ଭୁବନେଶ୍ବର: ଶେଷ ହୋଇଛି ଶାରଦୀୟ ପାର୍ବଣ । ମେଲାଣି ନେବେ ମା’ । ମା’ଙ୍କୁ ବିଦାୟ ଦେବାକୁ ଆଡମ୍ବର ସହ ହେବ ଭସାଣି ଶୋଭାଯାତ୍ରା । ଏନେଇ ରାଜଧାନୀ ଭୁବନେଶ୍ୱରରେ ତିନୋଟି ସ୍ଥାନରେ ଭସାଣି ଶୋଭାଯାତ୍ରା ପାଇଁ ବ୍ୟବସ୍ଥା ହୋଇଛି । ଏଥିପାଇଁ ଆଜି ଅପରାହ୍ନରୁ ଏହି ତିନୋଟି ମାର୍ଗରେ ଯାନବାହନ ଚଳାଚଳ ଓ ସାଧାରଣ ଯାତାୟତ ବନ୍ଦ ରହିବ । ଯାତ୍ରା ପାଇଁ ଉକ୍ତ ମାର୍ଗ ବ୍ୟବହାର ନକରି ଗାଇଡଲାଇନ ଅନୁସାରେ, ବିକଳ୍ପ ରାସ୍ତା ବ୍ୟବହାର କରିବାକୁ ପରାମର୍ଶ ଦେଇଛି କମିଶନରେଟ ପୋଲିସ ।
- ତିନୋଟି ସ୍ଥାନରେ ମଧ୍ୟରାତ୍ରି ପର୍ଯ୍ୟନ୍ତ କଟକଣା
ଏନେଇ କମିସନରେଟ ପୋଲିସ ପକ୍ଷରୁ ଜାରି ହୋଇଥିବା ନିର୍ଦେଶାବଳୀ ଅନୁସାରେ, ଆଜି ଅପରାହ୍ନ ୩ଟାରୁ ଏହି ମାର୍ଗଗୁଡିକରେ ସାଧାରଣ ଯାତାୟତ ବନ୍ଦ ହେବ । ଏହି କଟକଣା ଭସାଣି ଶେଷ ହେବା ପର୍ଯ୍ୟନ୍ତ, ଅର୍ଥାତ ରାତି ୧ଟା ପର୍ଯ୍ୟନ୍ତ ବଳବତ୍ତର ରହିବ । ସହିଦ ନଗର, ନୟାପଲ୍ଲୀ ଓ ଚନ୍ଦ୍ରଶେଖରପୁରରେ ଭସାଣି ଶୋଭାଯାତ୍ରା ପାଇଁ ବ୍ୟବସ୍ଥା ହୋଇଛି ।
- ଅପରାହ୍ନ ୩ଟାରୁ ଏହି ମାର୍ଗଗୁଡିକରେ ସାଧାରଣ ଯାତାୟତ ବନ୍ଦ
- ଏହି କଟକଣା ଭସାଣି ଶେଷ ହେବା ପର୍ଯ୍ୟନ୍ତ ଲାଗୁ
- ରାତି ୧ଟା ପର୍ଯ୍ୟନ୍ତ ବଳବତ୍ତର ରହିବ ରହିବ କଟକଣା
- ସହିଦ ନଗର, ନୟାପଲ୍ଲୀ ଓ ଚନ୍ଦ୍ରଶେଖରପୁର ଭସାଣି ଶୋଭାଯାତ୍ରା ପାଇଁ ବ୍ୟବସ୍ଥା
- ବନ୍ଦ ରହିବ ଏହି ସବୁ ମାର୍ଗ :-
ସହିଦ ନଗର (ବାଣୀ ବିହାରଠୁ ରାଜମହଲ ଛକ ), ନୟାପଲ୍ଲୀ (ସିଆରପି ଛକଠୁ ଡିଏଭି ୟୁନିଟ ),ଚନ୍ଦ୍ରଶେଖରପୁର (ନାଲକୋ ଛକରୁ କିଟ୍ ଛକ ପର୍ଯ୍ୟନ୍ତ ) ଗାଡି ଚଳାଚଳ ବନ୍ଦ ରହିବ । ଅପରାହ୍ନରୁ 3 ଟାରୁ ଏହି ମାର୍ଗରେ କାହାରିକୁ ପ୍ରବେଶ କରିବାକୁ ଦିଆଯିବ ନାହିଁ ।
- ସହିଦ ନଗର- ବାଣୀ ବିହାରଠୁ ରାଜମହଲ ଛକ ବନ୍ଦ ରହିବ
- ନୟାପଲ୍ଲୀ- ସିଆରପି ଛକଠୁ ଡିଏଭି ୟୁନିଟ ରାସ୍ତା ବନ୍ଦ ରହିବ
- ଚନ୍ଦ୍ରଶେଖରପୁର- ନାଲକୋ ଛକରୁ କିଟ୍ ଛକ ପର୍ଯ୍ୟନ୍ତ ଗାଡି ଚଳାଚଳ ବନ୍ଦ ରହିବ
- ଅପରାହ୍ନରୁ ୩ଟାରୁ ଏହି ମାର୍ଗରେ କାହାରିକୁ ପ୍ରବେଶ କରିବାକୁ ଦିଆଯିବ ନାହିଁ
କେମିତି ଏଡାଇବେ ଟ୍ରାଫିକ ଡାଇଭର୍ସନ
- ବାଣିବିହାରରୁ ରାଜମହଲ
