ଜୟଶ୍ରୀ କହଁରଙ୍କୁ ମିଳିଲା ଫୁଲବାଣୀ ଟିକେଟ୍‌, ଉତ୍ସାହିତ କର୍ମୀ - BJD Candidate List

BJD Candidate List: ଫୁଲବାଣୀ: ୨୦୨୪ ନିର୍ବାଚନ ପାଇଁ ଦ୍ୱିତୀୟ ପର୍ଯ୍ୟାୟ ପ୍ରାର୍ଥୀ ତାଲିକା ଘୋଷଣା କରିଛି ବିଜେଡି । 27ଟି ବିଧାନସଭା ଆସନ ପାଇଁ ପ୍ରାର୍ଥୀଙ୍କ ନାମ ଘୋଷଣା ହୋଇଛି । ଏଥିରେ ଫୁଲବାଣୀ ନିର୍ବାଚନ ମଣ୍ଡଳୀର ବିଜେଡି ପ୍ରାର୍ଥିନୀ ଭାବେ ଫିରିଙ୍ଗିଆ 13 ନମ୍ବର ଜୋନ ଜିଲ୍ଲାପରିଷଦ ସଭ୍ୟା ଜୟଶ୍ରୀ କହଁରଙ୍କୁ ଦଳ ପକ୍ଷରୁ ଘୋଷଣା କରାଯାଇଛି । ତେବେ ଟିକେଟ ମିଳିଥିବାରୁ ଦଳର କର୍ମୀ ଓ ନେତାମାନଙ୍କ ମଧ୍ୟରେ ବେଶ ଉତ୍ସାହ ଦେଖାଦେଇଛି । ପୂର୍ବରୁ ଜୟଶ୍ରୀ ଫିରିଙ୍ଗିଆ ପଞ୍ଚାୟତର ସମିତି ଅଧ୍ୟକ୍ଷା ଭାବେ ଦାୟିତ୍ଵ ତୁଲାଇଥିବା ବେଳେ ବର୍ତ୍ତମାନ ସେ ଫୁଲବାଣୀ ନିର୍ବାଚନ ମଣ୍ଡଳୀ ଜୋନ 13ର ଜିଲ୍ଲାପରିଷଦ ସଭ୍ୟା ଭାବରେ ଦାୟିତ୍ଵ ତୁଲାଉଛନ୍ତି । 

ଦଳ ପକ୍ଷରୁ ଟିକେଟ ଘୋଷଣା ପରେ ପ୍ରାର୍ଥିନୀ ଜୟଶ୍ରୀ କହଁର ଦଳର ସୁପ୍ରିମୋ ନବୀନ ପଟ୍ଟନାୟକ, ପୂର୍ବତନ ମନ୍ତ୍ରୀ ପଦ୍ମନାଭ ବେହେରା ଏବଂ ଦଳର ବରିଷ୍ଠ ନେତୃବୃନ୍ଦଙ୍କୁ ଧନ୍ୟବାଦ ଅର୍ପଣ କରିଛନ୍ତି । ତେବେ ନିର୍ବାଚନ ମଣ୍ଡଳୀର ସର୍ବାଙ୍ଗୀନ ବିକାଶ ସହ ତୃଣମୂଳ ସ୍ତରରେ ଦଳକୁ ସୁଦୃଢ କରିବେ ବୋଲି ତାଙ୍କର ପ୍ରତିକ୍ରିୟା ରଖିଛନ୍ତି। 
 ଏହା ମଧ୍ୟ ପଢନ୍ତୁ -ଟିକେଟ୍‌ ପାଇ ଉତ୍ସାହିତ ଜଗତସିଂହପୁର ବିଜେଡି ପ୍ରାର୍ଥୀ, ଅମରେନ୍ଦ୍ରଙ୍କ ସମର୍ଥକ ନିରାଶ

ଇଟିଭି ଭାରତ, ଫୁଲବାଣୀ