ଭବାନୀପାଟଣା: ସୁନ୍ଦର ପରିବେଶ ସହ ସମସ୍ତ ବ୍ୟବସ୍ଥା ଭିତରେ ଶିକ୍ଷାର ମାନ ବୃଦ୍ଧି ସହ ଏକ ଶିକ୍ଷିତ ସମାଜ ସୃଷ୍ଟି କରିବା ସହ ସରକାର ଅନେକ ଯୋଜନା କରିବା ସହ ଗରିବ ଓ ବିଶେଷ କରି ଅନୁସୂଚିତ ଜାତି ଓ ଜନଜାତି ଛାତ୍ରୀଙ୍କ ପାଇଁ ଆବାସିକ ବିଦ୍ୟାଳୟର ବ୍ୟବସ୍ଥା କରିବା ସହ ସମସ୍ତ ସୁବିଧା ଯୋଗାଇ ଦେଉଛନ୍ତି ହେଲେ କିଛି ଅସାଧୁ ଶିକ୍ଷକଙ୍କ ପାଇଁ ଆଜି ହନ୍ତସନ୍ତ ଅନ୍ତେବାସୀ ।
ସ୍କୁଲରେ ବ୍ୟାପକ ଅସୁବିଧା !
ସୂଚନା ଅନୁଯାୟୀ କଳାହାଣ୍ଡି ଜିଲ୍ଲା ଆଦିବାସୀ ଅଧ୍ୟୁଷିତ ଥୁଆମୂଳ ରାମପୁର ବ୍ଲକ ଅନ୍ତର୍ଗତ କିଆପଦର ଗାଁରେ ଥିବା ଉଚ୍ଚ ପ୍ରାଥମିକ ବିଦ୍ୟାଳୟର ଛାତ୍ରୀ ନିବାସରେ ଦୀର୍ଘ ଦିନ ହେଲା ପାଣି ଗଳିବା ସହିତ ଛାତ୍ରୀମାନଙ୍କୁ ଠିକ୍ ଭାବରେ ଖାଦ୍ୟ ପ୍ରଦାନ କରାଯାଉନଥିବା ବେଳେ ଆବଶ୍ୟକ ସାମଗ୍ରୀ ମଧ୍ୟ ଯୋଗାଇ ଦିଅଯାଉନାହିଁ ବୋଲି ଛାତ୍ରୀଙ୍କ ଅଭିଯୋଗ ରହିଛି ।
ଅଡି ବସିଲେ ଛାତ୍ରୀ:
ଏନେଇ ଅଭିଯୋଗ କଲେ ଆବାସିକ ବିଦ୍ୟାଳୟର ପ୍ରଧାନ ଶିକ୍ଷୟତ୍ରୀ ଛାତ୍ରୀମାନଙ୍କୁ ନାଲି ଆଖି ଦେଖାଉଥିବା ଅଭିଯୋଗ ନେଇ ଗତକାଲି (ମଙ୍ଗଳବାର) ଛାତ୍ରୀ ମାନେ ଜିଲ୍ଲାପାଳଙ୍କ ନିକଟରେ ଅଭିଯୋଗ କରିବା ପାଇଁ ରାସ୍ତାରେ ଚାଲିଚାଲି ପ୍ରାୟ ୧୦ କିଲୋମିଟର ଚାଲି ଚାଲି ଆସିବା ପରେ ଖବର ପାଇ ଘଟଣା ସ୍ଥଳରେ ଜିଲ୍ଲା ଶିକ୍ଷା ଅଧିକାରୀ ସୁଶାନ୍ତ ଚୋପଦାର ପହଞ୍ଚି ଛାତ୍ରୀ ମାନଙ୍କୁ ବୁଝାସୁଝା କରିବା ପରେ ମଧ୍ୟ ଛାତ୍ରୀମାନେ ଜିଲ୍ଲାପାଳଙ୍କୁ ଅଭିଯୋଗ କରିବା ପାଇଁ ଅଡି ବସିଥିଲେ ।
ଅଭିଯୋଗ କରିବା ପାଇଁ 25 କିମି ଚାଲିଲେ:
ଏହାପରେ ଆହୁରି ପ୍ରାୟ ୧୫ କିଲୋମିଟର ଚାଲିକି ଆସିବା ପରେ କିଛି ଛାତ୍ରୀଙ୍କ ଦେହ ମଧ୍ୟ ଅସୁସ୍ଥ ହୋଇଥିଲା । ପ୍ରାୟ ୧୮ କିଲୋମିଟର ଚାଲିକି ଆସିବା ପରେ ଜିଲ୍ଲା ଶିକ୍ଷା ଅଧିକାରୀ ଦୁଇଟି ବସର ବ୍ୟବସ୍ଥା କରିବା ପରେ ଛାତ୍ରୀମାନେ ବସରେ ଜିଲ୍ଲାପାଳଙ୍କ କାର୍ଯ୍ୟାଳୟକୁ ଆସି ଜିଲ୍ଲାପାଳଙ୍କ ନିକଟରେ ସମସ୍ତ ଅଭିଯୋଗ କରିଥିଲେ । ପରେ ଜିଲ୍ଲାପାଳଙ୍କ ଠାରୁ ପ୍ରତିଶ୍ରୁତି ପାଇବା ପରେ ଛାତ୍ରୀ ମାନେ ଘରକୁ ଫେରିଥିଲେ ।
ସେପଟେ ଏନେଇ ଛାତ୍ରୀ ସମିତା ଗୋଡ ଦଶମ ଶ୍ରେଣୀର ଛାତ୍ରୀ ଏନେଇ କହିଛନ୍ତି, "ହଷ୍ଟେଲ ରେ ଖାଦ୍ୟ ଠିକ୍ ଭାବରେ ପ୍ରଦାନ କରାଯାଉ ନାହିଁ ଏହାସହ ବାଥରୁମ୍ ମାନଙ୍କରେ କବାଟ ନାହିଁ, ଠିକ୍ ସମୟରେ ଆବଶ୍ୟକ ଅନୁଯାୟୀ ନାପକିନ ପ୍ରଦାନ କରାଯାଉ ନାହିଁ । ଫଳରେ ବାଧ୍ୟ ହୋଇ ଆମେ ଚାଲି ଚାଲି ଜିଲ୍ଲାପାଳଙ୍କୁ ସାକ୍ଷାତ କରି ଅଭିଯୋଗ କଲୁ ଏବଂ ଆସନ୍ତାକାଲି ଜିଲ୍ଲାପାଳ ନିଜେ ପରିଦର୍ଶନ କରିବେ ବୋଲି ମଧ୍ୟ ପ୍ରତିଶ୍ରୁତି ଦେଇଥିବା ପ୍ରକାଶ କରିଛନ୍ତି "।
ସେପଟେ ଏନେଇ ଜିଲ୍ଲାପାଳ ପାୱାର ସଚିନ ପ୍ରକାଶଙ୍କୁ ପଚାରିବାରୁ ସେ କହିଥିଲେ, "ଛାତ୍ରୀ ମାନେ ଚାଲିକି କି ଆସିଲେ ଖବର ପାଇବା ପରେ ଆମେ ବସର ବ୍ୟବସ୍ଥା କରିଥିଲୁ ଅଭିଯୋଗ ପାଇଛୁ ଏବଂ ମୁଁ ସେ ବିଦ୍ୟାଳୟକୁ ପରିଦର୍ଶନ କରିବି ବୋଲି ମଧ୍ୟ ପ୍ରକାଶ କରିଛନ୍ତି ।"
