ଭୁବନେଶ୍ୱରରେ କେନ୍ଦ୍ର ଗୃହମନ୍ତ୍ରୀ ଅମିତ ଶାହ, ପାରମ୍ପରିକ ନାଚଗୀତରେ କରାଗଲା ଭବ୍ୟ ସ୍ବାଗତ - AMIT SHAH IN BHUBANESWAR

Amit Shah In Bhubaneswar: ଭୁବନେଶ୍ୱର: ଆଜି ଓଡ଼ିଶା ଆସିଛନ୍ତି କେନ୍ଦ୍ର ଗୃହମନ୍ତ୍ରୀ ଅମିତ ଶାହ । ସୋନପୁରରେ ଜନସଭାକୁ ସମ୍ବୋଧିତ କରିଛନ୍ତି ଶାହ । ଏହାପରେ ସେ ଭୁବନେଶ୍ବରରେ ପହଞ୍ଚିଛନ୍ତି । ବିମାନ ବନ୍ଦରରେ ପହଞ୍ଚିବା ପରେ ଶାହଙ୍କୁ ବିରାଟ ପଟୁଆରରେ ସ୍ବାଗତ ସମ୍ବର୍ଦ୍ଧନା ଜଣାଇଥିଲେ ଦଳୀୟ କର୍ମୀ । ଭୁବନେଶ୍ୱର ଜିଲ୍ଲା ଯୁବ ବିଜେପି କର୍ମୀମାନେ ଏନେଇ ବିରାଟ ଆୟୋଜନ କରିଥିବା ଦେଖିବାକୁ ମିଳିଥିଲା । ବାଘ ନାଚ ଓ ଘୋଡା ନାଚ ପରି ବିଭିନ୍ନ ପାରମ୍ପରିକ ନାଚ ଗୀତ ଦେଖିବାକୁ ମିଳିଥିଲା । କୀର୍ତ୍ତନ, ଭଜନ ଓ ଶାହାଙ୍କ ସ୍ୱାଗତ ଗୀତ ସହ ଅତି ସୁନ୍ଦର ଭାବେ ଦଳୀୟ କର୍ମୀଙ୍କ ସହ ସାଧାରଣ ଲୋକେ ଶାହଙ୍କ ସ୍ୱାଗତ କରିଛନ୍ତି। 

ଦଳୀୟ କର୍ମୀଙ୍କ ସହ ବିଧାନସଭାର ତିନି ନିର୍ବାଚନ ମଣ୍ଡଳୀର ବିଧାୟକଙ୍କ ସମର୍ଥନମାନେ ହାତରେ ପ୍ଲାକାର୍ଡ଼ ଓ ଫୁଲ ନେଇ ଶାହଙ୍କୁ ସ୍ୱାଗତ କରିଥିଲେ । ଅମିତ ଶାହଙ୍କ ସ୍ୱାଗତକୁ ନେଇ ବିମାନବନ୍ଦର ଲୋକାରଣ୍ୟ ହୋଇଥିବାବେଳେ ଗେରୁଆମୟ ହୋଇଉଠିଥିଲା ପୁରା ପରିବେଶ । 
 

ଇଟିଭି ଭାରତ, ଭୁବନେଶ୍ବର