ହାଇଦ୍ରାବାଦ: ବିଶିଷ୍ଟ ଉଦ୍ୟୋଗପତି ମୁକେଶ ଅମ୍ବାନୀଙ୍କ ସମର୍ଥିତ ୱେୟାରହାଉସ ଅଟୋମେସନ ଓ ରୋବୋଟିକ୍ସ ଷ୍ଟାର୍ଟଅପ କମ୍ପାନୀ ଏଡଭର୍ବ ଟେକ୍ନୋଲୋଜି (Addverb Technologies) ହ୍ୟୁମାନଏଡ୍ ବା ମାନବ ସଦୃଶ ରୋବୋଟିକ୍ସ ଯୁଗରେ ପ୍ରବେଶ କରିବାକୁ ଘୋଷଣା କରିଛି । ଆସନ୍ତା ବର୍ଷ 2025ରେ ଏହି ରୋବୋଟ୍କୁ ଲଞ୍ଚ କରାଯିବ । ରିଲାଏନ୍ସ ରୋବୋଟ୍ର ମୁକାବିଲା ସିଧାସଳଖ ଏଲନ ମସ୍କଙ୍କ ଟେସଲା କମ୍ପାନୀର ରୋବୋଟ୍ ସହିତ ହେବ ବୋଲି କୁହାଯାଉଛି ।
କଣ କରିପାରିବ ଏହି ରୋବୋଟ୍ ?
ଏହି ହ୍ୟୁମାନଏଡ୍ ରୋବୋଟ୍ ଫ୍ୟାସନ, ରିଟେଲ ଓ ଶକ୍ତି ଭଳି ଅନେକ ବିଭାଗରେ କାମ କରିବାରେ ସକ୍ଷମ । ଏହାପରେ ଭାରତ ଦୁନିଆର ସେହି ଦେଶଗୁଡ଼ିକ ତାଲିକାରେ ସାମିଲ ହେବ ଯେଉଁମାନେ ଏପରି ରୋବୋଟ୍ ବିକଶିତ କରୁଛନ୍ତି ବା କରିସାରିଲେଣି । ଏହି ତାଲିକାରେ ଆମେରିକାର ଟେସଲା, ବୋଷ୍ଟନ ଡାଇନାମିକ୍ସ ଓ ଏଜିଲିଟି ରୋବୋଟିକ୍ସ କମ୍ପାନୀଗୁଡ଼ିକ ସାମିଲ ।
Humanoid robots by 2025? YES! 🤖
— Addverb (@Addverb_Tech) November 19, 2024
Our CEO spills the details on @BloombergTV 'The China Show' with Annabelle Droulers @BelleDroulers . Backed by futuristic tech & Reliance’s powerhouse ecosystem, at Addverb we are setting the stage for a global robotics revolution.
Watch the…
| ଏହା ବି ପଢନ୍ତୁ |
ରୋବୋଟ୍ର ଡିଜାଇନ:-
ଏହି ରୋବୋଟ୍ରେ ସବୁଠୁ ଅତ୍ୟାଧୁନିକ GPU ଟେକନିକ୍, କମ ବିଦ୍ୟୁତ ଖର୍ଚ୍ଚ କରୁଥିବା ମୋଟର ଓ 2ହାତ ଲଗାଯିବ । ଯାହାଦ୍ବାରା ଏହି ମାନବ ରୂପୀ ରୋବୋଟ୍କୁ ବିଭିନ୍ନ କ୍ଷେତ୍ରରେ ବ୍ୟବହାର କରାଯାଇପାରିବ ଏବଂ ରୋବୋଟ୍ ଭିନ୍ନ ଭିନ୍ନ କାମ କରିବାରେ ସକ୍ଷମ ହେବ । ଏହି ରୋବୋଟ୍ରେ ଭିଜୁଆଲ ଆଣ୍ଡ ଲାଙ୍ଗୁଏଜ୍ ଆକ୍ସନ (VLA) ଟେକ୍ନୋଲୋଜିର ବ୍ୟବହାର ହେବ, ଯାହାଦ୍ବାରା ବିନା କୌଣସି ମଣିଷର ସହାୟତାରେ ଏହା ବିଭିନ୍ନ ସ୍ଥାନରେ ସ୍ବୟଂଚାଳିତ ଭାବେ କାମ କରିବ ।
2021ରେ ନିବେଶ କରିଥିଲେ ମୁକେଶ:-
ଏଡଭର୍ବ ଗତ 2021 ମସିହାରେ ରିଲାଏନ୍ସକୁ ଏକ ରଣନୈତିକ ନିବେଶକ ଭାବେ ସାମିଲ କରିଥିଲା । ଏହାପରେ ମୁକେଶ ଅମ୍ବାନୀଙ୍କ ନେତୃତ୍ବାଧୀନ କମ୍ପାନୀ ଗ୍ରୋସରୀ, ଫ୍ୟାଶନ୍, ପେଟ୍ରୋକେମିକାଲ୍ସ ଏବଂ ସ୍ବାସ୍ଥ୍ୟସେବା ସହିତ ଏକାଧିକ ବ୍ୟବସାୟରେ ଏହାର ଉନ୍ନତ ରୋବୋଟିକ୍ ସମାଧାନ ଦର୍ଶାଇଥିଲା । Jio AI ପ୍ଲାଟଫର୍ମ ଓ 5ଜି ସେବାର ଲାଭ ଉଠାଇ Addverb ରିଲାଏନ୍ସ ସହିତ ହ୍ୟୁମାନଏଡ୍ ରୋବୋଟ୍ ବିକଶିତ କରିବ ।
କାହା ସହିତ ହେବ ଟକ୍କର ?
Addverbର ସହ ପ୍ରତିଷ୍ଠାତା ତଥା ସିଇଓ ସଙ୍ଗୀତ କୁମାର କହିଛନ୍ତି, "ଏହି ରୋବୋଟ୍ ବିକଶିତ କରିବାରେ ବହୁତ ଅର୍ଥ ଖର୍ଚ୍ଚ ହୁଏ । ଏହି ରୋବୋଟ୍ର ମୁକାବିଲା ଚୀନର କମ୍ପାନୀ ସହିତ ହେବ ।" ଅନ୍ୟପଟେ ଏଲନ ମସ୍କଙ୍କ ଟେସଲାର ଅପ୍ଟିମସ୍ ରୋବୋଟ୍କୁ ମଧ୍ୟ ଏହା ଟକ୍କର ଦେଇପାରେ । ଏଲନ ମସ୍କଙ୍କ ରୋବୋଟ୍ର ମୂଲ୍ୟ 20ହଜାରରୁ 25ହଜାର ଡଲାର ରହିଛି ।
