ପାଲଲହଡାରେ ବିଜେଡିର ଜୋରସୋର ପ୍ରଚାର, ଗାଁକୁ ଗାଁ ବୁଲି ଭୋଟ ମାଗୁଛନ୍ତି ମୁକେଶ - MUKESH PAL ELECTION CAMPAIGN

ଅନୁଗୋଳ: ପାଖେଇ ଆସୁଛି ନିର୍ବାଚନ । ଭୋଟକଙ୍କ ନିକଟତର ହେଉଛନ୍ତି ନେତା । ସରଗରମ ପ୍ରଚାର ମୈଦାନ । ଭୋଟରଙ୍କ ମନ ଜିଣିବା ପାଇଁ ପ୍ରୟାସ ଆରମ୍ଭ କରିଛନ୍ତି ପ୍ରାର୍ଥୀ ଏବଂ ନେତା । କିଏ ପ୍ରଚାର ଗାଡି ଧରି ଘର ଘର ବୁଲି ଭୋଟ୍ ମାଗୁଛନ୍ତି ତ କିଏ ପୁଣି ନିଜ ସମର୍ଥକ ଓ କର୍ମୀଙ୍କୁ ସାଙ୍ଗରେ ଧରି ମାଗୁଛନ୍ତି ଭୋଟ୍ । ଏହି କ୍ରମରେ ପାଲଲହଡା ନିର୍ବାଚନ ମଣ୍ଡଳୀର ବିଜେଡି ପ୍ରାର୍ଥୀ ମୁକେଶ ପାଲ ମଧ୍ୟ ଗଡ ଜିଣିବା ପାଇଁ ପ୍ରୟାସ ଆରମ୍ଭ କରିଛନ୍ତି । ଆଗମୀ 25 ତାରିଖରେ ହେବାକୁ ଥିବା ନିର୍ବାଚନ ପାଇଁ ବିଧିବଦ୍ଧ ଭାବେ ଆରମ୍ଭ ହୋଇଛି ପ୍ରଚାର । ଅନୁଗୋଳ ଜିଲ୍ଲା ପାଲଲହଡା ନିର୍ବାଚନ ମଣ୍ଡଳୀର ବିଜେଡି ପ୍ରାର୍ଥୀ ମୁକେଶ ନିଜ ସମର୍ଥକଙ୍କ ସହ ଘରକୁ ଘର ବୁଲି ଭୋଟ ମାଗୁଛନ୍ତି । ହାତରେ ପ୍ରଚାର ପତ୍ର ଧରି ଲୋକଙ୍କୁ ଦେବା ସହ ବିଜେଡିର  ଶଙ୍ଖ ଚିହ୍ନରେ ଭୋଟ୍ ଦେବାକୁ ଲୋକଙ୍କୁ ନିବେଦନ କରିଛନ୍ତି । ପ୍ରକାଶଥାଉକି, ମୁକେଶ ଏବେ ପାଲଲହଡା ବିଧାୟକ ଅଛନ୍ତି । ତେବେ ଚଳିତ ନିର୍ବାଚନରେ ଦଳ ପୁଣିଥରେ ତାଙ୍କ ଉପରେ ଆସ୍ଥା ପ୍ରକଟ କରିଛି । ତାଙ୍କ ସମୟରେ ଅନେକ ଉନ୍ନତିମୂଳକ କାର୍ଯ୍ୟ ହୋଇଛି ଏବଂ ସେ ଜିତିଲେ ବକିଆ କାର୍ଯ୍ୟ କରିବା ନେଇ ପ୍ରତିଶୃତି ଦେଇଛନ୍ତି ।
 

ଇଟିଭି ଭାରତ, ଅନୁଗୋଳ