ନିଆଳି: ରାସ୍ତା ମରାମତି ଦାବିରେ ରାସ୍ତାରୋକ ହୋଇଥିଲା । ନିଆଳି ଥାନା ଜଲ୍ଲାରପୁର ପହଙ୍ଗା ରାସ୍ତାର କୁଳ ଜଲ୍ଲାରପୁରଠାରେ ଏପରି ଘଟଣା ଦେଖିବାକୁ ମିଳିଛି । ନିଆଳି ପୋଲିସ ଉଦ୍ୟମରେ ପରିସ୍ଥିତିରେ ସୁଧାର ଆସିଛି । ଜଗତସିଂହପୁର, ଖୋର୍ଦ୍ଧା ଓ କଟକ ଜିଲ୍ଲାକୁ ସଂଯୋଗ କରୁଥିବା ଜଲ୍ଲାରପୁର ଓ ପହଙ୍ଗା ରାସ୍ତା ଭାରିଜାନ ଚଳାଚଳ ହୋଇ ଶୋଚନୀୟ ହୋଇପଡିଛି । ଯାହାଦ୍ବାରା ଯାତାୟାତ ଅତ୍ୟନ୍ତ କଷ୍ଟକର ହେଉଛି। ସେହି ରାସ୍ତା ମରାମତି ପାଇଁ କୁଳ ଜଲ୍ଲାରପୁରବାସୀ ରାସ୍ତାରୋକ କରିଥିବାବେଳେ 3 ଟି ହାଇୱା ଆନ୍ଦୋଳନକୁ ଅତିକ୍ରମ କରିବାକୁ ଉଦ୍ୟମ କରିବାରୁ ଗଣ୍ଡଗୋଳ ପରିସ୍ଥିତି ସୃଷ୍ଟି ହୋଇଥିଲା । ଉଭୟ ପକ୍ଷରୁ ଥାନାରେ ଅଭିଯୋଗ କରାଯାଇଥିବାବେଳେ ପୋଲିସ ତଦନ୍ତ ଜାରି ରଖିଛି । ଏନେଇ ପୋଲିସର ପ୍ରତିକ୍ରିୟା ମିଳିପାରିନାହିଁ ।
ଏହା ବି ପଢନ୍ତୁ...ସୁବର୍ଣ୍ଣପୁରରେ ବକେୟା ଦରମା ଦାବିରେ ସଫେଇ କର୍ମଚାରୀଙ୍କ ବିକ୍ଷୋଭ
କଟକ ଜିଲ୍ଲା ନିଆଳି ବ୍ଳକ ଜଲ୍ଲାରପୁରଠାରୁ ପହଙ୍ଗା ପର୍ଯ୍ୟନ୍ତ ରାସ୍ତାର ପୁନଃରୁଦ୍ଧାର ପାଇଁ ୧୬କୋଟି ୬୬ଲକ୍ଷ ଟଙ୍କା ମଞ୍ଜୁର କରିଥିବା ନେଇ ସୂଚନା ଫଳକରୁ ଜଣାପଡ଼ିଛି । ହେଲେ ରାସ୍ତାକାମ ଅଧା ବାଟରେ ବିଭାଗ ଛାଡି ପଳାଇଛି । ଫଳରେ ପହଙ୍ଗା, ଜଲ୍ଲାରପୁର ଅଞ୍ଚଳ ବାସୀଙ୍କ ସହିତ ପୁରୀ, ଖୋର୍ଦ୍ଧା, କଟକ ଏବଂ ଖୋର୍ଦ୍ଧା ଜିଲ୍ଲାର ଲୋକେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଥିବା ନେଇ ଅଭିଯୋଗ ହୋଇଛି । ଏହି ରାସ୍ତା ଦେଇ ପ୍ରତିଦିନ ଶହ ଶହ ଗାଡି ମଟର ଚଳାଚଳ କରୁଛି କିନ୍ତୁ ରାସ୍ତା ମରାମତି ହେଉନଥିବାରୁ ଅଞ୍ଚଳବାସୀଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି । ତେଣଉ ରାସ୍ତାର ପ୍ରଶସ୍ତିକରଣ ଓ ମରାମତି ଦାବିରେ ସ୍ଥାନୀୟବାସିନ୍ଦା ପ୍ରତିବାଦ କରିଛନ୍ତି । ଏହି ପ୍ରତିବାଦ ସମୟରେ ସେହି ଅଞ୍ଚଳ ଦେଇ ଗାଡି ଫେରୁଥିବା ସମୟରେ ଗାଡି ଚାଳକ ଏବଂ ଆନ୍ଦୋଳନକାରୀଙ୍କ ଗଣ୍ତଗୋଳ ହେଇଛି । ଏନେଇ ଉଭୟ ପକ୍ଷରୁ ଥାନାରେ ଅଭିଯୋଗ ହୋଇଛି ।
ଇଟିଭି ଭାରତ, ନିଆଳି
