'ଦଶମ' ଚଳଚ୍ଚିତ୍ରରେ ଜ୍ୟୋତିରଞ୍ଜନଙ୍କ କମାଲ, ବାଲେଶ୍ଵର ହଲରେ ଦର୍ଶକଙ୍କ ପ୍ରଶଂସା

Odia Film Dasham: ବାଲେଶ୍ବର: ଓଡ଼ିଆ ଚଳଚ୍ଚିତ୍ର 'ଦଶମ'ରେ ଅଭିନୟ କରିଛନ୍ତି ବାଲେଶ୍ବରର ପୁଅ । ଜଣେ ସୁପରିଚିତ ବ୍ୟବସାୟୀ ତଥା କଳାକୁ ଭଲ ପାଉଥିବା ରାଜେନ୍ଦ୍ର ରାଉତଙ୍କ ପୁଅ ଜ୍ୟୋତିରଞ୍ଜନ ଏହି ଚଳଚ୍ଚିତ୍ରରେ ମୁଖ୍ୟ ଭୂମିକାରେ ଅଭିନୟ କରିଛନ୍ତି । ବାଲେଶ୍ଵର ସହରର ଫକୀର ମୋହନ ଗୋଲେଇ ସ୍ଥିତ ମୁଭି ଏକ୍ସ ସିନେମା ହଲରେ ଦଶମ ଚଳଚ୍ଚିତ୍ରର ପ୍ରିମିଅର ସୋ କରାଯାଇଥିଲା । ପୂର୍ବରୁ ଜ୍ୟୋତିରଞ୍ଜନ ବିଭିନ୍ନ ମ୍ୟୁଜିକ ଆଲବମରେ ଅଭିନୟ କରିଥିବାବେଳେ 'ଦଶମ'ଜରିଆରେ ସେ ବଡ଼ ପରଦାରେ ଡେବ୍ୟୁ କରିଛନ୍ତି । ଫିଲ୍ମଟି ଦର୍ଶକଙ୍କ ମନକୁ ବେଶ ଛୁଇଁଛି । 

ଏହି ଚଳଚ୍ଚିତ୍ର ପୁଣି ଥରେ ପିଲାଦିନର ସ୍ମୃତିକୁ ଉଜ୍ଜୀବିତ କରିଥିବା ଦର୍ଶକମାନେ କହିଛନ୍ତି । ସ୍କୁଲ ପିଲାଙ୍କ କୋଳାହଳ ଭିତରେ ସତେ ଯେମିତି ହଜିଯାଏ ଯୌବନ ଆଉ ଖୋଜାପଡ଼େ ଅଭୁଲା ଦିନ । ସେମିତି ଅଭୁଲା ଦିନର କଥାକୁ ଆଉ ଥରେ ମନେ ପକାଇଦେବା ଉଦ୍ଦେଶ୍ୟରେ ତିଆରି ହୋଇଛି ଓଡ଼ିଆ ଫିଲ୍ମ 'ଦଶମ' । ବାଲେଶ୍ୱର ଅଞ୍ଚଳର କବି, ସାହିତ୍ୟିକ ଏବଂ ବୁଦ୍ଧିଜୀବୀମାନେ ଏହି ଫିଲ୍ମ ଦେଖିବାକୁ ଆସିଥିଲେ ।  ବର୍ତ୍ତମାନ ରାଜ୍ୟର ବିଭିନ୍ନ ସିନେମା ହଲରେ ରିଲିଜ ହୋଇଛି 'ଦଶମ' । ଏହା ଦର୍ଶକଙ୍କ ମନକୁ ଛୁଇଁବ ବୋଲି ଆଶା ରଖିଛି ପ୍ରଯୋଜନା ସଂସ୍ଥା ।

ଇଟିଭି ଭାରତ,ବାଲେଶ୍ବର