ଭୁବନେଶ୍ବର: ହୋଲିରେ ନନ୍ଦନକାନରୁ ଆସିଲା ଖୁସି ଖବର । ନନ୍ଦନକାନନ ପ୍ରାଣୀ ଉଦ୍ୟାନରେ ଦ୍ଵିତୀୟଥର ପାଇଁ ମା' ହେଲା ସିଂହୀ ରେୱା । ରବିବାର ସିଂହୀ ରେୱା 3ଟି ଶାବକକୁ ଜନ୍ମ ଦେଇଛି । ନନ୍ଦନକାନନ ପାଇଁ ରବିବାର ଏକ ପ୍ରକାର ଖୁସିର ଦିନ ବୋଲି କୁହାଯାଇପାରେ । ପୂର୍ବରୁ ରେଓ୍ବାର ଦୁଇଟି ଛୁଆ ଜୀବିତ ରହିଛନ୍ତି ।
ସ୍ତନ୍ଯପାନ ନ କରାଇବାରୁ ବଢିଲା ଚିନ୍ତା: ପ୍ରଥମ ଶାବକ ସକାଳ 7ଟା ସମୟରେ ଜନ୍ମ ଦେଇଥିବା ବେଳେ ଅଧ ଘଣ୍ଟା ପରେ ଦ୍ଵିତୀୟ ଶାବକ ଜନ୍ମ ଦେଇଥିଲା । ଏହାପରେ ଦିନ 3ଟା 50 ମିନିଟରେ ଆଉ ଏକ ଶାବକକୁ ଜନ୍ମ ଦେଇଥିଲା । ତେବେ ସମସ୍ତ ଶାବକ ଅଣ୍ଡିରା ବୋଲି ପ୍ରାଥମିକ ସ୍ତରରେ ଜଣାପଡିଛି । ତେବେ ସିଂହୀ ରେୱା କିଛି ସମୟ ପର୍ଯ୍ୟନ୍ତ କୌଣସି ଶାବକଙ୍କୁ ଗ୍ରହଣ କରିନଥିଲା । ଏହାପରେ କର୍ତ୍ତୃପକ୍ଷଙ୍କ ଚିନ୍ତା ବୃଦ୍ଧି ପାଇଥିଲା । ତେବେ ସେମାନଙ୍କୁ ବେବି ରିୟରିଂ ସେଣ୍ଟରରେ ରଖାଯିବ ସହ ସେମାନଙ୍କୁ ଚିକିତ୍ସା କରାଯାଉଛି । ତେବେ ବର୍ତ୍ତମାନ ସମସ୍ତ ଶାବକ ଛୁଆ ସୁସ୍ଥ ରହିଥିବା ସୂଚନା ରହିଛି । ଏହି 3ଟି ଶାବକୁ ମିଶାଇ ନନନ୍ଦନକାନରେ ସିଂହ ସଂଖ୍ୟା 26ରେ ପହଞ୍ଚିଛି ।
ଡିସେମ୍ବରରେ ମିଳନ: ଏସୀୟ ସିଂହ ଜିତ୍ ସହ ସିଂହୀ ରେୱାର ମିଳନ ଗତବର୍ଷ ଡିସେମ୍ବରରେ ହୋଇଥିଲା । ପରବର୍ତ୍ତୀ ସମୟରେ ସେ ଗର୍ଭବତୀ ହୋଇଥିଲା । ଏନେଇ ସିଂହୀ ରେୱା ଉପରେ ସ୍ୱତନ୍ତ୍ର ଭାବରେ ଦୃଷ୍ଟି ଦିଆଯାଇଥିଲା । ସିସିଟିଭି ଲଗାଇ ସିଂହୀ ରେୱା ଉପରେ କଡା ନଜର ରଖାଯାଇଥିଲା ।
ଏହା ମଧ୍ୟ ପଢନ୍ତୁ:ନନ୍ଦନକାନନରୁ ଆସିଲା ଖୁସି ଖବର, ପୁଣି ମା’ ହେଲା ବିଜଲି
2017ରେ ରେଓ୍ବାର ଜନ୍ମ: ନନ୍ଦନକାନନ ପ୍ରାଣୀ ଉଦ୍ୟାନରେ 2017 ମସିହା ଅଗଷ୍ଟ 18 ତାରିଖରେ ସିଂହ ଆକାଶ ଓ ସିଂହୀ ମେଘାର ଔରଶରୁ ଜନ୍ମ ଗ୍ରହଣ କରିଥିଲା ସିଂହୀ ରେୱା । 2013 ଜାନୁଆରୀ 10 ତାରିଖରେ ସିଂହୀ ରେୱା ପ୍ରଥମ ଗର୍ଭରୁ ୪ ଶାବକକୁ ଜନ୍ମ ଦେଇଥିଲା । ସେମାନଙ୍କ ମଧ୍ୟରୁ ଦୁଇଟି ସାବକଙ୍କ ମୃତ୍ୟୁ ଘଟିଥିବା ବେଳେ ଏବେ ମଧ୍ଯ ସିଂହୀ ରେୱାର ଦୁଇଟି ଛୁଆ ଶିବମ୍ ଓ ମାୟା ଜୀବିତ ଅଛନ୍ତି।
ସୂଚନା ଅନୁଯାୟୀ, ନନ୍ଦନକାନନ ପ୍ରାଣୀ ଉଦ୍ୟାନରେ ପାଖାପାଖି ୧୬୬ଟି ପ୍ରଜାତିର ପାଖାପାଖି ୧୬୬୦ଟି ଜୀବଜନ୍ତୁ ରହିଛନ୍ତି । ଏଥିରେ ୬୭ଟି ପ୍ରଜାତିର ସ୍ତନ୍ୟପାୟୀ, ୮୧ ପ୍ରଜାତିର ପକ୍ଷୀ ଓ ୧୮ଟି ପ୍ରଜାତିର ସରୀସୃପ ରହିଛନ୍ତି । ତେବେ ଏବେବି ନନ୍ଦନକାନନରେ ଅନେକ ପ୍ରାଣୀମାନେ ଏକାକୀ ଜୀବନ ଅତିବାହିତ କରୁଛନ୍ତି ।
ଇଟିଭି ଭାରତ, ଭୁବନେଶ୍ବର
