ସମ୍ବଲପୁର: ବୁର୍ଲା ଭୀମସାର ମେଡିକାଲରୁ ଶିଶୁପୁତ୍ର ଚୋରି ଘଟଣାରେ ରୋଚକ ମୋଡ଼ । ଛୁଆକୁ କାହିଁକି ଚୋରି କରିଥିଲେ ବୋଲି କହିଛନ୍ତି ଚୋରି କରିଥିବା ମହିଳା । ମହିଳା ଜଣକ ଶିଶୁକୁ ବିକ୍ରି କରିବା ଅଥବା କୌଣସି ମନ୍ଦ ଉଦ୍ଦେଶ୍ୟ ରଖି ଚୋରି କରି ନଥିଲେ ବରଂ ସମାଜିକ ଚାପର ବଶବର୍ତ୍ତୀ ହୋଇ ଏଭଳି କାଣ୍ଡ କରିଥିଲେ । ମହିଳାଙ୍କର କୌଣସି ସନ୍ତାନ ନଥିବାରୁ ସେ ମାନସିକ ନିର୍ଯାତନାର ଶିକାର ହେଉଥିଲେ । ଏଥିରୁ ବର୍ତ୍ତିବା ସହ କେବଳ ମାତୃତ୍ୱ ଲାଭ କରିବା ପାଇଁ ଶିଶୁପୁତ୍ରକୁ ଚୋରି ଥିବା ମହିଳା ଜଣଙ୍କ ସ୍ବୀକାର କରିଛନ୍ତି ବୋଲି ସୂଚନା ଦେଇଛନ୍ତି ସମ୍ବଲପୁର ଅତିରିକ୍ତ ଏସପି ହରେଶ ପାଣ୍ଡେ ।
କାହିଁକି କେଲ ଛୁଆ ଚୋରି ?
ସମ୍ବଲପୁର ଅତିରିକ୍ତ ଏସପି ହରେଶ ପାଣ୍ଡେଙ୍କ ସୂଚନା ଅନୁସାରେ, ଶିଶୁପୁତ୍ର ଚୋରି କରିଥିବା ମହିଳା ଓ ତାଙ୍କ ସ୍ବାମୀ ରେଙ୍ଗାଲିର ସାଲେଭଟା ଠାରେ ରହୁଥିଲେ । ବିବାହକୁ ଅନେକ ଦିନ ହୋଇଯାଇଥିବା ବେଳେ ତାଙ୍କର କୌଣସି ସନ୍ତାସନ୍ତତି ନଥିଲେ । ମହିଳାଙ୍କ କୌଣସି ସନ୍ତାନ ନଥିବାରୁ ବିଭିନ୍ନ ସମୟରେ ତାଙ୍କ ସ୍ୱାମୀଙ୍କ ସମ୍ପର୍କୀୟ ଠାରୁ କଟୁ ଶବ୍ଦ ଶୁଣିବାକୁ ପଡୁଥିଲା । ଏଭଳି ଭାବରେ ତାଙ୍କର କୌଣସି ସନ୍ତାନ ନ ଥିବାରୁ ତାଙ୍କ ଉପରେ ଏକ ସାମାଜିକ ଚାପ ରହି ଆସୁଥିଲା । ସମାଜର ଟାପିଟାପରାରୁ ବର୍ତ୍ତିବା ପାଇଁ ମହିଳା ଜଣଙ୍କ ଶିଶୁକୁ ମେଡିକାଲରୁ ଚୋରି କରିନେଇଥିଲେ । ଶିଶୁ ଚୋରି ପରେ ସ୍ବାମୀଙ୍କୁ ଡାକି ଅଟୋରେ ନେଇ ପଳାଇଥିଲେ । ଗତକାଲି ସମ୍ବଲପୁର ପୋଲିସ ରେଙ୍ଗାଲି ଅଞ୍ଚଳରୁ ଚୋରି ହୋଇଥିବା ଶିଶୁପୁତ୍ରକୁ ଉଦ୍ଧାର କରି ଭୀମସାର ମେଡିକାଲର SNCU ୱାର୍ଡରେ ଭର୍ତ୍ତି କରିଛି । ଏହି ଘଟଣାରେ ଚୋରି ଅଭିଯୁକ୍ତ ମହିଳାଙ୍କ ସହ ପୋଲିସ ତାଙ୍କ ସ୍ୱାମୀକୁ ମଧ୍ୟ ଧରିଛି ।
ଟାପିଟାପରାରୁ ବର୍ତ୍ତିବା ପାଇଁ ଛୁଆ ଚୋରି!
