Ola ଲଞ୍ଚ କଲା 2 ନୂଆ ଇଲେକ୍‌ଟ୍ରିକ ସ୍କୁଟର; ଦାମ ବହୁତ କମ୍‌

ଇଲେକଟ୍ରିକ ଦୁଇ ଚକିଆ ବାହନ ନିର୍ମାତା କମ୍ପାନୀ Ola Electric ଦୁଇଟି ନୂଆ ସ୍କୁଟର Ola S1 Z ଓ Ola Gig ଲଞ୍ଚ୍‌ କରିଛି । କଣ ଖାସ ଜାଣନ୍ତୁ...

ହାଇଦ୍ରାବାଦ: ଓଲା ଇଲେକ୍‌ଟ୍ରିକ ମୋବିଲିଟି ଲିମିଟେଡ (Ola Electric Mobility Ltd) ମଙ୍ଗଳବାର ଦୁଇଟି ନୂଆ ଇଲେକ୍‌ଟ୍ରିକ ଦୁଇ ଚକିଆ ଯାନକୁ ଲଞ୍ଚ କରିଛି । ବିତରଣ ଏଜେଣ୍ଟମାନଙ୍କ ପାଇଁ କମ୍ପାନୀ ପ୍ରତ୍ୟେକ ଲାଇନ୍ ଅପ୍‌ରେ ଏହି ଦୁଇଟି ମଡେଲକୁ ସାମିଲ କରିଛି । ଏହି ସ୍କୁଟରଗୁଡିକ ଏକ ପୋର୍ଟେବଲ୍ ବ୍ୟାଟେରୀ ପ୍ୟାକ୍ ସହିତ ଆସିଥିବା ବେଳେ ଏହା ଓଲା ପାୱାର ପଡ୍ ବ୍ୟବହାର କରି ଏକ ହୋମ ଇନଭର୍ଟର ଭାବରେ କାର୍ଯ୍ୟ କରିଥାଏ । ଏହି 2 ସ୍କୁଟରକୁ କମ୍ପାନୀ Ola S1 Z ଏବଂ Ola Gig ନାଁରେ ଲଞ୍ଚ କରିଛି ।

କମ୍ପାନୀର ସିଇଓ ଭବିଶ ଅଗ୍ରୱାଲ ସୋସିଆଲ ମିଡିଆ ପ୍ଲାଟଫର୍ମ 'X'ରେ ଏକାଧିକ ପୋଷ୍ଟ କରି ସୂଚନା ଦେଇଛନ୍ତି । ଏହି ସ୍କୁଟରଗୁଡ଼ିକର ବୁକିଂ ଆରମ୍ଭ ହୋଇଥିବା ବେଳେ ଏହାର ବିତରଣ ଆସନ୍ତା ବର୍ଷ ଏପ୍ରିଲରୁ ଆରମ୍ଭ ହେବ । ଉଭୟ ସ୍କୁଟର ପୋର୍ଟେବଲ ବ୍ୟାଟେରୀ ପ୍ୟାକ୍‌ ସହ ଆସିଛି । ଏହି ସ୍କୁଟରଗୁଡିକର 4ଟି ଭାରିଏଣ୍ଟ ଥିବା ବେଳେ ସେଥିମଧ୍ୟରୁ ଦୁଇଟି 1.5 କିଲୋୱାଟ ବ୍ୟାଟେରୀ ପ୍ୟାକ୍ ବ୍ୟବହାର କରିପାରିବ । ଏହି ଇଲେକଟ୍ରିକ୍ ସ୍କୁଟରଗୁଡିକ ସିଟି ରାଇଡ୍ ଅନୁଯାୟୀ ଡିଜାଇନ କରାଯାଇଛି ।

We’re racing to #EndICEage like never before. And there’s no stopping us. Ending 2024 with a whole new range of EVs. You ready for it? 🤍

Reservations open, deliveries Apr’25!
Ola S1 Z: https://t.co/jzNQZk7JLj
Ola Gig: https://t.co/n8nF1qmIQq pic.twitter.com/lEj3ti6KxR

— Ola Electric (@OlaElectric) November 26, 2024

Ola ସ୍କୁଟରର ଦାମ କେତେ ?

• Ola Gig: 39,999 ଟଙ୍କା
• Ola Gig+: 49,999 ଟଙ୍କା
• Ola S1 Z: 59,999 ଟଙ୍କା
• Ola S1 Z+: 64,999 ଟଙ୍କା

ଏହା ବି ପଢନ୍ତୁ

India’s Gig economy will be 2x in the next few years with more than 10 Mn workers. These workers unfortunately have to ride poor quality products at a much higher price.

