କେନ୍ଦୁଝର: ‘‘ସରସ୍ବତୀ ଶିଶୁ ବିଦ୍ୟାମନ୍ଦିର ହେଉଛି ମଣିଷ ତିଆରି କାରଖାନା । ପିଲାଙ୍କ ଭବିଷ୍ୟତ ନିର୍ମାଣର ଏକ ବଳିଷ୍ଠ ପ୍ଲାଟଫର୍ମ । ଏଠାରେ ଯେଉଁ ଢାଞ୍ଚାରେ ଶିକ୍ଷା ଓ ସଂସ୍କାର ମିଳେ, ତାହା ଅନ୍ୟତ୍ର ମିଳେନି । ଏହି ବିଦ୍ୟାଳୟରୁ ଯେଉଁ ଛାତ୍ରଛାତ୍ରୀ ବାହାରିବେ, ସେମାନେ ଆଗାମୀ ଦିନରେ ରାଜ୍ୟ ତଥା ଦେଶର ଗୌରବ ବଢ଼ାଇବେ ।’’ କେନ୍ଦୁଝରଗଡ଼ ସରସ୍ବତୀ ଶିଶୁ ବିଦ୍ୟାମନ୍ଦିରର ୩୮ତମ ବାର୍ଷିକ ଉତ୍ସବରେ ମୁଖ୍ୟଅତିଥି ଭାବେ ଯୋଗଦେଇ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଏହା କହିଛନ୍ତି ।
- ‘ଦିନେ ଶିକ୍ଷକ ଥିଲି, ଶିଶୁ ମନ୍ଦିରର ଶିକ୍ଷା-ସଂସ୍କାର ଢାଞ୍ଚାକୁ ଭଲ ଭାବେ ଜାଣେ’
ସେଲ୍ ଅଡିଟୋରିଅମରେ ଆୟୋଜିତ ୩୮ତମ ବାର୍ଷିକ ଉତ୍ସବରେ ଯୋଗଦେଇ ମୁଖ୍ୟମନ୍ତ୍ରୀ ମୋହନ କହିଥିଲେ,‘‘ମୁଁ ସରସ୍ଵତୀ ଶିଶୁ ବିଦ୍ୟାମନ୍ଦିରର ପାଠପଢ଼ା ଶୈଳୀ ଜାଣିଛି । ଦିନେ ସରସ୍ଵତୀ ଶିଶୁମନ୍ଦିରରେ ମୁଁ ଶିକ୍ଷକ ଥିଲି । ଏଠାରେ ଶୃଙ୍ଖଳା ଉପରେ ଅଧିକ ଗୁରୁତ୍ଵ ଦିଆଯାଏ । ପିତା-ମାତା, ଗୁରୁଜନମାନଙ୍କୁ ସମ୍ମାନ ଉପରେ ମଧ୍ୟ ଗୁରୁତ୍ଵ ଦିଆଯାଏ । ଶିଶୁ ମନ୍ଦିରରେ ପାଠ ପଢ଼ିଥିବା ଛାତ୍ରଛାତ୍ରୀ ପ୍ରାୟତଃ ବିପଥଗାମୀ ହୁଅନ୍ତି ନାହିଁ । ଭାରତୀୟ ପରମ୍ପରାକୁ ଅନୁସରଣ କରି ଜୀବନରେ ଅଗ୍ରଣୀ ହେବା ହେଉଛି ସରସ୍ବତୀ ଶିଶୁ ବିଦ୍ୟାମନ୍ଦିର ଶୈକ୍ଷିକ ଢାଞ୍ଚାର ମୂଳଭିତ୍ତି । ଏଭଳି ଶିକ୍ଷା ଓ ସଂସ୍କାର ଅନ୍ୟ ସ୍ଥାନରେ ପାଇବା ସହଜ ନୁହେଁ । ସେହିଦୃଷ୍ଟିରୁ ସରସ୍ଵତୀ ଶିଶୁ ବିଦ୍ୟାମନ୍ଦିରର ଛାତ୍ରଛାତ୍ରୀ ଭାଗ୍ୟବାନ ।’’ ସେହିପରି ମୁଖ୍ୟମନ୍ତ୍ରୀ କହିଥିଲେ, ସମୃଦ୍ଧ ଓଡ଼ିଶା ଗଠନ ଦିଗରେ ଶିକ୍ଷାର ଗୁରୁତ୍ଵପୂର୍ଣ୍ଣ ଭୂମିକା ରହିଛି । ତେଣୁ ପ୍ରାଥମିକ ସ୍ତରଠାରୁ ଉଚ୍ଚଶିକ୍ଷା ପର୍ଯ୍ୟନ୍ତ ସୁଦୃଢ଼ କରିବାପାଇଁ ତାଙ୍କ ନେତୃତ୍ବାଧୀନ ସରକାର ବଦ୍ଧ ପରିକର ବୋଲି ମୁଖ୍ୟମନ୍ତ୍ରୀ କହିଥିଲେ ।
ଏହା ମଧ୍ୟ ପଢନ୍ତୁ :- କେନ୍ଦୁଝରରେ ମୁଖ୍ୟମନ୍ତ୍ରୀ ମୋହନ ମାଝୀ: ସାନ୍ତାଳୀରେ ଅଭିଭାଷଣ, ଭାଷାର ବିକାଶ ପାଇଁ ଦେଲେ ପ୍ରତିଶ୍ରୁତି - CM KEONJHAR VISIT ଆଜିଠୁ ମୁଖ୍ୟମନ୍ତ୍ରୀଙ୍କ 3 ଦିନିଆ କେନ୍ଦୁଝର ଗସ୍ତ, ବିଭିନ୍ନ କାର୍ଯ୍ୟକ୍ରମରେ ହେବେ ସାମିଲ CM Keonjhar visit |
