ହାଇଦ୍ରାବାଦ: ଭାରତରେ ଆଜି ବି ଏପରି ଲୋକ ଅଛନ୍ତି, ଯେଉଁମାନେ ଦିନକୁ 2 ଓଳି ଖାଇବା ମୁସ୍କିଲ ହୋଇପଡ଼ୁଛି । ଏଥିଲାଗି ସେମାନେ କଠିନ ପରିଶ୍ରମ କରି ନିଜର ପରିବାର ପ୍ରତିପୋଷଣ କରୁଛନ୍ତି । ଏହାକୁ ନଜରରେ ରଖି ଉଭୟ କେନ୍ଦ୍ର ଓ ରାଜ୍ୟ ସରକାରଙ୍କ ପକ୍ଷରୁ ଦେଶର ପ୍ରାୟ 80କୋଟି ଲୋକଙ୍କୁ ମାଗଣାରେ ରାସନ ପ୍ରଦାନ କରାଯାଉଛି । କୋଭିଡ ମହାମାରୀ ପରଠାରୁ ସରକାର ଏହାର ଆରମ୍ଭ କରିଛନ୍ତି ।
ଏବେ ସରକାରଙ୍କ ନିର୍ଦ୍ଦେଶାନୁସାରେ, ରାସନ କାର୍ଡରୁ ମିଳୁଥିବା ରାସନ ଲାଗି ହିତାଧିକାରୀଙ୍କୁ ଇକେୱାଇସି(eKYC) କରିବାକୁ ପଡ଼ିବ । ଖାଦ୍ୟ ଓ ଖାଉଟି ଯୋଗାଣ ବିଭାଗ ପକ୍ଷରୁ ସମସ୍ତ ହିତାଧିକାରୀଙ୍କ ଲାଗି ଏହି ନିର୍ଦ୍ଦେଶନାମା ଜାରି କରାଯାଇଛି । ଯଦି ରାସନ କାର୍ଡଧାରୀ ଇକେୱାଇସି କରୁନାହାନ୍ତି, ତେବେ ସେମାନଙ୍କୁ ରାସନ ମିଳିବାରେ ଅସୁବିଧା ହୋଇପାରେ । ଏଠାରେ ଆମେ ଆପଣଙ୍କୁ କହିବୁ, ଜଣେ ରାସନକାର୍ଡଧାରୀ କେଉଁଠି ଇକେୱାଇସି ଅପଡେଟ କରିପାରିବ ଓ ଏହାର ଶେଷ ତାରିଖ କେବେ ରହିଛି ।
ଜୁନ 30ତାରିଖ ଥିଲା ଶେଷ ତାରିଖ:-
ଖାଦ୍ୟ ଓ ଖାଉଟି ଯୋଗାଣ ବିଭାଗ ପକ୍ଷରୁ ପ୍ରଥମେ ରାସନ କାର୍ଡ ପାଇଁ କେୱାଇସିର ଶେଷ ତାରିଖ ଜୁନ 30 ତାରିଖ ଧାର୍ଯ୍ୟ କରାଯାଇଥିଲା । କିନ୍ତୁ ପରବର୍ତ୍ତୀ ସମୟରେ କେୱାଇସି କରିବାର ତାରିଖ ସେପ୍ଟେମ୍ବର 30 ତାରିଖ ନିର୍ଦ୍ଧାରିତ କରାଯଇଥିଲା । ଏଥିଲାଗି ପ୍ରତ୍ୟେକ ରାସନ କାର୍ଡଧାରୀ ସେପ୍ଟେମ୍ବର 30 ତାରିଖ ପୂର୍ବରୁ କେୱାଇସି ଅପଡେଟ କରିପାରିବେ ।
KYC କରିବାର ପ୍ରକ୍ରିୟା କଣ ?
ଆପଣ ନିଜ ରାସନ କାର୍ଡକୁ କେୱାଇସି କରିବା ଅତ୍ୟନ୍ତ ସହଜ ପ୍ରକ୍ରିୟା । ଏଥିଲାଗି ଆପଣ ନିଜ ରାଜ୍ୟ ଭିତରେ ଆସୁଥିବା ଯେକୌଣସି ରାସନ ଦୋକାନକୁ ଯାଇପାରିବେ । ସେଠାରେ ଆପଣଙ୍କ ଏହି ପ୍ରକ୍ରିୟା କରାଯିବ । ବିଶେଷ କଥା ହେଉଛି, କେୱାଇସି ପାଇଁ ରାସନ କାର୍ଡରେ ଥିବା ସମସ୍ତ ବ୍ୟକ୍ତି ବା ଯାହା ନାଁରେ ରାସନ ଯାଉଛି, ସେହି ସମସ୍ତ ବ୍ୟଙ୍କୁ ଯିବାକୁ ପଡ଼ିବ ।
କେଉଁ ଡକ୍ୟୁମେଣ୍ଟର ଆବଶ୍ୟକ ପଡ଼ିବ ?
ରାସନ ଦୋକାନରେ ପହଞ୍ଚି ଆପଣଙ୍କୁ ରାସନ ଡିଲରକୁ ଭେଟିବାକୁ ପଡ଼ିବ । ଆପଣ ରାସନ କାର୍ଡର କେୱାଇସି ପାଇଁ ଆସିବା ସମ୍ପର୍କରେ ତାଙ୍କୁ ଅବଗତ କରିବାକୁ ପଡ଼ିବ । ଏହାପରେ ଆପଣଙ୍କୁ ରାସନ ଦୋକାନରେ ନିଜର ରାସନ କାର୍ଡ, କାର୍ଡର ଏକ ଫଟୋକପି ଏବଂ ଆଧାର କାର୍ଡ ଦେଖାଇବାକୁ ପଡ଼ିବ । ରାସନ ଡିଲର ଆପଣଙ୍କ ଡକ୍ୟୁମେଣ୍ଟକୁ ନେଇ Pos ମେସିନରେ ଆପଣଙ୍କ ଫିଙ୍ଗରପ୍ରିଣ୍ଟ ସ୍କାନ କରିବ । ସମସ୍ତ ଡକ୍ୟୁମେଣ୍ଟ ଦାଖଲ ହେବା ପରେ ଆପଣଙ୍କ କେୱାଇସି କରିବ ।
KYC କରିବାର କଣ ଆବଶ୍ୟକ ?
କୋଭିଡ ମହାମାରୀକୁ ଅନେକ ସମୟ ବିତିଲାଣି । ଏହାରି ମଧ୍ୟରେ କିଛି ରାସନ କାର୍ଡଧାରୀଙ୍କ ମୃତ୍ୟୁ ମଧ୍ୟ ଘଟିଲାଣି, ଯେଉଁମାନଙ୍କ ନାଁ ରାସନ କାର୍ଡରେ ରହିଛି । ଏମାନଙ୍କ ମୃତ୍ୟୁ ପରେ ମଧ୍ୟ ସେମାନଙ୍କ ନାଁରେ ରାସନ ପ୍ରଦାନ କରାଯାଉଛି । ଯାହାଦ୍ବାରା ସରକାରଙ୍କ ଉପରେ ଅତିରିକ୍ତ ବୋଝ ପଡୁଛି । ଏମିତି ଅନେକ ଭୂତ ହିତାଧିକାରୀଙ୍କୁ ଚିହ୍ନଟ କରିବା ସହ ମୃତ ହିତାଧିକାରୀଙ୍କୁ ହଟାଇବା ଲାଗି ସରକାରଙ୍କ ପକ୍ଷରୁ ଏହି ପଦକ୍ଷେପ ଗ୍ରହଣ କରାଯାଇଛି ।
