ଧାର୍ମିକ ମେଳାରେ ଭୁଶୁଡିଲା ବିଶାଳ ରଥ, ଅଳ୍ପକେ ବର୍ତ୍ତିଲେ ଶ୍ରଦ୍ଧାଳୁ - Temple chariot fell

TEMPLE CHARIOT FELL: ବେଙ୍ଗାଲୁରୁ: କର୍ଣ୍ଣାଟକ ରାଜଧାନୀ ବେଙ୍ଗାଲୁରୁର ବାହାର ଅଞ୍ଚଳରେ ଶନିବାର ଏକ ଧାର୍ମିକ ସମାରୋହର ଆୟୋଜିତ ହୋଇଥିଲା । ଯେଉଁଥିରେ ଏକ ବଡ଼ ଅଘଟଣରୁ ଅଳ୍ପକେ ବର୍ତ୍ତିଛନ୍ତି ଶହ ଶହ ଶ୍ରଦ୍ଧାଳୁ । ବର୍ଷ ବର୍ଷ ପୁରୁଣା ଏହି ପ୍ରଥା ଏହି ଅଞ୍ଚଳରେ ପ୍ରଚଳିତ ହେଉଛି । ମେଳାରେ ଏକ ବଡ଼ ରଥ ଭ୍ରମଣରେ ବାହାରିଥାଏ । ବିଶାଳ ରଥକୁ ଘେରି ଶ୍ରଦ୍ଧାଳୁମାନେ ମଧ୍ୟ ରଥ ସହିତ ଚାଲିଥାନ୍ତି । ଚଳିତ ବର୍ଷ ସମାନ ଢଙ୍ଗରେ ଶ୍ରଦ୍ଧାଳୁ ରଥ ସହିତ ଚାଲୁଥିଲେ । ହଠାତ ଏହି ବିଶାଳ ରଥର ସନ୍ତୁଳନ ବିଗିଡିଯାଇଥିଲା । ସ୍ଥାନୀୟ ହୁସ୍କୁର ମଦୁରମ୍ମା ଦେବୀ ମନ୍ଦିରରେ ଅନୁଷ୍ଠିତ ହେଉଥିବା ମେଳାରେ ଏହି ରଥ ବାହାରିଥାଏ । ହୁସ୍କୁର ମଦୁରମ୍ମା ମନ୍ଦିରରେ ପହଞ୍ଚିବା ଲାଗି ଏହି ବିଶାଳ ରଥକୁ ବଳଦ ଓ ଟ୍ରାକ୍ଟର ସାହାଯ୍ୟରେ ଟାଣି ଟାଣି ମନ୍ଦିର ନିକଟକୁ ନିଆୟାଇଥାଏ ।