ପାରାଦ୍ବୀପ: କଥାରେ ଅଛି ପୁତ୍ର କୁପୁତ୍ର ହୋଇପାରେ କିନ୍ତୁ ମା’ କେବେ କୁମାତା ହୋଇପାରେନା । ତାହା କିନ୍ତୁ ପାରାଦ୍ୱୀପ ଅଞ୍ଚଳରେ ଭୁଲ ସାବ୍ୟସ୍ତ ହୋଇଛି । ଟଙ୍କା ପାଇଁ ପୁଅକୁ ବିକ୍ରି କରିଦେଲା ମାଆ । ଏକ ଲକ୍ଷ ଟଙ୍କାରେ ଦିନକର ଶିଶୁପୁତ୍ରକୁ ମାଆ ବିକ୍ରି କରିଦେଇଥିବା ଅଭିଯୋଗ ହୋଇଛି । ଏହି ଘଟଣାରେ ପାରାଦ୍ୱୀପ ପୋଲିସ ନିଜ ଆଡୁ ମାମଲା ରୁଜୁ କରିବା ସହିତ ତଦନ୍ତ ଆରମ୍ଭ କରିଛି ।
ମିଳିଥିବା ସୂଚନା ଅନୁସାରେ, ଶିଶୁପୁତ୍ରକୁ ଜନ୍ମ ଦେଇଥିବା ଆଦିବାସୀ ମହିଳା ଜଣଙ୍କ ପାରାଦ୍ୱୀପ ସହରର ଷଣ୍ଢକୁଦ ବସ୍ତି ଅଞ୍ଚଳରେ ରହୁଥିଲେ । ତାଙ୍କ ସ୍ୱାମୀ ତାଙ୍କୁ ଛାଡିଯିବା ପରେ ସେ ଗର୍ଭବତୀ ହୋଇଥିଲେ । ଗର୍ଭବତୀ ହେବା ଜାଣି ମହିଳା ଜଣଙ୍କ ଗର୍ଭ ନଷ୍ଟ କରିବାକୁ ଚାହୁଁଥିବା ପଡୋଶୀକୁ କହିଥିଲେ । କିନ୍ତୁ ଗର୍ଭ ନଷ୍ଟ ନକରିବାକୁ ପଡୋଶୀ ମହିଳାଙ୍କୁ ପରାମର୍ଶ ଦେଇଥିଲେ । ଏଥିସହ ସନ୍ତାନ ଜନ୍ମ ହେଲେ ପଡୋଶୀ ଲାଳନ ପାଳନ କରିବାକୁ ଲିଖିତ ପ୍ରତିଶ୍ରୁତି ଦେଇଥିଲେ । ଏପରିକି ଗର୍ଭାବସ୍ଥାରେ ମହିଳାଙ୍କ ଯତ୍ନ ନେଇଥିଲେ । ଗତ ରବିବାର ଦିନ ପାରାଦ୍ୱୀପ ସ୍ଥିତ ଅଠର ବାଙ୍କୀ ସରକାରୀ ଡାକ୍ତରଖାନାରେ ମହିଳା ଜଣଙ୍କ ଏକ ଶିଶୁପୁତ୍ର ଜନ୍ମ ଦେଇଥିଲେ।
