ପରିବା ମାର୍କେଟରେ ନିଆଁ; ହୁ ହୁ ହୋଇ ବଢ଼ୁଛି ଦର, ଚିନ୍ତାରେ ଖାଉଟି - Vegetable Price Hike

Vegetable Price Rapidly Increase: ରାଉରକେଲା: ହୁ ହୁ ହୋଇ ବଢ଼ିବାରେ ଲାଗିଛି ପରିବା ଦର । ହାଟରୁ ନେଇ ଦୋକାନ ଯାଏଁ ସବୁଠି ପରିବା ଦର ଆକାଶଛୁଆଁ । ପରିବା ଦରକୁ ନେଇ ହନ୍ତସନ୍ତ ଖାଉଟି । ପୂର୍ବରୁ ଯେଉଁ ପରିବାକୁ ଗ୍ରାହକ କିଲୋ ଆକାରରେ କିଣୁଥିଲେ ଏବେ ତାହାକୁ ଅଢେଇଶ କିମ୍ବା ଅଧକିଲୋ କିଣିବା ପାଇଁ ବାଧ୍ୟ ହେଉଛନ୍ତି । ଏପଟେ ପକେଟରୁ ଟଙ୍କା ଖାଲି ହେଉଛି ହେଲେ ବ୍ୟାଗ ଫୁଲ ହେଉନି । ସବୁଆଡ଼େ ପରିବା ଦର ନିୟନ୍ତ୍ରଣ ବାହାରେ ଥିବା ବେଳେ ଏଥିରୁ ବାଦ ପଡ଼ିନି ରାଉରକେଲା । ରାଉରକେଲା ବଜାରରେ ବର୍ତ୍ତମାନ ସବୁଠାରୁ ଅଧିକ ଦର ଥିବା ପରିବା ହେଉଛି କାଙ୍କଡ଼ । ଯାହା କିଗ୍ରାପ୍ରତି 240 ଟଙ୍କାରେ ବିକ୍ରି ହେଉଛି ।

ବର୍ତ୍ତମାନ ସୁଦ୍ଧା ମାର୍କେଟକୁ ଭଲ ଭାବରେ ପରିବା ଆମଦାନୀ ହେଉନାହିଁ । ତେଣୁ ପରିବାର ଅଭାବ ଦେଖା ଦେଇଥିବାରୁ ଏହାର ଦର ବୃଦ୍ଧି ପାଇଛି । ତେବେ ଶ୍ରାବଣ ଆରମ୍ଭରୁ ହଠାତ୍ ଏଭଳି ଦରବୃଦ୍ଧି ରାଉରକେଲା ସହରବାସୀଙ୍କୁ ବିଚଳିତ କରିବା ସହ ସେମାନଙ୍କ ଘରୋଇ ବଜେଟ ଉପରେ ଚଡକ ପକାଇଛି । 

ନଜର ପକାନ୍ତୁ କଣ ରହିଛି ପନିପରିବା ଦର:

ପରିବା କିଲୋପ୍ରତି ଦର

• ଛୁଇଁ ୧୬୦ ଟଙ୍କା 
• କାଙ୍କଡ଼ ୨୪୦ ଟଙ୍କା 
• ଫୁଲକୋବି ୬୦ ଟଙ୍କା
• ପୋଟଳ ୬୦ ଟଙ୍କା
• ବାଇଗଣ ୬୦ ଟଙ୍କା 
• ବନ୍ଧାକୋବି ୭୦ ଟଙ୍କା 
• ଭେଣ୍ଡି ୫୦ ଟଙ୍କା 
• ଟମାଟୋ ୮୦ରୁ ୯୦ ଟଙ୍କା 
• କଦଳୀ କିଲୋ ୬୦ ଟଙ୍କା
• ମାଟି ଆଳୁ ୧୦୦ ଟଙ୍କା 
• ବିନ୍ସ ୧୨୦ ଟଙ୍କା 
• କଲରା ୮୦ ଟଙ୍କା

ଇଟିଭି ଭାରତ, ସୁନ୍ଦରଗଡ଼