ଏନେଇ ସମ୍ବଲପୁର ଅତିରିକ୍ତ ଏସପି ହରେଶ ପାଣ୍ଡେ କହିଛନ୍ତି, "ମହିଳାଙ୍କର କୌଣସି ଛୁଆପିଲା ନଥିବାରୁ ତାଙ୍କ ସମ୍ପର୍କିୟମାନେ ମାନଙ୍କୁ ଠାରୁ ଅନେକ କଥା ଶୁଣୁଥିଲେ । ଯାହାକୁ ନେଇ ମହିଳା ଜଣଙ୍କ ମାନସିକ ଭାବରେ ଚିନ୍ତିତ ଥିଲେ । ଏହାରି ଭିତରେ ମହିଳା ଜଣଙ୍କ ଗର୍ଭବତୀ ହୋଇଥିଲେ । କିନ୍ତୁ ତାଙ୍କ ଗର୍ଭ ନଷ୍ଟ ହୋଇଯାଇଥିଲେ । ଏ ବିଷୟରେ ମହିଳା ଜଣଙ୍କୁ କାହାରିକୁ ଜଣାଇ ନଥିଲେ । ସେ ଗର୍ଭବତୀ ଥିବା ସମସ୍ତଙ୍କୁ କହୁଥିଲେ । ପରେ ମହିଳାଙ୍କ ଶରୀରୁ ଅସୁସ୍ଥ ଥିବାରୁ ସେ ମେଡ଼ିକାଲ ଯାଇଥିଲେ । ସେଠାରେ ସେ ଯେଉଁ ଛୁଆକୁ ଚୋରି କରିଥିଲେ ତାର ମାଉସୀ ସହ ଦେଖା ହୋଇଥିଲେ । ସେଠାରେ ତାଙ୍କ ସହ ଘନିଷ୍ଠ ସମ୍ପର୍କ ସ୍ଥାପନା କରିଥିଲେ । ଅନେକ କାମରେ ତାଙ୍କୁ ସାହାଯ୍ୟ କରିଥିଲେ । ଶିଶୁପୁତ୍ରକୁ ଧରି ନେଇ ଖେଳାଇବା ସହ ବାହାରେ ବୁଲାବୁଲି କରେ । ଏହା ଭିତରେ ଛୁଆକୁ ରଖିବାକୁ ମହିଳାଙ୍କ ଲୋଭ ହୋଇଗଲା । ତେଣୁ ସେ ଶିଶୁପୁତ୍ରକୁ ଚୋରି କରି ନେଇଥିଲେ ।"
ଏହା ମଧ୍ୟ ପଢ଼ନ୍ତୁ...ଭୀମସାରରୁ ଚୋରି ଶିଶୁପୁତ୍ର ରେଙ୍ଗାଲିରୁ ଉଦ୍ଧାର ଏହା ମଧ୍ୟ ପଢ଼ନ୍ତୁ...ଭୀମସାରରୁ ନବଜାତ ଶିଶୁ ଚୋରି ଘଟଣା, ଅଭିଯୁକ୍ତକୁ ଧରିବାକୁ ୪ଟି ଟିମ ଗଠନ |
ଶିଶୁକୁ ଉଦ୍ଧାର ପାଇଁ ପୋଲିସ କରିଥିଲା କସରତ:
ବୁର୍ଲା SDPO ଅମ୍ବିତ ମହାନ୍ତି କହିଛନ୍ତି, "ଶିଶୁ ଚୋରି ଘଟଣାର ପର୍ଦ୍ଦାଫାସ କରିବାକୁ ପୋଲିସକୁ କମ କସରତ କରିବାକୁ ପଡିଥିଲା । ଏଥିପାଇଁ ପୋଲିସର ସ୍ୱତନ୍ତ୍ର ଟିମରେ ଜଣେ ଅତିରିକ୍ତ ଏସପି, ୨ ଜଣ ଏସଡ଼ିପିଓ, ୮ ଜଣ ଇନ୍ସପେକ୍ଟର ନିୟୋଜିତ ହୋଇଥିଲେ । ଚୋରକୁ ଧରିବା ପାଇଁ ପୋଲିସକୁ ଲଗାତାର ୪୦ ଘଣ୍ଟାର ଅପରେସନ କରିବାକୁ ପଡିଥିଲା । ବିଭିନ୍ନ ସ୍ଥାନର ସିସିଟିଭି ସହ ଟେକ୍ନିକାଲ ଆସିଷ୍ଟାଣ୍ଟର ସହଯୋଗ ନେଇଥିଲା ପୋଲିସ । ପୋଲିସ ୩୦୦ଟି ସିସିଟିଭି ଫୁଟେଜକୁ ଅତି ନିକଟରୁ ନିରୀକ୍ଷଣ କରିଥିଲା । ଏଥିପାଇଁ ୯୬ ଘଣ୍ଟାର ସିସିଟିଭି ଫୁଟେଜ ଦେଖିବାକୁ ପଡିଥିଲା । ଆଉ ଶେଷରେ ସଫଳତା ମିଳିଥିଲା ।
ଇଟିଭି ଭାରତ, ସମ୍ବଲପୁର
