ନୂଆଦିଲ୍ଲୀ: ଭାରତୀୟ ଆର୍ଥିକ ଅପରାଧ ଏଜେନ୍ସି ପ୍ରବର୍ତ୍ତନ ନିର୍ଦ୍ଦେଶାଳୟ (ED) ଆମାଜନ ଓ ଫ୍ଲିପକାର୍ଟର ସେଲର ଅଫିସ ଉପରେ ରେଡ୍ କରୁଛି । ଦିଲ୍ଲୀ, ମୁମ୍ବାଇ, ହାଇଦ୍ରାବାଦ ଓ ବେଙ୍ଗାଲୁରୁ ଭଳି ପ୍ରମୁଖ ସହରରେ ଅବସ୍ଥିତ ଅଫିସରେ ଅଧିକାରୀମାନେ ପହଞ୍ଚି ତନାଘନା ଜାରି ରଖିଛନ୍ତି । ଜଣେ ସରକାରୀ ଅଧିକାରୀଙ୍କ କହିବାନୁସାରେ, ଦେଶର ବିଦେଶୀ ପୁଞ୍ଜି ବିନିଯୋଗ ନିୟମର ଉଲ୍ଲଙ୍ଘନ ଅଭିଯୋଗରେ ଏହି ରେଡ୍ ହେଉଛି ।
PMLAର ଉଲ୍ଲଙ୍ଘନ ଅଭିଯୋଗ:-
ରଏଟର୍ସ ରିପୋର୍ଟ ଅନୁଯାୟୀ, ଏହି ଦୁଇଟି ଅଗ୍ରଣୀ ଇ-କମର୍ସ ପ୍ଲାଟଫର୍ମରେ ସାମଗ୍ରୀ ବିକ୍ରୟ କରୁଥିବା ଅନେକ ବିକ୍ରେତାଙ୍କ କାର୍ଯ୍ୟାଳୟ ଉପରେ ଇଡି ଚଢାଉ କରିଛି । ସେଲରମାନେ ବିଦେଶୀ ପୁଞ୍ଜି ବିନିଯୋଗ ନିୟମ ଉଲ୍ଲଂଘନ କରିଥିବା ଅଭିଯୋଗ ହୋଇଛି । CCI ଏହି ବିକ୍ରେତାମାନଙ୍କୁ ଅନେକ ଥର ଚେତାବନୀ ଦେଇଥିଲା । କିନ୍ତୁ ବର୍ତ୍ତମାନ PMLA ଅର୍ଥାତ୍ ମନି ଲଣ୍ଡରିଂ ନିୟମ ଉଲ୍ଲଂଘନ ମାମଲାରେ ଇଡି ମାମଲାର ତଦନ୍ତ ଆରମ୍ଭ କରିଛି ।
ED is conducting searches under Foreign Exchange Management Act (FEMA) at 19 premises located in Delhi, Bengaluru, Mumbai, Hyderabad and Panchkula (Haryana) at main vendors of Amazon and Flipkart. ED initiated its FEMA investigation based on several complaints against Amazon and… pic.twitter.com/OVdP8rNjAS
— ANI (@ANI) November 7, 2024
| ଏହା ବି ପଢନ୍ତୁ |
ଇ-ବାଣିଜ୍ୟ ପ୍ଲାଟଫର୍ମରେ ବିକ୍ରି ହେଉଥିବା ଦ୍ରବ୍ୟର ମୂଲ୍ୟ ପରୋକ୍ଷରେ କିପରି ପ୍ରଭାବିତ ହୁଏ ଇଡି ତାହା ଅନୁସନ୍ଧାନ କରିବ । ଏହାସହିତ ଏହି କମ୍ପାନୀଗୁଡିକ କିପରି ସେମାନଙ୍କ ପ୍ଲାଟଫର୍ମରେ କିଛି ବିକ୍ରେତାଙ୍କୁ ଅଗ୍ରାଧିକାର ଦିଅନ୍ତି ଏବଂ ଉତ୍ପାଦର ମୂଲ୍ୟ ହ୍ରାସ ହୁଏ ସେ ସମ୍ପର୍କରେ ମଧ୍ୟ ତଦନ୍ତ ହେବ ।
19ଟି ଠିକଣାରେ ରେଡ୍:-
CCI ପୂର୍ବରୁ ଏହି ଇ-କମର୍ସ କମ୍ପାନୀଗୁଡିକୁ ଅଗ୍ରାଧିକାର ଦେବା ସମ୍ପର୍କରେ ନୋଟିସ ଜାରି କରିଥିଲା । ରିପୋର୍ଟ ଅନୁଯାୟୀ ଦେଶର 19ଟି ସ୍ଥାନରେ ଇଡି ଚଢାଉ କରିଛି । ହେଲେ ଏହି ସ୍ଥାନଗୁଡିକର ନାମ ଏପର୍ଯ୍ୟନ୍ତ ପ୍ରକାଶ କରାଯାଇ ନାହିଁ । ଉଭୟ ଇ-କମର୍ସ କମ୍ପାନୀ ଚଢାଉ ନେଇ ଏପର୍ଯ୍ୟନ୍ତ କୌଣସି ବିବୃତ୍ତି ଦେଇନାହାଁନ୍ତି । ଗତ କିଛି ବର୍ଷ ମଧ୍ୟରେ ଏହି ଦୁଇ ଇ-ବାଣିଜ୍ୟ ପ୍ଲାଟଫର୍ମ ଦ୍ରୁତ ଗତିରେ ବୃଦ୍ଧି ପାଇଛି । ଉଭୟ କମ୍ପାନୀ ଭାରତରେ ବଢୁଥିବା ଇ-ବାଣିଜ୍ୟ କ୍ଷେତ୍ରରେ ଉଲ୍ଲେଖନୀୟ ଅବଦାନ ଦେଇଛନ୍ତି ।
ସୂଚନା ଥାଉ କି, ଗତ କିଛି ବର୍ଷ ହେବ ଇଡି ଏହି ଦୁଇ କମ୍ପାନୀର ବ୍ୟବସାୟିକ ମଡ୍ୟୁଲଗୁଡିକୁ ଯାଞ୍ଚ କରୁଛି । ଏମାନେ କିଛି ନିର୍ଦ୍ଦିଷ୍ଟ ସେଲରଙ୍କୁ ପ୍ରାଧାନ୍ୟ ଦେଉଛନ୍ତି । ଭାରତୀୟ ନିୟମ ଅନୁଯାୟୀ ଇ-ବାଣିଜ୍ୟ ପ୍ଲାଟଫର୍ମଗୁଡିକ ଏକ ନିରପେକ୍ଷ ବଜାର ସ୍ଥାନ ଭାବରେ କାର୍ଯ୍ୟ କରିବା ଉଚିତ ଏବଂ ଉତ୍ପାଦ ତାଲିକା ଉପରେ ସିଧାସଳଖ ନିୟନ୍ତ୍ରଣ ରହିବା ଉଚିତ ନୁହେଁ । ଏହି ଦିଗରୁ ବିଦେଶୀ ପ୍ରତ୍ୟକ୍ଷ ବିନିଯୋଗ ନିୟମର ଉଲ୍ଲଂଘନ ନେଇ ଇଡି ଅନୁସନ୍ଧାନ କରୁଛି ।
