ପୋଲସରାରେ ଜମୁଛି ବିଜେଡିର ପ୍ରଚାର, ହ୍ୟାଟ୍ରିକ ଆଶାରେ ଶ୍ରୀକାନ୍ତ ! - BJD Campaign In Polasara

POLASARA ASSEMBLY CONSTITUENCY: ଗଞ୍ଜାମ: ନିର୍ବାଚନ ପ୍ରଚାରରେ କମ୍ପୁଛି ପୋଲସରା । ରାଜ୍ୟରେ ହେବାକୁ ଥିବା ଦ୍ୱିତୀୟ ପର୍ଯ୍ୟାୟର ନିର୍ବାଚନରେ ଗଞ୍ଜାମ ଜିଲ୍ଲାର ଆସିକା ଲୋକସଭା ଆସନ ସମେତ ଆଠ ଗୋଟି ବିଧାନସଭା ନିର୍ବାଚନ ମଣ୍ଡଳୀରେ ଦିନକୁ ଦିନ ଜୋର ଧରିଛି ବିଭିନ୍ନ ଦଳର ପ୍ରଚାର । ଏଭଳି ସମୟରେ ଗଞ୍ଜାମର ପୋଲସରା ବିଧାନସଭା ନିର୍ବାଚନ ମଣ୍ଡଳୀରେ ବିଜୁ ଜନତା ଦଳରୁ ଚଳିତ ଥର ପ୍ରାର୍ଥୀ ହୋଇଥିବା ବିଧାୟକ ଶ୍ରୀକାନ୍ତ ସାହୁଙ୍କ ଜାରି ରହିଛି ଜୋରଦାର ପ୍ରଚାର ।

ନିଜର ଦଳର କର୍ମକର୍ତ୍ତାଙ୍କ ଠାରୁ ଆରମ୍ଭ କରି ସାଧାଣ ଜନତାଙ୍କୁ ନେଇ ବିଧାୟକ ପ୍ରାର୍ଥୀ ଶ୍ରୀକାନ୍ତ ନିର୍ବାଚନ ମଣ୍ଡଳୀର ଉଭୟ ବୁଗୁଡା ଓ ପୋଲସରା ବ୍ଲକର ବିଭିନ୍ନ ପଞ୍ଚାୟତ ଏବଂ ଉଭୟ ଏନଏସିର ବିଭିନ୍ନ ୱାର୍ଡରେ ପ୍ରଚାର କରୁଛନ୍ତି । ବିଧାୟକ ଓ ସାଂସଦ ପ୍ରାର୍ଥୀଙ୍କୁ ଶଙ୍ଖ ଚିହ୍ନରେ ଭୋଟ ଦେଇ ବିଜୟୀ କରିବାକୁ ନିବେଦନ କରୁଛନ୍ତି । ପୂର୍ବରୁ ପୋଲସରା ନିର୍ବାଚନ ମଣ୍ଡଳୀରେ ଦୁଇ ଦୁଇ ଥର ବିଧାୟକ ଭାବରେ ନିର୍ବାଚିତ ହୋଇଥିବା ଶ୍ରୀକାନ୍ତ ବର୍ତ୍ତମାନର ମତଦାନ ତାରିଖ ପାଖେଇ ଆସିଥିବା ଯୋଗୁଁ ଶେଷ ପର୍ଯ୍ୟାୟର ପ୍ରଚାରରେ କରିଛନ୍ତି । ତେବେ ଦେଖିବାକୁ ବାକି ରହିଲା ପୋଲସରାବାସୀ କାହା ଉପରେ ଭରସା କରୁଛନ୍ତି ।  

ଇଟିଭି ଭାରତ, ଗଞ୍ଜାମ