ବିଧାନସଭାରେ ଭଜନ କୀର୍ତ୍ତନ କଲେ, ସେଇଠି ତକିଆ ପକାଇ ଶୋଇଲେ ବିଜେପି ବିଧାୟକ - BJP Sleep Protest
![ETV Bharat Odisha Team](https://etvbharatimages.akamaized.net/etvbharat/prod-images/authors/odisha-1716536003.jpeg?imwidth=128)
Published : Jul 25, 2024, 9:04 AM IST
|Updated : Jul 25, 2024, 9:31 AM IST
ବେଙ୍ଗାଲୁରୁ: ବିଧାନସଭା ଭିତରେ ବିଜେପି ବିଧାୟକମାନଙ୍କ ଅଜବ କାରନାମା । ଝାଞ୍ଚ, ଗିନି ଧରି ଭଜନ କୀର୍ତ୍ତନ, ସେଇଠି ଖାଇଲେ ଓ ତକିଆ ପକାଇ ସେହିଠାରେ ହିଁ ଶୋଇପଡିଲେ । ଏମିତି କିଛି ଦୃଶ୍ୟ ସାମ୍ନାକୁ ଆସିଛି କର୍ଣ୍ଣାଟକ ବିଧାନସଭାରୁ । କର୍ଣ୍ଣାଟକ MUDA ଦୁର୍ନୀତିକୁ ନେଇ ବିଜେପି ସଦସ୍ୟମାନେ ବୁଧବାର ରାତିରେ ବିଧାନସଭା ଭିତରେ ଏମିତି ନିଆରା ଢଙ୍ଗରେ ଆନ୍ଦୋଳନ କରିଛନ୍ତି । ସେମାନେ ଏହି ଦୁର୍ନୀତି ଉପରେ ଆଲୋଚନା ପାଇଁ ଗୃହରେ ଦାବି କରିଥିଲେ । ହେଲେ କଂଗ୍ରେସ ସରକାର ଆଲୋଚନା ନକରି ଗୃହକୁ ଅନିର୍ଦ୍ଧିଷ୍ଟ କାଳ ଯାଏଁ ମୁଲତବୀ ଘୋଷଣା କରିଦେଲେ । ଏହାକୁ ବିରୋଧ କରି ବିଜେପି ବିଧାୟକମାନେ କାଲି ରାତିରେ ବିଧାନସଭା ଭିତରେ ଶୋଇକି ପ୍ରତିବାଦ କରିଛନ୍ତି । ଏହି ଦୁର୍ନୀତି ପାଇଁ ବିଜେପି କର୍ଣ୍ଣାଟକ ମୁଖ୍ୟମନ୍ତ୍ରୀ ସିଦ୍ଧରମୈୟାଙ୍କୁ ଦାୟୀ କରି ତାଙ୍କର ଇସ୍ତଫା ଦାବି କରିଛି । ତେବେ ବିଜେପି ବିଧାୟକଙ୍କ ଏପରି ବିଧାନସଭା ଭିତରେ ପ୍ରତିବାଦ ଏବେ ଖୁବ୍ ଚର୍ଚ୍ଚାରେ ରହିଛି ।