ଭୁବନେଶ୍ବରରେ ପହଞ୍ଚିଲେ ହେମାମାଳିନୀ, ଆଜି ବିଜେପି ପ୍ରାର୍ଥୀଙ୍କ ପାଇଁ କରିବେ ପ୍ରଚାର - Hema Malini Odisha Visit

ଭୁବନେଶ୍ବର: ରାଜଧାନୀ ଭୁବନେଶ୍ବରରେ ପହଞ୍ଚିଲେ ବଲିଉଡ ଡ୍ରିମଗାର୍ଲ ହେମାମାଳିନୀ  । ବିଜେପି ପ୍ରାର୍ଥୀଙ୍କ ଲାଗି ପ୍ରଚାର ପାଇଁ ଆଜି ଅଭିନେତ୍ରୀ ତଥା ବିଜେପି ନେତ୍ରୀ ହେମାମାଳିନୀ ଓଡ଼ିଶା ଆସିଛନ୍ତି  । ପ୍ରଥମେ ସେ ଭୁବନେଶ୍ବର ଉତ୍ତର ନିର୍ବାଚନମଣ୍ଡଳୀର ସାଲିଆ ସାହିରେ ପ୍ରଚାର କରୁଛନ୍ତି  । ଏଠି ସେ ବିଜେପିର ବିଜୟ ସଂକଳ୍ପ ସମାବେଶରେ ଯୋଗ ଦେଇଛନ୍ତି  । ଏହାପରେ କଟକ କିଶୋରନଗରରେ ସଭା କରିବେ  । ସନ୍ଧ୍ୟାବେଳକୁ ହେମାମାଳିନୀ ପିପିଲିରେ ଜନସଭା ସହ ରୋଡ ସୋ କରିବେ । ଭୁବନେଶ୍ବରରେ ପହଞ୍ଚିବା ପରେ ହେମାମାଳିନୀ କହିଛନ୍ତି, ''ବିଜେପି ପ୍ରାର୍ଥୀଙ୍କ ପ୍ରଚାର ପାଇଁ ମୁଁ ଆଜି ଓଡ଼ିଶା ଆସିଛି  । ରାଜ୍ୟର ୨୫ ବର୍ଷର ସରକାର ପରିବର୍ତ୍ତନ ହେବାର ସମୟ ଆସିଛି । ଓଡ଼ିଶାରେ ବର୍ତ୍ତମାନ ସୁଦ୍ଧା କୌଣସି ବିକାଶ ହୋଇନି  । ରାଜ୍ୟର ବିକାଶ ପାଇଁ ଡବଲ ଇଞ୍ଜିନ ସରକାର ଦରକାର  । ମୋଦିଙ୍କ ୪୦୦ ପାର୍ ନାରା ସଫଳ ହେବ । ଓଡ଼ିଶାରେ ଡବଲ ଇଞ୍ଜିନ ସରକାର ହେବ  ।'' 

ଇଟିଭି ଭାରତ, ଭୁବନେଶ୍ବର