ଭୁବନେଶ୍ବର: ବେରୋଜଗାରୀ ବିରୋଧରେ କଂଗ୍ରେସର ସଂଗ୍ରାମ । ଦେଶରେ ଆରମ୍ଭ ହେବ ଜୟ ଯବାନ ଅଭିଯାନ । ଯୁବକଙ୍କ ପାଇଁ ନ୍ୟାୟର ଯୁଦ୍ଧ ଲଢିବ କଂଗ୍ରେସ । ଏନେଇ ଆଜି ଘୋଷଣା କରିଛି ଅଖିଳ ଭାରତୀୟ କଂଗ୍ରେସ କମିଟି । ଏହାକୁ ନେଇ ଆଜି ଦଳ ସାରା ଦେଶରେ କରିଛି ପ୍ରେସମିଟ । ଏହିକ୍ରମରେ ଭୁବନେଶ୍ବର ଆସି ପ୍ରେସମିଟ କରିଛନ୍ତି ବରିଷ୍ଠ କଂଗ୍ରେସ ନେତା ସଞ୍ଜୟ ନିରୂପମ ।
ଭୁବନେଶ୍ବର କଂଗ୍ରେସ ଭବନରେ ଆୟୋଜିତ ପ୍ରେସମିଟରେ ସଞ୍ଜୟ କହିଛନ୍ତି ଅଗ୍ନିପଥ ଯୋଜନା ମାଧ୍ୟମରେ ମୋଦି ସରକାର ଦେଶର ୧.୫ ଲକ୍ଷ ଯୁବକଙ୍କ ସ୍ବପ୍ନକୁ ଭାଙ୍ଗି ଦେଇଛନ୍ତି । ବେରୋଜଗାରୀ ୪୫ ବର୍ଷର ସର୍ବୋଚ୍ଚ ସ୍ତରରେ ପହଞ୍ଚିଥିବାରୁ ବିଜେପି ଦ୍ବାରା କୋଟି କୋଟି ଯୁବକ ବିଶ୍ବାସଘାତକତାର ଶିକାର ହେଉଛନ୍ତି । ୩୧ ଜାନୁଆରୀରେ କଂଗ୍ରେସ ନେତା ରାହୁଲ ଗାନ୍ଧୀ ସେମାନଙ୍କ ପାଇଁ ନ୍ୟାୟ ସୁନିଶ୍ଚିତ କରିବା ପାଇଁ ‘ଜୟ ଯବାନ’ ଅଭିଯାନ ଆରମ୍ଭ କରିଥିଲେ । ଏଥିପାଇଁ ଭାରତୀୟ ଜାତୀୟ କଂଗ୍ରେସ ଦେଶବ୍ୟାପୀ ଅଭିଯାନ ମାଧ୍ୟମରେ ‘YUVA NYAY’ ସୁନିଶ୍ଚିତ କରିବ ।
୩୧ ଜାନୁଆରୀ ୨୦୨୪ ରେ ବିହାରରେ ରାହୁଲ ଗାନ୍ଧୀଙ୍କ ଦ୍ବାରା ଆରମ୍ଭ ହୋଇଛି ‘ଜୟ ଜୱାନ ଅଭିଯାନ ସରକାର କେ ବିରୁଦ୍ଧ ନ୍ୟାୟ କା ଯୁଦ୍ଧ’। ଏହି ଅଭିଯାନରେ ୧.୫ ଲକ୍ଷ ଯୁବକ ଓ ମହିଳାଙ୍କ ଆଶା ସଞ୍ଚାର ହୋଇଛି । ଯେଉଁମାନେ ଆମର 3 ଗୌରବମୟ ସଶସ୍ତ୍ର ସେବା ଭାରତୀୟ ସେନା, ଭାରତୀୟ ନୌସେନା ଏବଂ ଭାରତୀୟ ବାୟୁସେନାରେ ୨୦୧୯ ରୁ ୨୦୨୨ ମଧ୍ୟରେ ନିୟମିତ ନିଯୁକ୍ତି ଡ୍ରାଇଭରେ ଗ୍ରହଣ କରିଥିଲେ । କଠୋର ଚୟନ ପ୍ରକ୍ରିୟା ଅତିକ୍ରମ କରିଥିଲେ, କିନ୍ତୁ ମୋଦି ସରକାର ହଠାତ ସଶସ୍ତ୍ର ବାହିନୀ ଉପରେ ଅଗ୍ନିପଥ ଯୋଜନା ଲାଗୁ କରୁଥିବାରୁ ନିଯୁକ୍ତି ପାଇଲେ ନାହିଁ। ’’
