ହାଇଦ୍ରାବାଦ: ଘରକୁ ଜିନିଷ କିଣିବାକୁ ହେଲେ ଅଧିକାଂଶ ଗ୍ରାହକ ଅନଲାଇନ ସପିଂ ପ୍ଲାଟଫର୍ମର ଅଫରକୁ ଚାହିଁ ବସିଥାନ୍ତି । ତେବେ ଚଳିତ ବର୍ଷର ପୂଜା ଅଫର ଭାରତର ଲୋକପ୍ରିୟ ଅନଲାଇନ ସପିଂ ପ୍ଲାଟଫର୍ମରେ ଆରମ୍ଭ ହେବାକୁ ଯାଉଛି । ଦେଶରେ ଅନ୍ୟତମ ଇ-କମର୍ସ ପ୍ଲାଟଫର୍ମ ଫ୍ଲିପକାର୍ଟ ବିଗ୍ ବିଲିଅନ ସେଲ୍ ତାରିଖ ଘୋଷଣା କରିଛି । ଏହି ସେଲ୍ ଫ୍ଲିପକାର୍ଟର ସବୁଠୁ ବଡ଼ ସେଲ୍ ବୋଲି କୁହାଯାଏ। ଯେଉଁଥିରେ ଗ୍ରାହକଙ୍କ ଲାଗି ବିଭିନ୍ନ ପ୍ରଡକ୍ଟ ଉପରେ ଦମଦାର ଅଫର ପ୍ରଦାନ କରାଯାଏ ।
Flipkart Big Billion Days ସେଲ୍ ତାରିଖ:-
ଫ୍ଲିପକାର୍ଟ ବିଗ ବିଲିଅନ ଡେଜ ସେଲ ଫ୍ଲିପକାର୍ଟ ପ୍ଲସ ମେମ୍ବରଙ୍କ ଲାଗି ସେପ୍ଟେମ୍ବର 29 ତାରିଖଠାରୁ ଆରମ୍ଭ ହେଉଛି । ଅନ୍ୟ ଗ୍ରାହକଙ୍କ ଲାଗି ଗୋଟିଏ ଦିନ ପରେ ଅର୍ଥାତ ସେପ୍ଟେମ୍ବର 30 ତାରିଖଠାରୁ ଆରମ୍ଭ ହେବ । ୟୁଜର୍ସଙ୍କୁ ପ୍ରତି ଅର୍ଡର ଉପରେ 2X ସୁପର କଏନ ବି ମିଳିବ ।
ଫ୍ଲିପକାର୍ଟ ବିଗ୍ ବିଲିଅନ ଡେଜ୍ 2024 ଡିଲ୍:-
- ଫ୍ଲିପକାର୍ଟ ସେଲ ଉପରେ ପ୍ରସ୍ତୁତ ହୋଇଥିବା ମାଇକ୍ରୋସାଇଟ୍ ଅନୁସାରେ, ଗ୍ରାହକ ଇଲେକ୍ଟ୍ରୋନିକ୍ସ ଓ ଆକ୍ସେସରିଜ ଉପରେ 80 ପ୍ରତିଶତ ରିହାତି ପାଇବେ ।
- ଯଦି ଆପଣ ଟିଭି କିଣିବା ଲାଗି ଯୋଜନା କରୁଛନ୍ତି ତେବେ ଆପଣଙ୍କୁ 4K ଟିଭି ଉପରେ 70 ପ୍ରତିଶତ ପର୍ଯ୍ୟନ୍ତ ରିହାତି ମିଳିବ ।
- ଏପରିକି ଏହି ସେଲ୍ରେ iPhone 15 ଓ iPhone 14 ଉପରେ ମଧ୍ୟ ଭଲ ଡିସକାଉଣ୍ଟ ମିଳିବ ।
- ଏହାବାଦ ସାମସଙ୍ଗ, ରେଡମି, ସୋମି, ରିଅଲମି, ୱାନପ୍ଲସ ଭଳି ବ୍ରାଣ୍ଡର ଫୋନର ମୂଲ୍ୟ ମଧ୍ୟ ଖସିବ ବୋଲି ଆଶା କରାଯାଉଛି ।
- ଫ୍ଲିପକାର୍ଟ ନୋ-କଷ୍ଟ EMI, ବ୍ୟାଙ୍କ ଅଫର, କ୍ୟାସବ୍ୟାକ୍, କୁପନ ଓ ଅନ୍ୟ ଅପସନ ମଧ୍ୟ ପ୍ରଦାନ କରିବ ।
- ଏହାସହିତ ଫ୍ଲିପକାର୍ଟ ସେଲ୍ରେ ଲ୍ୟାପଟପ୍, ଟ୍ୟାବଲେଟ୍, ଇଅରବଡ୍, ହେଡଫୋନ, ସ୍ମାର୍ଟୱାଚ ଆଦି ବହୁତ ଶସ୍ତା ଦାମରେ ମିଳିବ ।
କେମିତି କରିବେ ସ୍ମାର୍ଟ ସପିଂ ?
