ଭୁବନେଶ୍ବର: ରାମୋଜୀ ରାଓଙ୍କୁ ଝୁରୁଛି ଓଡିଶା ସାମ୍ବାଦିକ ଜଗତ । ‘ଇଟିଭି ଭାରତ ଓଡିଶା’ ପରିବାର ସାମ୍ବାଦିକ ଜଣାଇଲେ ଶେଷ ଶ୍ରଦ୍ଧାଞ୍ଜଳି । ସେ ଏବେ ନାହାନ୍ତି ଶତ ହେଲେ ଛାଡି ଯାଇଛନ୍ତି ଅନେକ ସ୍ମୃତି । ସେଥିପାଇଁ ତ ମିଡ଼ିଆ ଜଗତରେ ତାଙ୍କୁ କୁହାଯାଏ ଭୀଷ୍ମ ପିତାମହ । ସେ କେବଳ ମିଡ଼ିଆ ଜଗତରେ ସୀମିତ ନଥିଲେ, ବରଂ ସିନେମା ଜଗତ ପାଇଁ ଆଣିଥିଲେ ନୂଆ ଦିଶା ,ସୃଷ୍ଟି କରିଥିଲେ ରାମୋଜୀ ଗ୍ରୁପ । ଧାରାବାହିକ ଠାରୁ ଆରମ୍ଭ କରି ମିଡ଼ିଆ ବିଭିନ୍ନ କ୍ଷେତ୍ରରେ ନିଜର ସ୍ୱତନ୍ତ୍ର ସ୍ଥାନ ସୃଷ୍ଟି କରିଥିଲେ । ସେହି ମହାନ ବ୍ୟକ୍ତିଙ୍କ ବିୟୋଗରେ ଦୁଃଖରେ ଭାଙ୍ଗି ପଡ଼ିଛନ୍ତି ମିଡ଼ିଆ ଜଗତର ପ୍ରତିଟି ମଣିଷ ।
ରାମୋଜୀ ଗ୍ରୁପ ପ୍ରତିଷ୍ଠାତା ସ୍ବର୍ଗତ ରାମୋଜୀ ରାଓଙ୍କୁ ‘ଇଟିଭି ଭାରତ ଓଡିଶା’ ପରିବାର ପକ୍ଷରୁ ଭୁବନେଶ୍ବରର ସାମ୍ବାଦିକ ଭବନ ପରିସରରେ ଅଶ୍ରୁଳ ଶ୍ରଦ୍ଧାଞ୍ଜଳି ଜ୍ଞାପନ କରାଯାଇଛି । ଏଥିରେ ‘ଇଟିଭି ଭାରତ ଓଡିଶା’ ଆସିଷ୍ଟାଣ୍ଟ୍ ନ୍ୟୁଜ୍ ଏଡିଟର୍ ବିଶ୍ଵନାଥ ପ୍ରହରାଜ ରାଜଗୁରୁ ସଭାପତିତ୍ବରେ ଶ୍ରଦ୍ଧାଞ୍ଜଳି ଉତ୍ସବ ଅନୁଷ୍ଠିତ ହୋଇଥିଲା । ରାଜ୍ୟ ବିଭିନ୍ନ ସ୍ଥାନର ‘ଇଟିଭି ଭାରତ ଓଡିଶା’ର ପ୍ରତିନିଧି ମାନେ ଯୋଗ ଦେଇ ସ୍ବର୍ଗତ ରାମୋଜୀ ରାଓଙ୍କ ଫଟୋ ଚିତ୍ରରେ ମାଲ୍ୟାର୍ପଣ କରିଥିଲେ । ତୁଳସୀ ଦୁଇ ପତ୍ରରୁ ବସିଲା ଭଳି ତାଙ୍କର ପ୍ରଚେଷ୍ଟା ବୁଦ୍ଧି ଏବଂ ଉଦ୍ୟମ ବଳରେ ତାଙ୍କର ଶ୍ରେଷ୍ଠତ୍ଵ ବଜାଇ ରହିଛି । ସେ ଆଜି ଦୁନିଆରେ ନାହାନ୍ତି ସତ ହେଲେ ତାଙ୍କର ଅତୁଳନୀୟ ଅବଦାନକୁ ସର୍ବଦା ମନେ ରଖିବେ ଓଡ଼ିଶାର ସମ୍ବାଦିକ ।