ଅଧିକ ପଢନ୍ତୁ- ‘ଆସନ୍ତାକାଲି ଓଡିଶାରେ ପ୍ରବେଶ କରିବ ରାହୁଲ ଗାନ୍ଧୀଙ୍କ ଭାରତ ଯୋଡ ନ୍ୟାୟ ୟାତ୍ରା’
ସେହିପରି ସଞ୍ଜୟ କହିଛନ୍ତି ‘ଜୟ ଯବାନ’ ଅଭିଯାନର ଦୁଇଟି ଗୁରୁତ୍ବପୂର୍ଣ୍ଣ ଦାବି କରୁଛି କଂଗ୍ରେସ। ଦେଶରେ ଅଗ୍ନିପଥ ଯୋଜନା ପ୍ରଣୟନ ହେବାପରେ ୧.୫ ଲକ୍ଷ ଯୁବକ ଓ ଯୁବତୀଙ୍କଠାରୁ ନିର୍ଦ୍ଦୟ ଭାବରେ ଛଡ଼ାଯାଇଥିବା ଚାକିରିକୁ ଫେରାଇ ଦିଅ । ସଶସ୍ତ୍ର ବାହିନୀ ପାଇଁ ପୂର୍ବ ନିଯୁକ୍ତି ବ୍ୟବସ୍ଥାକୁ ପୁନଃ ସ୍ଥାପନ କରନ୍ତୁ କେନ୍ଦ୍ର ସରକାର । ଦେଶବ୍ୟାପୀ ହେବ ‘ଜୟ ଯବାନ’ କାର୍ଯ୍ୟକ୍ରମ । ଏଥିପାଇଁ କଂଗ୍ରେସ ୩ ପର୍ଯ୍ୟାୟରେ ଆୟୋଜିତ କରିବ ।
ଜୟ ଯବାନ କାର୍ଯ୍ୟକ୍ରମର ଲକ୍ଷ୍ୟ ଆଭିମୁଖ୍ୟ
ପ୍ରଥମ ପର୍ଯ୍ୟାୟରେ ହେବ- ସମ୍ପର୍କ (ଜନ ଯୋଗାଯୋଗ)ଲକ୍ଷ୍ୟ: ୩୦ ଲକ୍ଷ ପରିବାରରେ ପହଞ୍ଚିବା
ସମୟ ସୀମା: ଫେବୃଆରୀ ୧ରୁ ଫେବୃଆରୀ ୨୮ ପର୍ଯ୍ୟନ୍ତ "ନ୍ୟାୟ ଯାତ୍ରା" (ଏକ ଫର୍ମ ଏବଂ ଲିଫଲେଟ୍ ସହିତ) ଭାରତୀୟ ଜାତୀୟ କଂଗ୍ରେସର କର୍ମକର୍ତ୍ତାଙ୍କ ଦ୍ୱାରା ପ୍ରତିରକ୍ଷା ପରିବାରକୁ (ବର୍ତ୍ତମାନର/ପୂର୍ବ) ବଣ୍ଟନ କରାଯିବ ଏବଂ ଏହି ଆନ୍ଦୋଳନରେ ଯୋଗଦେବା ଏବଂ ସମର୍ଥନ କରିବାକୁ ସେନା ନିଯୁକ୍ତି ପାଇଁ ପ୍ରସ୍ତୁତ ଯୁବକମାନଙ୍କୁ ଅନୁରୋଧ କରାଯିବ । “ନ୍ୟାୟ ଯାତ୍ରା” ପରିବାର ସେମାନଙ୍କ ଦସ୍ତଖତ ସହିତ ପୂରଣ କରିବେ ଏବଂ ଏହି ସୂଚନା ଡିଜିଟାଲ ଫର୍ମରେ ରେକର୍ଡ ହେବ ଏବଂ ନ୍ୟାୟ ଯୁଦ୍ଧ ଷ୍ଟିକର ସହିତ ଘରର ଦ୍ୱାରରେ ରଖାଯିବ ।
ଦ୍ବିତୀୟ ପର୍ଯ୍ୟାୟ-ସତ୍ୟାଗ୍ରହ ଲକ୍ଷ୍ୟ: ଯଥାସମ୍ଭବ ଯୁବକ ଏବଂ ସେମାନଙ୍କ ପରିବାର ପାଖରେ ପହଞ୍ଚିବା । ସୂଚନା ସଂଗ୍ରହ କରନ୍ତୁ । ଚାଲୁଥିବା ଅଭିଯାନ ବିଷୟରେ ସେମାନଙ୍କୁ ଅବଗତ କରାଇ ସେମାନଙ୍କୁ ନିୟୋଜିତ କରନ୍ତୁ । ଏଥିପାଇଁ ଧାର୍ଯ୍ୟ କରାଯାଇଛି ସମୟସୀମା। ମାର୍ଚ୍ଚ ୫ ରୁ ମାର୍ଚ୍ଚ ୧୦ ସମସ୍ତ ବ୍ଲକ ଓ ସହରରେ ଧର୍ମକୁ ସଂଗଠିତ କରିବାକୁ ପଡିବ ଏବଂ ଏକ ସମନ୍ୱୟ କମିଟି ଗଠନ କରିବାକୁ ପଡିବ। ଏହି ଧର୍ମ ଶହୀଦ ଚକ୍ର କିମ୍ବା ଗାନ୍ଧୀ ଚକ୍ର ଆୟୋଜିତ ହେବ (ସାଧାରଣତ ପ୍ରତ୍ୟେକ ସହରର ନିଜସ୍ବ ସହିଦ ଚକ୍ର କିମ୍ବା NYAY YATRA (PADAYATRA)ମୂଳ ଲକ୍ଷ୍ୟ ସମସ୍ତ ଜିଲ୍ଲାରେ ୫୦ କିଲୋମିଟର ପର୍ଯ୍ୟନ୍ତ ଏକ ପଦଯାତ୍ରା କରିବା ଲକ୍ଷ୍ୟ । ପ୍ରତ୍ୟେକ ଜିଲ୍ଲାର ସୈନିକମାନଙ୍କ ପାଇଁ ନ୍ୟାୟ ଯାତ୍ରା” ଆୟୋଜିତ ହେବ । ଯେଉଁଥିରେ 50 କିଲୋମିଟର ପଦଯାତ୍ରା କାର୍ଯ୍ୟ କରାଯିବ ।
ଏଥିପାଇଁ 9999812024 କଲ ଏବଂ ପଞ୍ଜିକରଣ କରିବା ପାଇଁ - www.jay jawan.inଜୟ ଜୱାନ ଅଭିଯାନ ହେଉଛି YUVA NYAYର ଅନ୍ୟତମ ଉପାଦାନ - ଆମର ବେକାର ଯୁବକମାନଙ୍କୁ ନ୍ୟାୟ ପ୍ରଦାନ କରିବା ଏବଂ ସେମାନଙ୍କର ସ୍ବପ୍ନ ଏବଂ ଆକାଂକ୍ଷା ପୂରଣ କରିବା ପାଇଁ ଭାରତୀୟ ଜାତୀୟ କଂଗ୍ରେସର ବୃହତ ଲକ୍ଷ୍ୟ ।
ସେହିଭଳି କଂଗ୍ରେସ ନେତା କହିଛନ୍ତି ସେନା 2020-21 ମସିହାରେ ସାରା ଦେଶରେ କେବଳ 97 ନିଯୁକ୍ତି ରାଲି କରିଥିଲା । ଲକ୍ଷ ଲକ୍ଷ ଯୁବକ ଅଂଶଗ୍ରହଣ କରିଥିଲେ ଯେଉଁମାନେ ଫିଜିକାଲ୍/ ମେଡିକାଲ୍ ଏବଂ ଡକ୍ୟୁମେଣ୍ଟ୍ ଭେରିଫିକେସନ୍ ପାସ୍ କରିଥିଲେ । ଆର୍ମି ନିଯୁକ୍ତି ପରୀକ୍ଷା (ଫାଇନାଲ୍ ଷ୍ଟେଜ୍) କୁ ଅପେକ୍ଷା କରିଥିଲେ । ସେନା 4 ଥର ଲିଖିତ ପରୀକ୍ଷା ପାଇଁ ଆଡମିଟ୍ କାର୍ଡ ଜାରି କରିଥିଲା । କିନ୍ତୁ ପ୍ରତ୍ୟେକ ଥର ପରୀକ୍ଷା ସ୍ଥଗିତ ରଖାଯାଇ ଭବିଷ୍ୟତରେ କରାଯିବ ବୋଲି ଘୋଷଣା କରାଯାଇଥିଲା | ଏହି ଅନୁଯାୟୀ ୫୦ଲକ୍ଷରୁ ଅଧିକ ଯୁବକଙ୍କ ଠାରୁ ୨୦୦ କୋଟିରୁ ଅଧିକ ଟଙ୍କା ଜମା କରାଯାଇଥିଲା। ହେଲେ ଫଳ ଶୂନ।
ଇଟିଭି ଭାରତ, ଭୁବନେଶ୍ବର
