ଗୋପାଳପୁରରେ ବିଜେପି ପ୍ରାର୍ଥୀ ବିଭୂତିଙ୍କ ଜୋରଦାର ପ୍ରଚାର, କହିଲେ ଏଥର ନିଆରା ନିର୍ବାଚନ - Campaign By Bibhuti Bhusan

ବ୍ରହ୍ମପୁର: ଚର୍ଚ୍ଚାରେ ଗୋପାଳପୁର ବିଧାନସଭା ନିର୍ବାଚନ ମଣ୍ଡଳୀ । ଚଳିତ ନିର୍ବାଚନରେ ଏଠାରେ ବିଜେପି ପ୍ରାର୍ଥୀ ହୋଇଛନ୍ତି ବିଭୂତି ଭୂଷଣ ଜେନା । ଦୀର୍ଘ ବର୍ଷ ଧରି ଗୋପାଳପୁର ନିର୍ବାଚନ ମଣ୍ଡଳୀରେ ଲୋକଙ୍କ ସହିତ ରହି ଆସୁଥିବା କହିଛନ୍ତି ବିଭୂତି ଭୂଷଣ । ଚଳିତବର୍ଷ ନିର୍ବାଚନ ପାଇଁ ସେ ପ୍ରାର୍ଥୀ ହେବା ପରେ ଜାରି ରଖିଛନ୍ତି ପ୍ରଚାର । ଗ୍ରାମରୁ ଗ୍ରାମ, ପଞ୍ଚାୟତରୁ ପଞ୍ଚାୟତ ଏବଂ ଘରକୁ ଘର ବୁଲି ପ୍ରଚାର କରୁଛନ୍ତି । ଲୋକଙ୍କ ପାଖକୁ ଯାଇ କେନ୍ଦ୍ରର ମୋଦିଙ୍କ ଗ୍ୟାରେଣ୍ଟି ଏବଂ ରାଜ୍ୟରେ ଡବଲ ଇସ୍ତଫା ଇଞ୍ଜିନ ସରକାର ଆଣିବାକୁ ଆହ୍ବାନ କରୁଛନ୍ତି ।  

ଏଥର ନିର୍ବାଚନ ନିଆରା ନିର୍ବାଚନ ହେଉଥିବା କହିଛନ୍ତି ବିଜେପିର ଗୋପାଳପୁର ବିଧାନସଭା ପ୍ରାର୍ଥୀ ବିଭୂତି ଜେନା । ସେ କହିଛନ୍ତି, "ମୋଦିଙ୍କ ଆହ୍ବାନରେ ଏଥର ପରିବର୍ତ୍ତନ ହେବ । ପୂର୍ବରୁ ଏହି ଆସନରୁ ବିଧାୟକ ଭାବେ ନିର୍ବାଚିତ ହୋଇଥିଲେ ପ୍ରଦୀପ ପାଣିଗ୍ରାହୀ । ସେ ନିକଟରେ ବିଜେପିରେ ଯୋଗ ଦେଇଛନ୍ତି । ବିଜେପି ତାଙ୍କୁ ବ୍ରହ୍ମପୁର ଲୋକସଭା ଆସନ ପାଇଁ ପ୍ରାର୍ଥୀ କରିଥିବାବେଳେ ଗୋପାଳପୁର ବିଧାନସଭା ଆସନରୁ ଦଳୀୟ ପ୍ରାର୍ଥୀ ହୋଇଛନ୍ତି ବିଭୂତି ଭୂଷଣ ଜେନା ।

ଇଟିଭି ଭାରତ, ବ୍ରହ୍ମପୁର