ସରିଲା ପ୍ରତୀକ୍ଷା, ଲିଙ୍ଗରାଜ ମନ୍ଦିରରେ ଉଠିଲା ମହାଦୀପ

Mahadipa Raised: ଲିଙ୍ଗରାଜ ମନ୍ଦିରରେ ଉଠିଲା ମହାଦୀପ । ଧାର୍ଯ୍ୟ ସମୟ ଅନୁସାରେ ଦୀପ ଉଠିଥିବା ଜଣାପଡ଼ିଛି । ଅଧିକ ପଢନ୍ତୁ

ଭୁବନେଶ୍ବର: ଲିଙ୍ଗରାଜ ମନ୍ଦିରରେ ଉଠିଲା ମହାଦୀପ । ଭକ୍ତଙ୍କ ବହୁ ପ୍ରତୀକ୍ଷାର ଅନ୍ତ ଘଟିଛି । ଧାର୍ଯ୍ୟ ସମୟ ଅନୁସାରେ ସମସ୍ତ ପ୍ରକ୍ରିୟା ଆରମ୍ଭ ହୋଇଥିଲା । 'ହର ହର ମହାଦେବ' ଧ୍ବନିରେ ପ୍ରକମ୍ପିତ ହୋଇ ଉଠିଥିଲା ମନ୍ଦିର ପରିସର । ଦୀର୍ଘ ସମୟ ଧରି ଭକ୍ତମାନେ ଏହି ମୁହୂର୍ତ୍ତକୁ ଅପେକ୍ଷା କରି ରହିଥିଲେ । ଦୀପ ଜାଳି ଉଜାଗର ରହି ଦେବ ଦେବ ମହାଦେବଙ୍କୁ ଆରଧନା କରୁଥିଲେ । ଭକ୍ତିମୟ ପରିବେଶରେ ମହାଦୀପ ଉଠିଛି । ହଜାର ହଜାର ସଂଖ୍ୟାରେ ଭକ୍ତ ମହାଦୀପ ଦର୍ଶନ କରିଛନ୍ତି । ପରମ୍ପରା ଅନୁସାରେ, ଉପବାସ ବ୍ରତ କରିଥିବା ଭକ୍ତମାନେ ମହାଦୀପ ଉଠିବା ପରେ ବ୍ରତ ଭଙ୍ଗ କରନ୍ତି । ଦିନ ସାରା ମହାଦେବଙ୍କୁ ଶ୍ରଦ୍ଧାର ସହ ଆରାଧନା ଓ ପୂଜାର୍ଚ୍ଚନା କରିଛନ୍ତି ଭକ୍ତ ।

ପବିତ୍ର ମହାଶିବରାତ୍ରୀ ପାଇଁ ଚଳଚଞ୍ଚଳ ରହିଛି ଏକାମ୍ର କ୍ଷେତ୍ର । ରାତି ୧୦ ଟାରେ ମହାଦୀପ ଉଠିବାକୁ ସମୟ ଧାର୍ଯ୍ୟ କରାଯାଇଥିଲା। ଦିନ ତମାମ ପ୍ରଭୁ ଲିଙ୍ଗରାଜଙ୍କ ଦର୍ଶନ ପାଇଁ ପ୍ରବଳ ଭିଡ଼ ଦେଖିବାକୁ ମିଳିଥିଲା । ଭୋର ୩ ଟାରୁ ନୀତିକାନ୍ତି ଆରମ୍ଭ ହୋଇଥିବାବେଳେ ଶୃଙ୍ଖଳିତ ଦର୍ଶନ ପାଇଁ ସମସ୍ତ ବ୍ୟବସ୍ଥା କରାଯାଇଛି । ୧୧ ଟା ଯାଏଁ ସାହାଣମେଲା ଦର୍ଶନ ରହିଥିଲା । ମହାସ୍ନାନ ଓ ବେଶ ପରେ ସୂର୍ଯ୍ୟପୂଜା ଓ ଅନାନ୍ୟ ପୂଜାର ବିଧି ରହିଥିଲା । ଆଉ ଶେଷରେ ପରମ୍ପରା ଅନୁସାରେ ମହାଦୀପ ଉଠିବା ନୀତି ସମ୍ପନ୍ନ ହୋଇଛି।

କେବଳ ଲିଙ୍ଗରାଜ ମନ୍ଦିରରେ ନୁହେଁ, ଭୁବନେଶ୍ୱରର ପ୍ରାଚୀନ ଶୈବ ମନ୍ଦିର ଶ୍ରୀ ବ୍ରହ୍ମେଶ୍ୱର ମନ୍ଦିରକୁ ଶିବରାତ୍ରୀ ଓ ଜାଗରଯାତ୍ରା ଉପଲକ୍ଷେ ରାଜଧାନୀ ତଥା ଆଖପାଖରୁ ହଜାର ହଜାର ସଂଖ୍ୟାରେ ଶ୍ରଦ୍ଧାଳୁ ଦର୍ଶନ କରିବାକୁ ଆସିଥାନ୍ତି । ଏହି ଦିବସରେ ମନ୍ଦିରର କାର୍ଯ୍ୟ ନିର୍ଘଣ୍ଟ ଅନୁସାରେ ଭୋର ରାତ୍ରୀ ୩ଟାରୁ ଦ୍ୱାରଫିଟା ନୀତିଠାରୁ ଆରମ୍ଭ କରି ବିଭିନ୍ନ ନୀତି ସମାପନ ପରେ ସକାଳ ୬ଟାରେ ସାହାଣମେଲା ଦର୍ଶନ ଓ ସୂର୍ଯ୍ୟପୂଜା ଅନୁଷ୍ଠିତ ହୋଇଥିଲା । ପରେ ପରେ ସକାଳ ୧୦ଟା ପର୍ଯ୍ୟନ୍ତ ବେଦ ପାଠ କରାଯାଇଥିଲା । ଲୋକନାଥ ରୋଡ, ପୁରୀସ୍ଥିତ ଶ୍ରୀରାମଚନ୍ଦ୍ର ସ୍ୱାମୀ ବେଦ ବିଦ୍ୟାଳୟରୁ ପଣ୍ଡିତ ଦେବେନ୍ଦ୍ର କୁମାର ଦ୍ୱିବେଦୀ ଏବଂ ତାଙ୍କର ୫ ଜଣ ସହଯୋଗୀ ବେଦପାଠ କରିଛନ୍ତି ।

• " class="align-text-top noRightClick twitterSection" data="">

ଇଟିଭି ଭାରତ, ଭୁବନେଶ୍ବର