ପୂଜାର୍ଚ୍ଚନା ପରେ ଭୋଟ ଦେଲେ ପ୍ରତାପ ଜେନା ଓ ପୁଅ ଅଙ୍କିତ - voting in mahanaga

କଟକ: ଭୋଟ ଦେଲେ ବିଜେଡିର ବରିଷ୍ଠ ନେତା ପ୍ରତାପ ଜେନା ଓ ପୁଅ ତଥା ଚଳିତଥରର ବିଜେଡି ବିଧାୟକ ପ୍ରାର୍ଥୀ ଅଙ୍କିତ ଜେନା । ସପରିବାର ମନ୍ଦିର ଯାଇ ପ୍ରଥମେ ପୂଜାର୍ଚ୍ଚନା କରିଥିଲେ ଅଙ୍କିତ ଓ ପ୍ରତାପ । ଏହା ପରେ ପୁରା ପରିବାର ବୁଥ ଅଭିମୁଖେ ଯାଇ ନିଜ ମତାଧିକାର ସାବ୍ୟସ୍ତ କରିଥିଲେ । ଏଥର ବିଜେଡି ପ୍ରତାପଙ୍କ ସ୍ଥାନରେ ପୁଅ ଅଙ୍କିତଙ୍କୁ ପ୍ରାର୍ଥୀ କରିଛି । ବହୁଚର୍ଚ୍ଚିତ ମାହାଙ୍ଗା ଡବଲ ମର୍ଡର ମାମଲାରେ ଛନ୍ଦି ହୋଇ ତଦନ୍ତ ପରିସରରେ ଥିବା ପ୍ରତାପ ଏଥର ଦଳୀୟ ଟିକଟ ପାଇନାହାନ୍ତି । ଏହି ଅପରାଧିକ ମାମଲା କାରଣରୁ ପ୍ରତାପଙ୍କୁ ଦଳ ନିର୍ବାଚନରୁ ଦୂରେଇ ରଖିଥିବା ଚର୍ଚ୍ଚା ହୋଇଥିଲା । ହେଲେ ମାହାଙ୍ଗାରେ ହେଭିଓ୍ବେଟ ପ୍ରତାପଙ୍କ ଟିକଟ କାଟିବା ପରେ ପୁଅ ଅଙ୍କିତଙ୍କୁ ଟିକଟ ଦେଇ ବିଜେଡି ଗଡ ରକ୍ଷା କରିବାକୁ ଚେଷ୍ଟିତ ବୋଲି ବିରୋଧୀ ଅଭିଯୋଗ କରିଥିଲେ । ଆଜି ଅନ୍ତିମ ପର୍ଯ୍ୟାୟରେ ଏହି ଆସନରେ ମତଦାନ ଜାରି ରହିଛି ।

ଇଟିଭି ଭାରତ, କଟକ