ନୂଆ ମୁଖ୍ୟମନ୍ତ୍ରୀ ହେଲେ ମୋହନ ମାଝୀ, ନାଁ ଘୋଷଣା ପରେ ମହାପ୍ରଭୁ ଓ ଓଡ଼ିଶାବାସୀଙ୍କୁ ଦେଲେ ଧନ୍ୟବାଦ - Mohan Majhi New CM

New CM Of Odisha: ଭୁବନେଶ୍ବର: ଓଡ଼ିଶାର ନୂଆ ମୁଖ୍ୟମନ୍ତ୍ରୀ ଭାବରେ ମୋହନ ଚରଣ ମାଝୀଙ୍କ ନାମ ଘୋଷଣା ହୋଇଛି । ବିଧାୟକ ଦଳ ବୈଠକରେ ମୋହନଙ୍କ ନାମରେ ମୋହର ବାଜିଛି । ମୋହନ ମାଝୀଙ୍କ ନାମ ଘୋଷଣା ହେବା ପରେ ପ୍ରତିକ୍ରିୟା ରଖି ମୋହନ କହିଛନ୍ତି, "ପ୍ରଥମେ ମହାପ୍ରଭୁ ଜଗନ୍ନାଥ ଓ ଓଡ଼ିଶାବାସୀଙ୍କୁ ମୋର ଅଶେଷ ଅଶେଷ ଧନ୍ୟବାଦ । ସତ୍ତା ପରିବର୍ତ୍ତନ ପାଇଁ ଲୋକ ନିଷ୍ପତ୍ତି ନେଇଥିଲେ ତେଣୁ ସମସ୍ତଙ୍କୁ ଧନ୍ୟବାଦ । ପ୍ରଧାନମନ୍ତ୍ରୀଙ୍କୁ ମଧ୍ଯ ଅଶେଷ ଅଶେଷ ଧନ୍ୟବାଦ ସେ ଆମକୁ ପ୍ରତିଶୃତି ଦେଇଥିଲେ । ଆଜି ପର୍ଯ୍ୟବେକ୍ଷକ ହିସାବରେ ଭୂପେନ୍ଦ୍ର ଯାଦବ ଓ ରାଜନାଥ ସିଂ ନେତା ବାଛିବା ପାଇଁ ଆସିଥିଲେ ତାଙ୍କୁ ମଧ୍ଯ ଧନ୍ୟବାଦ ଦେଉଛି । ରାଜ୍ୟ ସଭାପତି ମନମୋହନ ସାମଲଙ୍କ ନେତୃତ୍ୱରେ ଓଡ଼ିଶାରେ ସତ୍ତା ପରିବର୍ତ୍ତନ ହୋଇଛି ତାଙ୍କୁ ମଧ୍ଯ ଧନ୍ୟବାଦ ।"

ସେପେଟେ ମୁଖ୍ୟମନ୍ତ୍ରୀ ସହ ୨ ଉପମୁଖ୍ୟମନ୍ତ୍ରୀଙ୍କ ନାଁ ଘୋଷଣା ହୋଇଛି । କନକ ବର୍ଦ୍ଧନ ସିଂହଦେଓ ଏବଂ ପ୍ରଭାତୀ ପରିଡ଼ା ନୂଆ ଉପମୁଖ୍ୟମନ୍ତ୍ରୀ ହେବେ । କେନ୍ଦ୍ରମନ୍ତ୍ରୀ ରାଜନାଥ ସିଂହ ଉଭୟଙ୍କ ନାଁ ଘୋଷଣା କରିଛନ୍ତି । ନାଁ ଘୋଷଣା ହେବା ପରେ ବିଜପି ନେତୃମଣ୍ଡଳୀଙ୍କ ସହ ଓଡ଼ିଶାବାସୀଙ୍କୁ ଧନ୍ୟବାଦ ଜଣାଇଛନ୍ତି ଭଭୟ କନକ ବର୍ଦ୍ଧନ ଓ ପ୍ରଭାତୀ । 

ଇଟିଭି ଭାରତ, ଭୁବନେଶ୍ବର