ଭୁବନେଶ୍ବର: ଅଷ୍ଟ୍ରେଲିଆରେ ଚମକିବେ ଓଡ଼ିଆ ପୁଅ । ଚଳିତ ବର୍ଷ ଅକ୍ଟୋବରରେ ଅଷ୍ଟ୍ରେଲିଆରେ ହେବାକୁ ଥିବା ବିଶ୍ୱ ପାୱାର ଲିଫଟିଙ୍ଗ୍ ଚାମ୍ପିଆନସିପରେ ପ୍ରତିନିଧିତ୍ବ କରିବାକୁ ଯାଉଛନ୍ତି ରାଜଧାନୀ ଭୁବନେଶ୍ୱରର ଅତିଶ କୁମାର ବେଜ । ଅଷ୍ଟ୍ରେଲିଆରେ ଚମକିବେ ଓଡ଼ିଆ ପୁଅ । ଚଳିତ ବର୍ଷ ଅକ୍ଟୋବରରେ ଅଷ୍ଟ୍ରେଲିଆରେ ହେବାକୁ ଥିବା ବିଶ୍ୱ ପାୱାର ଲିଫଟିଙ୍ଗ ଚାମ୍ପିଆନସିପରେ ସେ ପ୍ରତିନିଧିତ୍ବ କରିବାକୁ ଯାଉଛନ୍ତି ରାଜଧାନୀ ଭୁବନେଶ୍ୱରର ଅତିଶ କୁମାର ବେଜ । ହେଲେ ପ୍ରସ୍ତୁତି ରାସ୍ତାରେ ବାଧା ସାଜିଛି ଅର୍ଥ ।
ଅଷ୍ଟ୍ରେଲିଆରେ ଚମକିବେ ଅତିଶ: ପୂର୍ବରୁ ବିଭିନ୍ନ ପାୱାର ଲିଫଟିଙ୍ଗ ପ୍ରତିଯୋଗିତାରେ ସଫଳ ହୋଇଥିବା ବେଳେ ଅଷ୍ଟ୍ରେଲିଆରେ ମଧ୍ୟ ସଫଳ ହେବାକୁ ଲକ୍ଷ୍ୟ ରଖିଛନ୍ତି ସେ । ଏଥି ପାଇଁ ସେ ପ୍ରସ୍ତୁତି ଆରମ୍ଭ କରିଥିଲେ ସୁଦ୍ଧା ଏହି ବ୍ୟୟ ବହୁଳ ଖେଳକୁ ନେଇ ଅର୍ଥ ସାଜିଛି ବାଧକ । ସେ ଏବେ ଏକ ଜିମ୍ ସେଣ୍ଟରରେ ଟ୍ରେନର ଭାବେ କାର୍ଯ୍ୟ କରୁଛନ୍ତି । ଯାହା ଅର୍ଥ ଆସୁଛି ନିଜ କ୍ୟାରିୟର ପାଇଁ ଦେଶ ବିଦେଶ ଯାଇ ପାୱାର ଲିଫଟିଙ୍ଗ ପ୍ରଦର୍ଶନ କରୁଛନ୍ତି ।
ମଧ୍ୟପ୍ରଦେଶରେ ସ୍ବର୍ଣ୍ଣ ପଦକ ହାସଲ:ପୂର୍ବରୁ ରାଜ୍ୟ ତଥା ରାଜ୍ୟ ବାହାରେ ବିଭିନ୍ନ ପାୱାର ଲିଫଟିଙ୍ଗ ପ୍ରତିଯୋଗିତାରେ କମାଲ କରିଥିବା ଅତିଶ ନିକଟରେ ମଧ୍ୟପ୍ରଦେଶରେ ଅନୁଷ୍ଠିତ ହୋଇଥିବା ପାୱାର ଲିଫଟିଙ୍ଗ ଚାମ୍ପିଆନସିପରେ ସ୍ବର୍ଣ୍ଣ ପଦକ ହାସଲ କରିଛନ୍ତି । ଆଗାମୀ ବିଶ୍ୱ ପାୱାରଲିଫଟିଙ୍ଗ ପ୍ରତିଯୋଗିତା ପାଇଁ ସେ ପ୍ରସ୍ତୁତି ଆରମ୍ଭ କରିଥିବା ବେଳେ ବ୍ୟୟବହୁଳ କ୍ରୀଡା ପାଇଁ ଅର୍ଥ ବାଧକ ସାଜୁଛି । ଯଦି ସରକାରୀ କିମ୍ବା ବେସରକାରୀ ସ୍ତରରେ କିଛି ସାହାଯ୍ୟ ସହଯୋଗ ମିଳିଲେ ଏହି ପ୍ରତିଯୋଗିତାରେ ମଧ୍ୟ ସଫଳ ପ୍ରଦର୍ଶନ ପାଇଁ ଲକ୍ଷ୍ୟ ରଖିଛନ୍ତି ଅତିଶ ।
ସରକାରୀ ସହାୟତା ପାଇଁ ନିବେଦନ: ପାୱାର ଲିଫଟିଙ୍ଗରେ ଦମଦାର ପ୍ରଦର୍ଶନ କରୁଥିବା ଅତିଶ ପେସାରେ ଜଣେ ଜିମ ଟ୍ରେନର । ଦୀର୍ଘ 10 ରୁ 12 ବର୍ଷ ହେବ ବିଭିନ୍ନ ପାୱାରଲିଫଟିଙ୍ଗ ପ୍ରତିଯୋଗିତା ଖେଳି ଏକାଧିକ ପଦକ ଜିତିଛନ୍ତି । ବିନା ସହାୟତାରେ ଜାତୀୟ ସ୍ତରରେ ଭଲ ପ୍ରଦର୍ଶନ କରିଥିବା ଅତିଶଙ୍କୁ ଯଦି ସାହାଯ୍ୟ ସହଯୋଗ ମିଳନ୍ତା ଅନ୍ତର୍ଜାତୀୟ ସ୍ତରରେ ମଧ୍ୟ ଭଲ ପ୍ରଦର୍ଶନ କରିବେ ବୋଲି କହିଛନ୍ତି । ତେବେ ଏଭଳି ପ୍ରତ୍ୟେକ ଉଦୀୟମାନ କ୍ରୀଡ଼ାବିତର ସଫଳତା ପାଇଁ ପ୍ରୋତ୍ସାହନ ରାଶି ଏକ ପ୍ରେରଣା ସଦୃଶ । ଅତିଶଙ୍କ କ୍ଷେତ୍ରରେ ତାହା ହୋଇ ପାରିଲେ ସେ ଅଷ୍ଟ୍ରେଲିଆରେ ମଧ୍ୟ ଭଲ ପ୍ରଦର୍ଶନ କରି ମେଡାଲ ଜିତି ରାଜ୍ୟ ତଥା ଦେଶ ପାଇଁ ଗୌରବ ଆଣି ପାରନ୍ତେ ।
ଇଟିଭି ଭାରତ, ଭୁବନେଶ୍ବର
