ନାବାଳିକା ଦୁଷ୍କର୍ମ ମାମଲାର ଶୁଣାଣି, ଅଭିଯୁକ୍ତକୁ 20 ବର୍ଷ ସଜ୍ଜା - kandhamal rape case

RAPE CASE: ଫୁଲବାଣୀ: ନାବାଳିକାକୁ ଦୁଷ୍କର୍ମ ମାମଲାର ଶୁଣାଣି,ଅଭିଯୁକ୍ତ 20ବର୍ଷ ସଜା । ଆଜି(ଗୁରୁବାର) ଦିନ ଏକ ନାବାଳିକା ଦୁଷ୍କର୍ମ ମାମଲାର ଶୁଣାଣି କରି ଫୁଲବାଣୀ ପୋସ୍କୋ କୋର୍ଟ ଅଭିଯୁକ୍ତ ବବୁଲୁ ନାୟକଙ୍କୁ 20ବର୍ଷ ସଶ୍ରମ କାରାଦଣ୍ଡ ଓ 23 ହଜାର ଟଙ୍କା ଜୋରିମାନା ଏବଂ ଜୋରିମାନା ଅନାଦେୟ 2 ବର୍ଷ 3ମାସ ଅଧିକ ଜେଲଦଣ୍ଡ ଆଦେଶ ଦେଇଛନ୍ତି । ଏହାସହ ପୀଡିତାଙ୍କୁ 6 ଲକ୍ଷ ଟଙ୍କା କ୍ଷତି ପୂରଣ ନିର୍ଦ୍ଦେଶ ଦେଇଛନ୍ତି ।

ସୂଚନା ମୁତାବକ 2021 ମସିହା ଫେବୃଆରୀ ଫିରିଙ୍ଗିଆ ଥାନା ଅଞ୍ଚଳ ନାବାଳିକା ଜଣକ ମନ୍ଦିର ନିକଟରେ ଶ୍ରମିକ କାମ କରୁଥିବା ବେଳେ ଅଭିଯୁକ୍ତ ବାବୁଲ ନାୟକ ରାଜମିସ୍ତ୍ରୀ କାମ କରୁଥିଲେ । ନାବାଳିକାକୁ ପ୍ରେମ ନିବେଦନ କରିବା ସହ ବିବାହର ପ୍ରଲୋଭନ ଦେଖାଇ ନିକଟସ୍ଥ ଜଙ୍ଗଲକୁ ନେଇ ଦୁଷ୍କର୍ମ କରିଥିଲେ । 26 ଜୁନ୍ 2021 ତାରିଖ ଦିନ ଏକ ଅଟୋ ଯୋଗେ ନାବାଳିକାକୁ ଅପହରଣ କରି ନିଜ ଘରକୁ ନେଇଯାଇଥିଲେ । ଏଥି ସହ ନାବାଳିକା ପିତାଙ୍କୁ ଫୋନ ଯୋଗେ ଧମକ ଦେଇଥିଲେ ।

ଏହି ଘଟଣା ସମ୍ପର୍କରେ ପୀଡିତାଙ୍କ ବାପା 28 ରିଖରେ ଫିରିଙ୍ଗିଆ ଥାନାରେ ଏକ ଅଭିଯୋଗ କରିଥିଲେ ।ଏହାକୁ ଆଧାର କରି ଫିରିଙ୍ଗିଆ ପୋଲିସ ଏକ ମାମଲା ରୁଜୁ କରି ତଦନ୍ତ କରିଥିଲା । ଅଭିଯୁକ୍ତ ବବୁଲ ନାୟକକୁ ପୋଲିସ ଗିରଫ କରିବା ସହ କୋର୍ଟ ଚାଲାଣ କରିଥିଲେ । ବବୁଲୁର ଘର ଲାଇନ୍ ପଡ଼ା ବରସାହି ବୋଲି ଜଣା ପଡ଼ିଥିଲା । ପୋସ୍କୋ କୋର୍ଟ 12 ଜଣଙ୍କ ସାକ୍ଷ୍ୟ ଓ ଡାକ୍ତର ମାଇନାକୁ ଆଧର କରି ଏହି ରାୟ ଶୁଣାଇଛନ୍ତ।  

ଇଟିଭି ଭାରତ,କନ୍ଧମାଳ