଦେଓ ଓ ବିଜେଡି ସାଂସଦ ପ୍ରାର୍ଥୀ ସୁରେନ୍ଦ୍ର ସିଂହ - Voting in Balangir

MP candidates cast their vote in Balangir: ବଲାଙ୍ଗୀର: ଜିଲ୍ଲାରେ ଆଜି ଭୋଟ ଗ୍ରହଣ ପ୍ରକ୍ରିୟା ଜାରି ରହିଛି । ଲୋକ ଭୋଟ କେନ୍ଦ୍ରରେ ତାଙ୍କର ବହୁମୂଲ୍ୟ ମତଦାନ କରୁଛନ୍ତି । ଏହାରି ମଧ୍ୟରେ ସବୁ ଦଳର ସମସ୍ତ ପ୍ରାର୍ଥୀ ମଧ୍ୟ ତାଙ୍କର ମତଦାନ ସାବ୍ୟସ୍ତ କରିଛନ୍ତି । ଏହି କ୍ରମରେ ବଲାଙ୍ଗୀର କଂଗ୍ରେସ ସାଂସଦ ପ୍ରାର୍ଥୀଙ୍କ ବ୍ୟତୀତ ବିଜେପି ଓ ବିଜେଡି ପ୍ରାର୍ଥୀ ତାଙ୍କର ମତଦାନ ସାବ୍ୟସ୍ତ କରିଛନ୍ତି । ବଲାଙ୍ଗୀର ବିଜେପି ସାଂସଦ ପ୍ରାର୍ଥୀ ସଂଗୀତା କୁମାରୀ ସିଂହଦେଓ ପାଟଣାଗଡ଼ରେ ଭୋଟ ଦେଇଛନ୍ତି । ସେ ନିଜ ସ୍ବାମୀ ତଥା ପାଟଣାଗଡ଼ ବିଧାୟକ ପ୍ରାର୍ଥୀ କନକ ବର୍ଦ୍ଧନ ସିଂହଦେଓଙ୍କ ସହିତ ବୁଥକୁ ଯାଇ ନିଜ ମତ ସାବ୍ୟସ୍ତ କରିଛନ୍ତି ।  

ଭୋଟ ପରେ ପ୍ରତିକ୍ରିୟା ଦେଇ ସଂଗୀତା କହିଛନ୍ତି, "ଆଜି ଲୋକଙ୍କ ମଧ୍ୟରେ ସେ ବେଶ ଉତ୍ସାହ ରହିଛି । ଗରମ ଥିଲେ ମଧ୍ୟ ଲୋକ ଭୋଟ ଦେବା ପାଇଁ ବହୁ ମାତ୍ରାରେ ଆସୁଛନ୍ତି । ଲୋକଙ୍କ ଏହି ସାମ୍ବିଧାନିକ ଅଧିକାର ଅଛି ଓ ସେମାନେ ନିହାତି ଭୋଟ ଦେବା କଥା ।" ସେହିପରି ବିଜେଡି ସାଂସଦ ପ୍ରାର୍ଥୀ ସୁରେନ୍ଦ୍ର ସିଂହ ଭୋଇ ମଧ୍ୟ ପତ୍ନୀଙ୍କ ସହ ସଇଁତଳାରେ ନିଜ ମତ ସାବ୍ୟସ୍ତ କରିଛନ୍ତି । ସେ କହିଛନ୍ତି, "ଭୋଟ ଆମର ଏକ ବଡ଼ ପର୍ବ ।  ତେଣୁ ଯୁବକଠୁ ନେଇ ସମସ୍ତେ ଆଗକୁ ଆସି ଭୋଟ ଦେଇ ନିଜ ନେତା ବାଛିବା ଓ ସରକାର ତିଆରି କରି ଦେଶ ଗଢ଼ିବା ପାଇଁ ଜରୁରୀ ଅଟେ ।" ଅନ୍ୟପଟେ କଂଗ୍ରେସ ସାଂସଦ ପ୍ରାର୍ଥୀ ମନୋଜ ମିଶ୍ର ସମ୍ବଲପୁର ଜିଲ୍ଲାର ହୋଇଥିବା ବେଳେ ସେ ଭୋଟ ଦେଇନାହାନ୍ତି । ଅର୍ଥାତ ତାଙ୍କ ନିଜ ଭୋଟ ମଧ୍ୟ ତାଙ୍କ ପାଇଁ ସେ ଦେଇ ପାରିନାହାଁନ୍ତି ।  

ଇଟିଭି ଭାରତ, ବଲାଙ୍ଗୀର