ଭୁବନେଶ୍ବର: ପ୍ରଥମ ବିଶ୍ବ ଓଡିଆ ଭାଷା ସମ୍ମିଳନୀର ଦ୍ବିତୀୟ ଦିନରେ ଭାଷା ଭିତ୍ତିକ ଆଲୋଚନା ହୋଇଥିଲା । ପ୍ରଫେସର ଜି. ଉମା ମହେଶ୍ବର ରାଓଙ୍କ ଅଧ୍ୟକ୍ଷତାରେ ଏହି ଆଲୋଚନା ଚକ୍ର ଅନୁଷ୍ଠିତ ହୋଇଥିଲା । ଓଡିଶା ଭାଷାର ଗନ୍ତାଘର । ଓଡିଆ ଭାଷାରେ ବିବିଧତା ଦେଖିବାକୁ ମିଳେ । ଯାହା ଅନ୍ୟ କେଉଁଠି ନାହିଁ, ଓଡିଶାର ଭାଷା ବିବିଧତା ଓ ଜନଜାତି ଭାଷାର ସୁରକ୍ଷା ଓ ସଂରକ୍ଷଣ ଆବଶ୍ୟକତା ରହିଛି ବୋଲି କହିଥିଲେ ଉମା ମହେଶ୍ବର ରାଓ । ସେ ଆହୁରି ମଧ୍ୟ କହିଥିଲେ, '' ଓଡିଆ ଭାଷାରେ ବିବିଧତା ଦେଖିବାକୁ ମିଳେ । ଯେପରିକି ଜନଜାତି ବା ଆଦିବାସୀ ଭାଷା, ଉପକୂଳବର୍ତ୍ତୀ, ପଶ୍ଚିମ ଓଡିଶା, ଦକ୍ଷିଣ ଓଡିଶା ଭାଷା । ଆଗାମୀ ପିଢିଙ୍କ ପାଇଁ ଭାଷାର ସଂରକ୍ଷଣ କରିବା ଆବଶ୍ୟକ । ସେଥିପାଇଁ ଆମ ଭିତରେ ସଚେତନତା ଜାଗ୍ରତ ହେବା ଆବଶ୍ୟକ । ପ୍ରକୃତ ମୂଲ୍ୟରେ ଓଡିଶା ଏକ ଭାଷାଭିତ୍ତିକ କ୍ଷେତ୍ର । ''
ଏହା ମଧ୍ୟ ପଢନ୍ତୁ-ନାରୀ ହେଉଛି ସମାଜର ଧ୍ୱଜା: ପଦ୍ମଭୂଷଣ ପ୍ରତିଭା ରାୟ
ଅଖିଳ ବିହାରୀ ଓତା ଆଲୋଚନାରେ ସାମିଲ ହୋଇ କହିଥିଲେ, ''ଜନଜାତି ଭାଷାର ସଂରକ୍ଷଣ ଆବଶ୍ୟକତା ରହିଛି । ଓଡିଶାରେ ଆଦିବାସୀ ଭାଷାର ସୁରକ୍ଷା ଓ ପ୍ରୋତ୍ସାହନ ନିହାତି ଆବଶ୍ୟକ । ହୋ, ମୁଣ୍ଡାରୀ, ଶୌରା, କୁଇ 4 ଟି ଭାଷାକୁ ଓଡିଶା ସରକାର ସମ୍ବିଧାନର ଅଷ୍ଟମ ଅଧ୍ୟାୟରେ ମିଶାଇବା ପାଇଁ ସୁପାରିଶ କରିଛନ୍ତି । ଭାଷା ବଞ୍ଚିଲେ ସଂସ୍କୃତି ବଞ୍ଚିବ । ଭାଷାର ସଂରକ୍ଷଣ ପାଇ ଓଡିଶା ସରକାରଙ୍କ ଅବଦାନ । ନୂଆ ଅରୁଣିମା 21ଟି ଭାଷାରେ ଅଙ୍ଗନବାଡି କେନ୍ଦ୍ରରେ ବ୍ୟବହାର କରାଯାଉଛି । ଦ୍ବିଭାଷୀୟ ଶବ୍ଦକୋଷ ତ୍ରିଭାଷୀୟ ମୋଡ୍ୟୁଲ ପ୍ରଥମରୁ ପଞ୍ଚମ ଯାଏଁ ମାତୃଭାଷାରେ ପଢିବା ଓ ଲିପି ତଥା ଆଦିମ ଗ୍ରନ୍ଥର ପୁନଃରୁଦ୍ଧାର ନିମନ୍ତେ ସରକାର ସଂହତି ନାମରେ ଏକ ଯୋଜନା ପ୍ରଣୟନ କରିଛନ୍ତି । ଆଦିବାସୀ ଭାଷା ଲ୍ୟାବର ପରିକଳ୍ପନା ମଧ୍ୟ କରାଯାଇଛି । 10 ଟି ଜନଜାତି ଭାଷାର ଡିଜିଟାଲ ସଂରକ୍ଷଣ ପାଇଁ ମଧ୍ୟ ସରକାର କାର୍ଯ୍ୟ କରୁଛନ୍ତି । ''
ଇଟିଭି ଭାରତ, ଭୁବନେଶ୍ବର