Ola Gig will change this!🛵💪 pic.twitter.com/iRYpE03yNn

— Bhavish Aggarwal (@bhash) November 26, 2024

Ola Gig+ ଓ Ola Gigର ସ୍ପେଶିଫିକେସନ:-

ଓଲା ଗିଗ୍ + ବିଷୟରେ କହିବାକୁ ଗଲେ, ଏଥିରେ 1.5 କିଲୋୱାଟ୍‌ ବ୍ୟାଟେରୀ କ୍ଷମତା ସହିତ 2ଟି 1.5 କିଲୋୱାଟ୍‌ ବ୍ୟାଟେରୀ ଲଗାଇବାର ବିକଳ୍ପ ରହିଛି । ସେପଟେ ଓଲା ଗିଗ୍‌ରେ କେବଳ ଗୋଟିଏ ବ୍ୟାଟେରୀ ପ୍ୟାକ୍ ଅଛି । ଗିଗ୍ +ର ଏକ ପ୍ରମାଣିତ ରେଞ୍ଜ 81 କିଲୋମିଟରରୁ 157 କିଲୋମିଟର ଥିବାବେଳେ ସିଙ୍ଗଲ୍ ବ୍ୟାଟେରୀ ଓଲା ଗିଗ୍ ଗୋଟିଏ ଥର ଚାର୍ଜରେ 112 କିଲୋମିଟର ପର୍ଯ୍ୟନ୍ତ ଯାଇପାରେ ।

ଉଭୟ ଭାରିଏଣ୍ଟର ସର୍ବାଧିକ ଗତି ଘଣ୍ଟା ପ୍ରତି ଯଥାକ୍ରମେ 45 କିଲୋମିଟର ଏବଂ 25 କିଲୋମିଟର ରହିଛି । Ola Gig +କୁ ଶକ୍ତି ଦେବା ପାଇଁ 1.5 kWh ମୋଟର ଏବଂ ଗିଗ୍ ପାଇଁ 250W ମୋଟର ବ୍ୟବହାର କରାଯାଇଛି । ଓଲା ଗିଗ୍ ରେଞ୍ଜରେ ଆପ୍-ଆଧାରିତ ଆକ୍ସେସ୍ ପ୍ରଦାନ କରାଯାଇଛି, ଯେଉଁଠାରେ ଚାଳକ ଅନଲକ୍ ଏବଂ ଚଲାଇବା ପାଇଁ ସ୍କାନ୍ କରିପାରିବେ ।

For the Gig product pictured here, @OlaElectric and @Olacabs will work together to scale adoption as fast as possible!

Goal is to #EndICEAge for all 2W commercial vehicles 🙂💪🏼 pic.twitter.com/REAusiDd1C

— Bhavish Aggarwal (@bhash) November 26, 2024

Ola S1 Z+ ଓ Ola S1 Zର ସ୍ପେଶିଫିକେସନ:-

ସେହିପରି Ola S1 Z + ଏବଂ Ola S1 Zରେ ଦୁଇଟି 1.5 kWh ପୋର୍ଟେବଲ୍ ବ୍ୟାଟେରୀ ପ୍ୟାକ୍ ବିକଳ୍ପ ରହିଛି । ଏହି ଇଲେକଟ୍ରିକ୍ ସ୍କୁଟରଗୁଡିକ ବ୍ୟବହାର ଉପରେ ନିର୍ଭର କରି 75ରୁ 146 କିଲୋମିଟରର ଏକ ପ୍ରାମାଣିକ ରେଞ୍ଜ ପ୍ରଦାନ କରାଯାଇଛି । ଏହି ସ୍କୁଟର ଘଣ୍ଟା ପ୍ରତି 70 କିଲୋମିଟର ବେଗରେ ଯାଇପାରେ । ଏହି ଭାରିଏଣ୍ଟର ସ୍କୁଟର 3 କିଲୋୱାଟ ମୋଟର ଦ୍ବାରା ଚାଳିତ, ଯାହାକି ଏକ ସୁଗମ ଯାତ୍ରାର ଅନୁଭବ ପ୍ରଦାନ କରିଥାଏ ।

ଓଲା S1 Z + ସ୍କୁଟର ଗୋଟିଏ ବ୍ୟାଟେରୀ ସହିତ 4.7 ସେକେଣ୍ଡରେ ଘଣ୍ଟା ପ୍ରତି ବେଗ 0-40 କିଲୋମିଟର ବଢିପାରେ । ଏହା ବ୍ୟତୀତ S1 Z +ରେ 14 ଇଞ୍ଚ ଟାୟାର ଲଗାଯାଇଛି । କମ୍ପାନୀ ଆଗ ଏବଂ ପଛରେ ଭାର ବହନ କରିବା ପାଇଁ କ୍ୟାରିଅର ଲଗାଇବାର ଅପସନ ଦେଇଛି । କିନ୍ତୁ ଏହା କେତେ ଓଜନ ପର୍ଯ୍ୟନ୍ତ ବୋଝ ବୋହିପାରିବ ସେ ନେଇ କମ୍ପାନୀ ପକ୍ଷରୁ କୌଣସି ସୂଚନା ଦିଆଯାଇନାହିଁ ।