ଜୟଦେବରେ ଭୋଟିଂ ଜାରି, ନେତା ବାଛୁଛନ୍ତି ଜନତା - Jayadev Assembly Constituency

Jayadev Assembly Constituency: ନିଆଳି: ରାଜ୍ୟରେ ଜାରି ରହିଛି ତୃତୀୟ ପର୍ଯ୍ୟାୟ ଭୋଟଦାନ । ରାଜ୍ୟରେ ହାଇପ୍ରୋଫାଇଲ ଭୁବନେଶ୍ବର ଲୋକସଭା ଅନ୍ତର୍ଗତ ଜୟଦେବ ବିଧାନସଭା ଆସନରେ ଚାଲିଛି ମତଦାନ । ଦିନ ଦୁଇଟା ସୁଦ୍ଧା ପାଖାପାଖି ୫୦ ପ୍ରତିଶତ ମତଦାନ ହୋଇଥିବା ନେଇ ସୂଚନା ମିଳିଛି । ଜୟଦେବରେ ୨୩୬ ଟି ବୁଥ ମଧ୍ୟରୁ ୩୦ ଗୋଟି ଉତ୍ତେଜନା ପ୍ରବଣ ବୋଲି ଚିହ୍ନଟ କରିଛି ଖୋର୍ଦ୍ଧା ଜିଲ୍ଲା ପ୍ରଶାସନ ବୋଲି ସୂଚନା ମିଳିଛି । ଏହି ସବୁ ବୁଥ ଗୁଡ଼ିକରେ ବ୍ୟାପକ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି । ଆଜି ୧ ଲକ୍ଷ ୮୧ ହଜାର ୯୮୧ ଜଣ ଭୋଟର ନିଜର ମତଦାନ ସାବ୍ୟସ୍ତ କରୁଛନ୍ତି । 

ଏହା ମଧ୍ୟ ପଢନ୍ତୁ ... ମନ୍ତ୍ରୀଙ୍କ ଉପସ୍ଥିତିରେ ବୁଥରେ ଉତ୍ତେଜନା, କାମାକ୍ଷାନଗରରେ ପ୍ରିଜାଡିଙ୍ଗ ଅଫିସରଙ୍କୁ ବିରୋଧ - Poll Violence In 3rd Phase Election

ଜୟଦେବ ବିଧାନସଭା ଆସନରେ ନିର୍ବାଚନରେ ଆଠ ଜଣ ପ୍ରାର୍ଥୀ ନିର୍ବାଚନ ଲଢୁଛନ୍ତି । ଖୋର୍ଦ୍ଧା ଜିଲ୍ଲା ବାଲିପାଟଣା ବ୍ଲକ ଅଭୟମୁଖୀ ବରାହୀ ସରକାରୀ ଉଚ୍ଚ ବିଦ୍ୟାଳୟରେ ତିନୋଟି ବୁଥ ରହିଛି । ଦିନ ଦୁଇଟା ସମୟରେ ଦେଉଳଧରପୁର ପଞ୍ଚାୟତର ଅଭୟମୁଖୀ ବୁଥରେ ୨୨୦, ୨୨୧ ଏବଂ ୨୨୨ ବୁଥରେ ୪୦ ପ୍ରତିଶତ ମତଦାନ ହୋଇଥିବା ନେଇ ସୂଚନା ମିଳିଛି । ଏନେଇ ଇଟିଭି ଭାରତର ନିଆଳି ପ୍ରତିନିଧି ଉମେଶ ଚନ୍ଦ୍ର ମଲ୍ଲିକ ବୁଥ ପରିସରରେ ମତଦାତାଙ୍କ ସହିତ ଅଧିକ ଆଲୋଚନା କରିଛନ୍ତି ।      

ଇଟିଭି ଭାରତ, ନିଆଳି