ଭୁବନେଶ୍ବର: ଉଚ୍ଚ ଶିକ୍ଷାନୁଷ୍ଠାନରେ ପଢୁଥିବା ଛାତ୍ରଛାତ୍ରୀମାନଙ୍କ ପାଇଁ ଉଚ୍ଚଶିକ୍ଷା ବିଭାଗର ସ୍ବାଗତଯୋଗ୍ୟ ପଦକ୍ଷେପ । ଏଣିକି ସମସ୍ତ କଲେଜ ଓ ବିଶ୍ଵବିଦ୍ୟାଳୟରେ ରହିବ ଛାତ୍ରଛାତ୍ରୀଙ୍କ ଅଭିଯୋଗ ନିୟମାବଳୀ ତଥ୍ୟ । କ୍ୟାମ୍ପସ ମଧ୍ୟରେ ସ୍ପଷ୍ଟ ଭାବେ ଦେଖାଯାଉଥିବା ସ୍ଥାନରେ ରହିବ ଏହି ନିୟମାବୀ ପୋଷ୍ଟର । ୟୁଜିସି କହିବା ମୁତାବକ ଛାତ୍ର ଅଭିଯୋଗ ନିୟମାବଳୀ, 2023 କାର୍ଯ୍ୟକାରୀ କରିବା ପାଇଁ ବିଶ୍ବବିଦ୍ୟାଳୟଗୁଡ଼ିକ ଦ୍ବାରା ପ୍ରସ୍ତୁତ ବ୍ୟବସ୍ଥାଗୁଡ଼ିକ ବିଷୟରେ ଛାତ୍ରଛାତ୍ରୀମାନଙ୍କ ମଧ୍ୟରେ ସଚେତନତା ସୃଷ୍ଟି କରିବାର ଆବଶ୍ୟକତା ରହିଛି । ସେହିପରି ଓମ୍ବୁଡ଼ସମ୍ୟାନ ଓ କୁଳପତିମାନେ ପର୍ଯ୍ୟାୟକ୍ରମେ ଏ ଦିଗରେ ବୈଠକ କରିବାକୁ ପରାମର୍ଶ ଦିଆଯାଇଛି । ନିୟମର କାର୍ଯ୍ୟକାରିତାକୁ ସମୀକ୍ଷା କରି ନିୟମିତ ଯୋଗାଯୋଗ ଓ ସମୀକ୍ଷା ଉପରେ ଗୁରୁତ୍ବାରୋପ କରାଯାଇଛି ।
ଏହା ମଧ୍ୟ ପଢନ୍ତୁ... ସେମିନାର ସମ୍ମିଳନୀ ସହ ସମ୍ବର୍ଦ୍ଧନା କାର୍ଯ୍ୟକ୍ରମରେ ଖଦି ବ୍ୟବହାର କର: ୟୁଜିସି
ପ୍ରତ୍ୟେକ ସେମିଷ୍ଟାର ଆରମ୍ଭରେ ବା ଛ ମାସରେ ଓମ୍ବୁଡ଼ସମ୍ୟାନ ଓ ଛାତ୍ରଛାତ୍ରୀମାନଙ୍କ ମଧ୍ୟରେ ବୈଠକ ବସିବ । ଏହାଦ୍ବାରା କଥାବାର୍ତ୍ତା ଓ ଆଲୋଚନାକୁ ସୁଗମ କରିବ, ଚିନ୍ତାଧାରାକୁ ଫଳପ୍ରଦ ଭାବରେ ସମାଧାନ କରିବ ଏବଂ ନିୟମାବଳୀ ଧାର୍ଯ୍ୟ ଅନୁଯାୟୀ କାର୍ଯ୍ୟ କରିବ ତାହା ନିଶ୍ଚିତ କରିବ । ଗତ ବର୍ଷ ଏପ୍ରିଲରେ, ୟୁଜିସି ବିଶ୍ବବିଦ୍ୟାଳୟଗୁଡ଼ିକୁ ଛାତ୍ରଙ୍କ ଅଭିଯୋଗର ସମାଧାନ ପାଇଁ ଏକ କମିଟି ଗଠନ କରିବାକୁ କହିଥିଲେ ଏବଂ ଓମ୍ବୁଡ୍ସପର୍ସନ୍ ନିଯୁକ୍ତ କରିଥିଲେ ଯେଉଁମାନେ ପରୀକ୍ଷା, ଫି, କ୍ୟାମ୍ପସ୍ ନିର୍ଯ୍ୟାତନା ଏବଂ ଅନ୍ୟାନ୍ୟ ପ୍ରସଙ୍ଗରେ ଛାତ୍ରମାନଙ୍କୁ ସାହାଯ୍ୟ କରିବ ।
ଏନେଇ ଉଚ୍ଚ ଶିକ୍ଷା ମନ୍ତ୍ରୀ କହିଛନ୍ତି ଯେ, ସବୁବେଳେ ଛାତ୍ରଛାତ୍ରୀଙ୍କ ସମସ୍ୟାକୁ ନେଇ ବିଭାଗ ସଜାଗ ରହିଛି। କିଛି ସମସ୍ୟା ଆସିବା ପୂର୍ବରୁ ବିଭାଗ ତାର ସମସ୍ୟାର ସମାଧାନ କରିପାରୁଛି। ବିଗତ ଦିନ ମାନଙ୍କରେ ଛାତ୍ରଛାତ୍ରୀଙ୍କ ସମସ୍ତ ସମସ୍ୟାର ସମାଧାନ କରାଯାଇଛି । ଏହା ସହ କଲେଜର ଭିତ୍ତିଭୂମି ଉନ୍ନତି କରିବା ପାଇଁ ମଧ୍ୟ ପ୍ରୟାସ କରାଯାଉଛି । ନିକଟରେ ରାଜ୍ୟ ସରକାର ପ୍ଲସ ୩ ଓ ପିଜି ପିଲାଙ୍କ ପାଇଁ ନୂଆ-ଓ ବୃତ୍ତି ଦେବାର ବ୍ୟବସ୍ଥା କରିଛନ୍ତି । ତେବେ ଆସନ୍ତା 5 ବର୍ଷ ମଧ୍ୟରେ 5 ଲକ୍ଷ ରୁ ଅଧିକ ଛାତ୍ରଛାତ୍ରୀଙ୍କୁ ଏହା ପ୍ରଦାନ କରାଯିବାର ଲକ୍ଷ୍ୟ ରଖାଯାଇଛି । ଯେଉଁଥିରେ ତିନି ହଜାର କୋଟିରୁ ଅଧିକ ଟଙ୍କା ଖର୍ଚ୍ଚ କରାଯିବ । ୫ଟି ଉପକ୍ରମରେ ସମସ୍ତ ଶିକ୍ଷାନୁଷ୍ଠାନର ଭିତ୍ତିଭୂମି ସଜଡାଯିବା ସହ ମୌଳିକ ଆବଶ୍ୟକତା ପୂରଣ କରାଯାଉଛି । ପୁଅ ମାନଙ୍କୁ ୯ ହଜାର ଓ ଝିଅ ମାନଙ୍କୁ ୧୦ ହଜାର ଟଙ୍କା ଲେଖାଏଁ ବୃତ୍ତି ପ୍ରଦାନ କରାଯାଉଛି । ