ହାଇଦ୍ରାବାଦ: ଏକ ଅଧ୍ୟୟନରୁ ଜଣାପଡିଛି ଯେ ଗତ ଅଢେଇ ଦଶନ୍ଧି ମଧ୍ୟରେ ଜଙ୍ଗଲ ଅଗ୍ନିକାଣ୍ଡରୁ ଅଙ୍ଗାରକାମ୍ଳ ନିର୍ଗମନରେ ଯଥେଷ୍ଟ ବୃଦ୍ଧି ଘଟିଛି । କେବଳ ଭାରତରେ ନୁହେଁ ଜଙ୍ଗଲରେ ଅଗ୍ନିକାଣ୍ଡ ଯୋଗୁଁ ବିଶ୍ବରେ କାର୍ବନ ନିର୍ଗମନ 60 ପ୍ରତିଶତ ବୃଦ୍ଧି ପାଇଛି । ପୂର୍ବ ଆଙ୍ଗଲିଆ ବିଶ୍ବବିଦ୍ୟାଳୟ ଦ୍ବାରା ପରିଚାଳିତ ଏହି ଅଧ୍ୟୟନ ଶୁକ୍ରବାର ସାଇନ୍ସ ପତ୍ରିକାରେ ପ୍ରକାଶ ପାଇଛି ।
ନିର୍ଗମନ ପ୍ରାୟ ତିନିଗୁଣ ବୃଦ୍ଧି:-
2001ରୁ 2023 ମଧ୍ୟରେ ୟୁରେସିଆ ଏବଂ ଉତ୍ତର ଆମେରିକାର ବୋରେଲ ଜଙ୍ଗଲରେ ବନ୍ୟପ୍ରାଣୀରୁ ନିର୍ଗମନ ପ୍ରାୟ 3 ଗୁଣ ହୋଇଛି ବୋଲି ଅଧ୍ୟୟନରୁ ଜଣାପଡିଛି । ବିଗତ ଦୁଇ ଦଶନ୍ଧି ମଧ୍ୟରେ ଜଙ୍ଗଲରେ ନିଆଁ ତୀବ୍ରତା ସହିତ ବୃଦ୍ଧି ପାଇଛି । ଇଂଲଣ୍ଡ, ଆମେରିକା, ନେଦରଲ୍ୟାଣ୍ଡ, ବ୍ରାଜିଲ ଏବଂ ସ୍ପେନର ଏକ ଅନ୍ତର୍ଜାତୀୟ ବୈଜ୍ଞାନିକ ଦଳ ଦ୍ବାରା ଏହି ଅଧ୍ୟୟନ କରାଯାଇଥିଲା ।
| ଏହା ବି ପଢନ୍ତୁ |
ଖରାପ ବାୟୁ ଗୁଣବତ୍ତା:-
ଜଳବାୟୁ ପରିବର୍ତ୍ତନର ମୂଳ କାରଣ ଯେପରିକି ଜୀବାଶ୍ମ ଇନ୍ଧନ ନିର୍ଗମନକୁ ରୋକାଗଲେ ଜଙ୍ଗଲ ନିଆଁ ବ୍ୟାପିବାକୁ ରୋକାଯାଇପାରିବ ବୋଲି ଏଥିରେ ଦର୍ଶାଯାଇଛି । ସମ୍ପ୍ରତି ଜଙ୍ଗଲରେ ନିଆଁ ଲାଗିବା ପରେ ଜଙ୍ଗଲ ଅଧିକ ଜୋରରେ ଜଳୁଛି । ଏହି କାରଣରୁ ବାୟୁମଣ୍ଡଳରେ ଅଧିକ ହାନିକାରକ ଧୂଆଁ ବ୍ୟାପୁଛି । ଜଙ୍ଗଲ ନିଆଁରୁ ନିର୍ଗତ ଧୂଆଁ ଯୋଗୁଁ ଦୂଷିତ ବାୟୁମଣ୍ଡଳର ଆଖପାଖ ଲୋକେ ଅଧିକ ପ୍ରଭାବିତ ହୁଅନ୍ତି ବୋଲି ଏଥିରେ କୁହାଯାଇଛି ।
ଗ୍ଲୋବାଲ ୱାର୍ମିଂ:-
ଜଙ୍ଗଲ ନିଆଁର ବିପଦରୁ ଜଙ୍ଗଲ ଇକୋସିଷ୍ଟମକୁ ରକ୍ଷା କରିବା ପାଇଁ ଗ୍ଲୋବାଲ ୱାର୍ମିଂକୁ ରୋକିବା ଆବଶ୍ୟକ । ଜଳବାୟୁ ପରିବର୍ତ୍ତନ ଅନୁସନ୍ଧାନର ମୁଖ୍ୟ ଲେଖକ ଡକ୍ଟର ଟାଇଣ୍ଡଲ୍ କହିଛନ୍ତି ଯେ ଶୂନ ନିର୍ଗମନ ଉପରେ ତୁରନ୍ତ ଧ୍ୟାନର ଆବଶ୍ୟକତା ଦର୍ଶାଯାଇଛି ।
ଜଙ୍ଗଲ ନିଆଁରେ ଦେଶରେ ଦ୍ଵିତୀୟ ସ୍ଥାନରେ ଓଡ଼ିଶା:-
ଫରେଷ୍ଟ ସର୍ଭେ ଅଫ୍ ଇଣ୍ଡିଆ (ଏଫ୍ଏସ୍ଆଇ)ର ତଥ୍ୟା ଅନୁସାରେ, ଆମ ରାଜ୍ୟ ଓଡ଼ିଶା ଦେଶରେ ଦ୍ଵିତୀୟ ସ୍ଥାନରେ ରହିଛି । ଏଫ୍ଏସ୍ଆଇର ଗତ ୫ ବର୍ଷର ତଥ୍ୟକୁ ଦେଖିଲେ ଶିମିଳିପାଳରେ ମଧ୍ୟ କମ୍ ସ୍ଥାନରେ ନିଆଁ ଲାଗିଥିବା ଦେଖାଯାଇଛି । ୨୦୨୦ରେ ଜାନୁଆରୀରୁ ଏପ୍ରିଲ ମାସ ଭିତରେ ୫୯୯ଟି ସ୍ଥାନରେ ଜଙ୍ଗଲ ନିଆଁ ଚିହ୍ନଟ ହୋଇଥିବା ବେଳେ ୨୦୨୧ରେ ୨ ହଜାର ୮୬୧, ୨୦୨୨ରେ ୩୧୯ ଓ ୨୦୨୩ରେ ୧ ହଜାର ୪୫୬ଟି ସ୍ଥାନରେ ନିଆଁ ଲାଗିଥିବା ଚିହ୍ନଟ ହୋଇଥିଲା । ସେପଟେ ଜଙ୍ଗଲ ନିଆଁ ୯୦ ପ୍ରତିଶତ ମନୁଷ୍ୟକୃତ । ଶିକାର କରିବା ପାଇଁ ହେଉ ବା ମହୁଲ ଆଣିବା ପାଇଁ ଜଙ୍ଗଲରେ ଅଧିକାଂଶ ସ୍ଥାନରେ ନିଆଁ ଲଗାଯାଉଛି । ଏଭଳି ସ୍ଥଳରେ ସେମାନଙ୍କୁ ଧରିବା ପାଇଁ ମଧ୍ୟ ବନ ବିଭାଗ କଡ଼ା ପଦକ୍ଷେପ ଗ୍ରହଣ କରୁଛି ।
