ଦର୍ଶନ କରନ୍ତୁ ମହାପ୍ରଭୁ ପତିତପାବନଙ୍କ ଦିବ୍ୟ ମଙ୍ଗଳ ଆଳତି, ଶୁଭମୟ ହେବ ଦିନ - Jagannath Mangala Alati ritual

Lord Jagannath Mangala Alati ritual performed:ପୁରୀ: ଜଗନ୍ନାଥ ସ୍ୱାମୀ ନୟନପଥ ଗାମୀ ଭବତୁମେ... । ସେ ସକଳ ଶକ୍ତିର ଆଧାର, ସେ ସୃଷ୍ଟିକର୍ତ୍ତା  ।ବିଶ୍ୱବ୍ରହ୍ମାଣ୍ଡ ଠାକୁର ମହାପ୍ରଭୁ ଶ୍ରୀଜଗନ୍ନାଥ । ଭକ୍ତ ଭାବରେ ବନ୍ଧା ଭାବ ବିନୋଦିଆ ଠାକୁର କାଳିଆ ସାଆନ୍ତ । ତାଙ୍କର ଲୀଳା ଅପାର  । ପତିତମାନଙ୍କୁ ଉଦ୍ଧାରିବା ପାଇଁ ପତିତପାବନ ରୂପେ ଅବତାର ନେଇଛନ୍ତି ମହାପ୍ରଭୁ । ବିଶ୍ବର ମଙ୍ଗଳ କାମନା କରି ଶ୍ରୀମନ୍ଦିରରେ ପ୍ରତ୍ୟହ ପତିତପାବନଙ୍କ ନିକଟରେ କରାଯାଏ ମଙ୍ଗଳ ଆଳତି । ସବୁଦିନ ପରି ଆଜି ମଧ୍ୟ ମଙ୍ଗଳ ଆଳତି ସମ୍ପନ୍ନ ହୋଇଛି । ପ୍ରାତଃରୁ ସେବାୟତମାନଙ୍କ ଦ୍ବାରା ଦ୍ବାରଫିଟା ନୀତି ସମ୍ପନ୍ନ ହୋଇଥିଲା । ଏହାପରେ ଧୂପ ଦୀପ, ଘଣ୍ଟି, ମନ୍ତ୍ରୋପଚାରଣ ସହିତ ପତିତପାବନଙ୍କ ଆଳତି କରାଯାଇଛି । ବିଶ୍ବାସ ରହିଛି ମଙ୍ଗଳ ଆଳତି ଦର୍ଶନ କଲେ ସବୁ ପାପକ୍ଷୟ ହୋଇ ଅପାର କରୁଣା ପ୍ରାପ୍ତ ହୁଏ । ନୀଳାଚଳରୁ ଦେଖନ୍ତୁ ସେହି ଅପୂର୍ବ ଦୃଶ୍ୟ, ଶୁଭମୟ ହେବ ଦିନ ।

ଇଟିଭି ଭାରତ, ପୁରୀ