ଭସାଣି ପାଇଁ ସହିଦ ନଗରଠାରେ ଏକାଠି ହେବାକୁ ଥିବା ସମସ୍ତ ମେଢଗୁଡିକ ସହିଦନଗର ପଡିଆ ଓ ବାଣିବିହାର ରାସ୍ତାରୁ ଶୋଭାଯତ୍ରାରେ ବାହାରିବେ । ଏହିମାର୍ଗରେ ବାଣିବିହାର ଛକରୁ ରାଜମହଲ ଛକ ପର୍ଯ୍ୟନ୍ତ ଶୋଭାଯାତ୍ରା ଚାଲିବ । ଭସାଣି ଯାତ୍ରା ଚାଲୁଥିବା ସମୟରେ କୌଣସି ଯାନ ବାହନ ବାଣୀବିହାର ପଟୁ ରୂପାଲି ଛକ ଆଡକୁ ଯାଇପାରିବେ ନାହିଁ । ସେହି ଗାଡିଗୁଡିକ ବାଣୀ ବିହାରଠାରୁ ସିଧା ଆଚାର୍ଯ୍ୟ ବିହାର ଦେଇ ପରେ ସେଠାରୁ ସଚିବାଳୟ ମାର୍ଗ, ଏଜି ଛକ କିମ୍ବା ଏହାକୁ ସଂଯୋଗ କରୁଥିବା ରାସ୍ତାରେ ବାହାରିବେ ।
- ନୟାପଲ୍ଲୀ ବେହେରା ସାହିରୁ ଡିଏଭି ୮ନମ୍ବର
ସେହିପରି ‘ରାଜଧାନୀ ମନ୍ଦିର ସୁରକ୍ଷା ଭସାଣି ସମିତି’ ଦ୍ବାରା ନୟାପଲ୍ଲୀରେ ସିଆରପି ଛକରେ ଭସାଣି ଯାତ୍ରା ଚାଲୁଥିବା ସମୟରେ ସିଆରପିରୁ ୟୁନିଟ-୮ ଡିଏଭି ପର୍ଯନ୍ତ ସମସ୍ତ ଗାଡି ଅନ୍ୟ ରାସ୍ତାରେ ଯିବେ । ସିଆରପି ପଟୁ କଟକ ଆଡକୁ ଯିବାକୁ ଚାହୁଁଥିବା ଯାନବାହାନଗୁଡିକ ସିଆରପି ଛକରୁ ଏକାମ୍ର ପାର୍କ, ବିଜୁ ପଟ୍ଟନାୟକ କଲେଜ ରାସ୍ତା ଦେଇ ଜୟଦେବ ବିହାର ଦେଇ ଯାଇପାରିବେ । ଏହି ସମୟରେ ଷ୍ଟୁଆର୍ଟ ସ୍କୁଲ ରାସ୍ତା, ୟୁନିଟ-୮ ରାସ୍ତା, ଓୟୁଇଟି ରାସ୍ତା ଏବଂ ନିୟୁ ଏୟାରପୋର୍ଟ ରାସ୍ତାରେ ଆସୁଥିବା ଗାଡିଗୁଡିକୁ ବିକଳ୍ପ ବ୍ୟବସ୍ଥା ସହ ଡାଇଭର୍ସନ ମାଧ୍ୟମରେ ଛାଡିବାକୁ କମିଶନରେଟ ପୋଲିସ ବ୍ୟବସ୍ଥା କରିଛି ।
- କିଟ୍ ଛକରୁ ନାଲକୋ ଛକ
ସେହିପରି ‘ଉତ୍ତର ଭୁବନେଶ୍ବର ଭସାଣି କମିଟି’ ପକ୍ଷରୁ ଚନ୍ଦ୍ରଶେଖରପୁରରେ ଭସାଣି ଯାତ୍ରା ଚାଲୁଥିବା ସମୟରେ KIIT ଛକ ପଟୁ ନାଲକୋ ଛକଆଡକୁ କୌଣସି ଯାନବାହାନକୁ ପ୍ରବେଶ କରିବାକୁ ଦିଆଯିବନି । ସେହି ରାସ୍ତା ଦେଇ ଆସୁଥିବା ଗାଡିଗୁଡିକ ନନ୍ଦନକାନନ ରାସ୍ତା, ନୂଆ ରୋଡ଼ ଉତ୍କଳ ହସ୍ପିଟାଲ ରୋଡ଼ ଦେଇ ଜୟଦେବ ବିହାର ଅଭିମୁଖେ ଯାଇପାରିବେ ।
ସହର ଭିତରକୁ ଖୋର୍ଦ୍ଧା ପଟୁ ଆସୁଥିବା ଭାରୀ ଯାନବାହାନଗୁଡିକ ଫାୟାର ଷ୍ଟେସନ ଛକଠାରୁ ଫ୍ଲାଏ ଓଭର ବ୍ରିଜ ଦେଇ ଯାଇପାରିବେ । ସେମାନଙ୍କୁ ସହର ଭିତରେ ସର୍ଭିସ ରୋଡରେ ପ୍ରବେଶ କରିବାକୁ ଦିଆଯିବ ନାହିଁ । ସମସ୍ତ ମେଢଗୁଡିକ କୁଆଖାଇ ନଦୀପଠାରେ ଅସ୍ଥାୟୀ ପୋଖରୀରେ ବିସର୍ଜନ କରାଯିବ । ଏନେଇ ପ୍ରଶାସନର ପକ୍ଷରୁ ସମସ୍ତ ଆନୁସଙ୍ଗୀକ ବ୍ୟବସ୍ଥା ଗ୍ରହଣ କରାଯାଇଛି । ରାତି ୧ଟା ପର୍ଯ୍ୟନ୍ତ ଭସାଣି କାର୍ଯକ୍ରମ ଜାରି ରହିବ ।
ଇଟିଭି ଭାରତ, ଭୁବନେଶ୍ବର
