ଭୁବନେଶ୍ବର: ରେଳ ଷ୍ଟେସନରେ ଯାତ୍ରୀ ପାଇବେ ବିଶୁଦ୍ଧ ପାନୀୟ ଜଳ । ୨୪ ଘଣ୍ଟିଆ ହେବ ମନିଟରିଂ । ଗ୍ରାଷ୍ମ ପ୍ରଭାବକୁ ନଜରରେ ରଖି କେନ୍ଦ୍ର ରେଳ ମନ୍ତ୍ରାଳୟ ପକ୍ଷରୁ ଏହି ନିଷ୍ପତ୍ତି ନିଆଯାଇଛି । ସେହିକ୍ରମରେ ଆଜି ରାଜ୍ୟର ସମସ୍ତ ରେଳ ଷ୍ଟେସନରେ ନୂତନ ଆକ୍ବାଗାର୍ଡ ଲଗାଯିବା ସହିତ ପୁରୁଣା ଆରୋକୁ ସଜଡ଼ା ଯାଇଛି । ଯାହାଦ୍ବାରା ଯାତ୍ରୀମାନେ ବିଶୁଦ୍ଧ ଜଳ ସାଙ୍ଗକୁ ଥଣ୍ଡା ପାଣି ମଧ୍ୟ ପାଇ ପାରିବେ ।
ଏନେଇ ସମସ୍ତ ଯାତ୍ରୀଙ୍କ ପାଇଁ ଆରାମଦାୟକ ତଥା ସୁବିଧାଜନକ ଯାତ୍ରା ଅଭିଜ୍ଞତା ପ୍ରଦାନ କରିବାକୁ ରେଳ ମନ୍ତ୍ରଣାଳୟ ସର୍ବଦା ପ୍ରତିବଦ୍ଧ ରହିଥିବା ସୂଚାଉଛି । ଏହି ସକ୍ରିୟ ପଦକ୍ଷେପ ମାଧ୍ୟମରେ ଗ୍ରୀଷ୍ମ ଋତୁରେ ଷ୍ଟେସନ ଗୁଡିକରେ ବିଶୁଦ୍ଧ ପାନୀୟ ଜଳର ସହଜରେ ଉପଲବ୍ଧତାକୁ ସୁନିଶ୍ଚିତ କରିବାକୁ ଲକ୍ଷ୍ୟ ରଖାଯାଇଛି । ରାଜ୍ୟରେ ଦିନକୁ ଦିନ ଗ୍ରୀଷ୍ମ ପ୍ରବାହ ବଢୁଥିବା ବେଳେ ଏହି ପଦକ୍ଷେପ ଲୋକଙ୍କୁ ସୁବିଧା ଦେବ ବୋଲି ଆଶା କରାଯାଉଛି ।
ଏହା ମଧ୍ୟ ପଢ଼ନ୍ତୁ.... ସ୍ବପ୍ନର ସହର ଭୁବନେଶ୍ବର, ନା ଥକିଛି ନା ଅଟକିଛି - Bhubaneswar Foundation Day
ସମ୍ଭାବ୍ୟ ଗ୍ରୀଷ୍ମ ମାସରେ ଏହି ପ୍ରୟାସକୁ ଆହୁରି ଦୃଢ଼ କରିବାକୁ ପୂର୍ବତଟ ରେଳପଥ ପକ୍ଷରୁ ବିଭିନ୍ନ ପଦକ୍ଷେପ ଗ୍ରହଣ କରାଯାଇଛି । ଯେଉଁଥିରେ ନିମ୍ନଲିଖିତ ବ୍ୟବସ୍ଥା ସାମିଲ ରହିଛି:
*ଉପଲବ୍ଧତା ଏବଂ କାର୍ଯ୍ୟକାରିତା:- ସମସ୍ତ ୱାଟର କୁଲରଗୁଡିକ କାର୍ଯ୍ୟକ୍ଷମ ଏବଂ ଯାତ୍ରୀଙ୍କ ଚାହିଦା ପୂରଣ କରିବାକୁ ଚେଷ୍ଟା କରାଯାଉଛି ।
*ଟ୍ୟାଙ୍କର୍ ନିୟୋଜନ:- ସମ୍ବେଦନଶୀଳ ଷ୍ଟେସନ ମାନଙ୍କରେ ଜଳ ଯୋଗାଣ ପାଇଁ ଆବଶ୍ୟକ ଅନୁଯାୟୀ ୱାଟର ଟ୍ୟାଙ୍କର୍ ନିୟୋଜନ କରାଯିବ ।
*ନିୟମିତ ଯାଞ୍ଚ:- ସମସ୍ତ ପ୍ଲାଟଫର୍ମରେ ଜଳ ଉପଲବ୍ଧତା ସୁନିଶ୍ଚିତ କରିବାକୁ ଷ୍ଟେସନରେ ନିୟମିତ ଯାଞ୍ଚ କରାଯିବ ।
*ବେସରକାରୀ ସଂସ୍ଥା ତଥା ଏନଜିଓ ଏବଂ କମ୍ୟୁନିଟି ଗ୍ରୁପ୍ ସହିତ ସହଯୋଗ:- ଶୀତଳ ପାନୀୟ ଜଳ ବଣ୍ଟନ ପାଇଁ ବିଶେଷ କରି ମହିଳା ସ୍ୱୟଂ ସହାୟକ ସଂସ୍ଥା ଏନଜିଓ, ସ୍କାଉଟସ୍ ଏବଂ ଗାଇଡ୍ ଏବଂ ଅନ୍ୟାନ୍ୟ ସ୍ୱୟଂ ସହାୟକ ଗୋଷ୍ଠୀମାନଙ୍କଠାରୁ ସକ୍ରିୟ ଭାବେ ସହାୟତା ନିଆଯାଇଛି ।
*ଅଭାବ ପରିସ୍ଥିତିକୁ ସମାଧାନ କରିବା:- ଜଳ ଅଭାବର ସମ୍ମୁଖୀନ ହେଉଥିବା ଅଞ୍ଚଳରେ ରେଳ କର୍ତ୍ତୃପକ୍ଷ ମ୍ୟୁନିସିପାଲିଟି କର୍ପୋରେସନ୍ / ରାଜ୍ୟ ସରକାରଙ୍କ ସହ ସହଯୋଗ କରୁଛନ୍ତି । ବିକଳ୍ପ ଜଳ ଯୋଗାଣର ସମାଧାନ ପାଇଁ ଅନୁସନ୍ଧାନ ଜାରି ରଖିଛନ୍ତି ।
*24/7 ମନିଟରିଂ:- ଲଗାତାର ଜଳ ଉପଲବ୍ଧତାକୁ ସୁନିଶ୍ଚିତ କରିବା ଏବଂ କୌଣସି ଜରୁରୀ ସ୍ଥିତି ପାଇଁ ଉପୁଜୁଥିବା ସମସ୍ୟାର ତୁରନ୍ତ ସମାଧାନ କରିବା ପାଇଁ ରେଳ କର୍ମଚାରୀଙ୍କ ଦ୍ୱାରା ଘଣ୍ଟା ଘଣ୍ଟା ମନିଟରିଂ ପାଇଁ ଏକ ବ୍ୟବସ୍ଥା କାର୍ଯ୍ୟକାରୀ କରାଯାଇଛି ।
ଇଟିଭି ଭାରତ, ଭୁବନେଶ୍ବର