ଫ୍ଲିପକାର୍ଟ ବିଗ ବିଲିଅନ ଡେଜ୍ ସେଲର ଭରପୂର ଲାଭ ଉଠାଇବାକୁ ଚାହୁଁଥିଲେ ଗ୍ରାହକଙ୍କୁ କିଛି ଟିପ୍ସକୁ ଅନୁସରଣ କରିବାକୁ ପଡ଼ିବ । ଯାହାଦ୍ବାରା ସ୍ମାର୍ଟ ଉପାୟରେ ଗ୍ରାହକ ସମସ୍ତ ଅଫରର ପୂରା ଲାଭ ଉଠାଇବାରେ ସକ୍ଷମ ହେବେ ।
- ଫ୍ଲିପକାର୍ଟ Plus ମେମ୍ବରସିପ ଆକ୍ଟିଭେଟ କରନ୍ତୁ:- ଯଦି ଆପଣ ଫ୍ଲିପକାର୍ଟର ପ୍ଲସ ମେମ୍ବରସିପକୁ ଆକ୍ଟିଭେଟ କରିବେ ତେବେ ଆପଣ ସମସ୍ତଙ୍କ ଆଗରୁ ଏହି ସେଲ୍ର ଲାଭ ଉଠାଇପାରିବେ । ହାଇ-ଡିମାଣ୍ଡ ସେଲ୍ ଉପରେ ମଧ୍ୟ ପ୍ଲସ ମେମ୍ବରମାନଙ୍କୁ ଭଲ ରିହାତି ମିଳିଥାଏ ।
- Create a Wishlist: ଆପଣ ଯେଉଁ ପ୍ରଡକ୍ଟକୁ କିଣିବାକୁ ଚାହୁଁଛନ୍ତି ତାହାକୁ ଦେଖିବା ମାତ୍ରେ ୱିସଲିଷ୍ଟରେ ଆଡ୍ କରନ୍ତୁ । ଏହାଦ୍ବାରା କିଣିବାକୁ ଯିବା ସମୟରେ ଆପଣଙ୍କୁ ଆଉ ଥରେ ଏହାକୁ ସର୍ଚ୍ଚ କରିବାକୁ ପଡ଼ିବ ନାହିଁ । କାରଣ ସେଲ୍ ସମୟରେ ସଙ୍ଗେ ସଙ୍ଗେ ଏହା Out Of Stock ହୋଇଯାଏ । ଯେହେତୁ ଗୋଟିଏ ସମୟରେ ଅନେକ ଗ୍ରାହକ ଡିସକାଉଣ୍ଟର ଲାଭ ଉଠାଇବା ଲାଗି ପ୍ରଡକ୍ଟକୁ କିଣିନିଅନ୍ତି । ଏଣୁ ୱିସଲିଷ୍ଟରେ ଆଡ କଲେ ଆପଣ ସେଲ୍ ଲାଇଭ ହେବା ମାତ୍ରେ ତୁରନ୍ତ ଏହାକୁ କିଣିପାରିବେ ।
- Updated ରୁହନ୍ତୁ: ଏହାସହିତ ଆପଣଙ୍କୁ ସେଲ୍ ସମ୍ପର୍କରେ ଅପ-ଟୁ-ଡେଟ୍ ରହିବା ଆବଶ୍ୟକ । ଏଥିଲାଗି ଆପଣ ଫ୍ଲିପକାର୍ଟ ବିଗ୍ ବିଲିଅନ ଡେଜ୍ ମାଇକ୍ରୋସାଇଟରେ ମଧ୍ୟ ଲାଟେଷ୍ଟ ଅପଡେଟ ପାଇପାରିବେ ।
