ବାଣପୁରରେ ଖୋର୍ଦ୍ଧା ଏସପିଙ୍କ ନେତୃତ୍ୱରେ ମେଗା ଫ୍ଲାଗ ମାର୍ଚ୍ଚ - Flag March in Banapur

Khordha Police Conducts Flag March In Banapur: ଖୋର୍ଦ୍ଧା: ଆସନ୍ତା 25 ତାରିଖରେ ଖୋର୍ଦ୍ଧା ଜିଲ୍ଲାରେ ଅନୁଷ୍ଠିତ ହେବ ନିର୍ବାଚନ । ନିର୍ବାଚନକୁ ସ୍ୱଚ୍ଛ, ଅବାଧ, ହିଂସା ମୁକ୍ତ କରିବା ପାଇଁ ଅନେକ ପଦକ୍ଷେପ ନେଇଛନ୍ତି ନିର୍ବାଚନ ଆୟୋଗ । ବିଶେଷକରି ନିକଟରେ ଗଞ୍ଜାମ ଖଲ୍ଲିକୋଟରେ ହୋଇଥିବା ପ୍ରାକ ନିର୍ବାଚନୀ ହିଂସା ପରେ ଆହୁରି ସତର୍କ ହୋଇଛି ସୀମାନ୍ତବର୍ତ୍ତୀ ଚିଲିକା ନିର୍ବାଚନ ମଣ୍ଡଳୀର ପୋଲିସ । ଚିଲିକା ନିର୍ବାଚନ ମଣ୍ଡଳୀରେ ଆସନ୍ତା 25 ତାରିଖରେ ମତଦାନ ହେବାକୁ ଥିବା ବେଳେ ପ୍ରାକ ନିର୍ବାଚନ ହିଂସାକୁ ରୋକିବା ପାଇଁ ଏକାଧିକ ପଦକ୍ଷେପ ନେଇଛି ଜିଲ୍ଲା ପୋଲିସ । ଆଜି ସନ୍ଧ୍ୟାରେ ଖୋର୍ଦ୍ଧା ଏସପି ଅବିନାଶ କୁମାରଙ୍କ ନେତୃତ୍ୱରେ ବାଣପୁର ଥାନା ଅଞ୍ଚଳରେ ଏକ ମେଗା ଫ୍ଲାଗ ମାର୍ଚ୍ଚ ଅନୁଷ୍ଠିତ ହୋଇଯାଇଛି । ଏହି ଫ୍ଲାଗ ମାର୍ଚ୍ଚରେ ଖୋର୍ଦ୍ଧା ଏସପିଙ୍କ ସମେତ, 3 ଅତିରିକ୍ତ ଏସପି, 6 ଡିଏସପି, 7 ଇନ୍ସପେକ୍ଟର ଏବଂ ଏକାଧିକ ପ୍ଲାଟୁନ ଫୋର୍ସ ସାମିଲ ଥିଲେ । ତେବେ ଭୟମୁକ୍ତ ମତଦାନକୁ ଗୁରୁତ୍ୱ ଦେଇ ଏସପି କହିଥିଲେ ଯା, ବାଣପୁର ଏକ ସମ୍ବେଦନଶୀଳ ଅଞ୍ଚଳ ହୋଇଥିବାରୁ ପୋଲିସର ଏଠାରେ ସ୍ୱତନ୍ତ୍ର ନଜର ରହିଛି । ସମଗ୍ର ଜିଲ୍ଲାରେ ନିର୍ବାଚନକୁ ଅବାଧ ଓ ନିରପେକ୍ଷ ଭାବେ ଅନୁଷ୍ଠିତ କରାଯିବ ତାହାପାଇଁ ପୋଲିସ ପ୍ରଶାସନ ସଦାସର୍ବଦା ତତ୍ପର ଅଛି । ତେବେ ଆଜିର ମେଗା ଫ୍ଲାଗମାର୍ଚ୍ଚ ଦ୍ୱାରା ବାଣପୁର ଅଞ୍ଚବାସୀଙ୍କ ମନୋବଳ ବଢିଥିବା ବେଳେ ନିର୍ଭୟରେ କିପରି ନିର୍ବାଚନ ଶେଷ ହେବ ତା ଉପରେ ପ୍ରଶାସନର ନଜର ରହିଛି । 
ଏହା ମଧ୍ୟ ପଢ଼ନ୍ତୁ...ନିର୍ବାଚନ ପୂର୍ବରୁ ନୟାଗଡ଼ରେ ପୋଲିସର ଫ୍ଲାଗମାର୍ଚ୍ଚ - Police Flag March
ଇଟିଭି ଭାରତ, ଖୋର୍ଦ୍ଧା