- କାର୍ଯ୍ୟକ୍ରମର ଅନ୍ୟ ଅତିଥି ବୃନ୍ଦ:-
ପାଟଣା ବିଧାୟକ ଅଖିଳ ଚନ୍ଦ୍ର ନାଏକ ଓ ତେଲକୋଟ୍ଟ ବିଧାୟକ ଡାକ୍ତର ଫକୀର ମୋହନ ନାଏକ, ପଣ୍ଡିତ ମହେଶ ସାହୁ, କେନ୍ଦୁଝରଗଡ଼ ପୌରାଧ୍ୟକ୍ଷା ନିକୁ ସାହୁ ପ୍ରମୁଖ ସମ୍ମାନିତ ଅତିଥି ଭାବେ ଯୋଗଦେଇ ସମାଜ ବିକାଶରେ ଶିକ୍ଷାର ଭୂମିକା ଉପରେ ନିଜର ବକ୍ତବ୍ୟ ରଖିଥିଲେ । ବିଦ୍ୟାଳୟର ଉପ-ସଭାପତି ପ୍ରିୟବ୍ରତ ସାମଲଙ୍କ ଅଧ୍ୟକ୍ଷତାରେ ସଂପାଦକ ସୁଧାଂଶୁ ପଣ୍ଡା ସ୍ବାଗତ ଭାଷଣ ଦେଇଥିଲେ । ପ୍ରଧାନ ଆଚାର୍ଯ୍ୟ ଅଲେଖ ମହାନ୍ତ ଧନ୍ୟବାଦ ଅର୍ପଣ କରିଥିଲେ ।
କେନ୍ଦୁଝରଗଡ ସରସ୍ଵତୀ ଶିଶୁ ବିଦ୍ୟା ମନ୍ଦିରର ୩୮ ତମ ବାର୍ଷିକ ଉତ୍ସବରେ ଯୋଗଦେଲି। ଏହି ଅବସରରେ ଛାତ୍ରଛାତ୍ରୀଙ୍କ ଦ୍ଵାରା ପ୍ରଦର୍ଶିତ କଳା ଏବଂ ସଙ୍ଗୀତ ଅତ୍ୟନ୍ତ ହୃଦୟସ୍ପର୍ଶୀ ଥିଲା।
— Mohan Charan Majhi (@MohanMOdisha) December 17, 2024
ପିଲାମାନେ ହେଲେ 'ବିକଶିତ ଓଡ଼ିଶା'ର ଭବିଷ୍ୟତ, ସେମାନଙ୍କ ପାଇଁ ଏକ ଉନ୍ନତ ଶିକ୍ଷା ବ୍ୟବସ୍ଥା ସୁନିଶ୍ଚିତ କରିବା ଲୋକଙ୍କ ସରକାରର କର୍ତ୍ତବ୍ୟ।
ଏହି… pic.twitter.com/ZjRIR1v1OB
କେନ୍ଦୁଝର ଗସ୍ତ ଅବସରରେ ଭବ୍ୟ ସ୍ଵାଗତ ସମ୍ବର୍ଦ୍ଧନା ପାଇଁ ସ୍ଥାନୀୟ ଲୋକପ୍ରତିନିଧି ଓ ସାଧାରଣ ଜନତାଙ୍କୁ ଅଶେଷ ଧନ୍ୟବାଦ ଜଣାଉଛି। pic.twitter.com/OclhG6AKzO
— Mohan Charan Majhi (@MohanMOdisha) December 17, 2024
କେନ୍ଦୁଝର ମୁକୁନା ସ୍ଥିତ ସତ୍ୟନାରାୟଣ ଉଚ୍ଚ ବିଦ୍ୟାଳୟର ସୁବର୍ଣ୍ଣ ଜୟନ୍ତୀ ସମାରୋହରେ ବିଶିଷ୍ଟ ବ୍ୟକ୍ତିବିଶେଷଙ୍କ ସହ ଯୋଗଦେଲି। ଏହି ଅବସରରେ ବିଦ୍ୟାଳୟର ସମସ୍ତ ଶିକ୍ଷକ, ଛାତ୍ରଛାତ୍ରୀଙ୍କୁ ମୋର ଶୁଭକାମନା ଜଣାଉଛି।
— Mohan Charan Majhi (@MohanMOdisha) December 17, 2024
ଏହି ଉଚ୍ଚ ବିଦ୍ୟାଳୟ କେବଳ ଏକ ସାଧାରଣ ଶିକ୍ଷା କେନ୍ଦ୍ର ନୁହେଁ ଏହା ବାସ୍ତବରେ ହେଉଛି ଏକ ମଣିଷ ଗଢା କାରଖାନା।… pic.twitter.com/i0T2KIbIIw
ଇଟିଭି ଭାରତ, କେନ୍ଦୁଝର
