ହାଇଦ୍ରାବାଦ: ସମ୍ପ୍ରତି କୃତ୍ରିମ ବୁଦ୍ଧିମତା (AI) ଟେକ୍ନୋଲୋଜିର ବହୁଳ ବ୍ୟବହାର ହେଉଛି । ଏହା ପ୍ରାୟ ସମସ୍ତ କ୍ଷେତ୍ରକୁ ବ୍ୟାପି ସାରିଛି । ଏଆଇ ଯୁଗରେ ଅନେକ କମ୍ପାନୀ ବିଭିନ୍ନ କାର୍ଯ୍ୟ ଲାଗି ଏଆଇ ଟୁଲ୍ସର ବ୍ୟବହାର କରୁଛନ୍ତି । ଏଭଳି ସ୍ଥିତିରେ ଏଆଇ ଟେକ୍ନୋଲୋଜିର ଅପବ୍ୟବହାର ମଧ୍ୟ ହେଉଛି । ନକଲି ଫଟୋ ଓ ଭିଡିଓ ତିଆରି କରାଯାଉଛି । ଅସଲି କେଉଁଟା ଓ ନକଲି କେଉଁଟା ତାହା ଚିହ୍ନିବା କଷ୍ଟକର ବ୍ୟାପାର ହୋଇଛି ।
ଏବେ ଏହି ନକଲି ଫଟୋକୁ ଚିହ୍ନଟ କରିବା ଗୁଗଲ ଫଟୋଜ (Google Photos) । ଏଥିଲାଗି ଗୁଗଲ ଏକ ନୂଆ ଫିଚର AI Info ଆଣିଛି । ଏହି ଫିଚର ବ୍ୟବହାର କରି କେଉଁ ଫଟୋଟି ନକଲି ତାହା ଜଣାପଡ଼ିବ । ଗୁଗଲ୍ ଏହାର ବ୍ଲଗ୍ ପୋଷ୍ଟରେ ଏ ନେଇ ସେୟାର କରିଛି ଯେ କମ୍ପାନୀ 'AI ସୂଚନା' ସୁବିଧା ଆଣିଛି । AI ସାହାଯ୍ୟରେ ଫଟୋକୁ ସହଜରେ ଚିହ୍ନିହେବ । ଏହାର ଅର୍ଥ AI ଟୁଲ ଦ୍ବାରା ଏଡିଟ୍ ହୋଇଥିବା ଫଟୋକୁ ସହଜରେ ଚିହ୍ନଟ କରାଯାଇପାରିବ । କିନ୍ତୁ କେବଳ ଗୁଗଲ ଆଣିଥିବା AI ଉପକରଣଗୁଡ଼ିକ ସାହାଯ୍ୟରେ ଏଡିଟ ହୋଇଥିବା ଫଟୋଗୁଡ଼ିକ ଚିହ୍ନଟ କରିବାରେ ଏହା ସକ୍ଷମ ।
କିପରି ଏହି ଫିଚର କାମ କରିବ ?
- ଗୁଗଲ୍ ଫଟୋ ଆପରେ ଫଟୋ ଚୟନ କରିବା ଏବଂ ସ୍କ୍ରୋଲ୍ କରିବା ପରେ 'Details' ବିଭାଗ ଦୃଶ୍ୟମାନ ହେବ ।
- ଏଥିରେ ଯଦି AI ସାହାଯ୍ୟରେ ଫଟୋ ଏଡିଟ ହୋଇଥିବ ତେବେ ତାହା 'Edited with Google AI' ଭାବେ ଦର୍ଶାଇବ ।
- ସମସ୍ତ ଲୋକପ୍ରିୟ ଫଟୋ ଏଡିଟିଂ ଆପ୍ AI ଆଧାରିତ ଉପକରଣଗୁଡିକ ପ୍ରଦାନ କରେ ।
- ଉପଭୋକ୍ତାମାନଙ୍କ ପାଇଁ ଅଧିକ ଏବଂ ଉନ୍ନତ ଏଡିଟ ବିକଳ୍ପ ଉପଲବ୍ଧ ହେଉଛି ।
- ଏହା ସହିତ ଗୁଗଲ୍ ଫଟୋ ମଧ୍ୟ ଏହାର ସମସ୍ତ ବ୍ୟବହାରକାରୀଙ୍କ ପାଇଁ ମ୍ୟାଜିକ୍ ଏଡିଟର୍ ଏବଂ ମ୍ୟାଜିକ୍ ଇରେଜର ସହିତ ଅନ୍ୟ AI ଉପକରଣ ଉପଲବ୍ଧ କରାଇଛି ।
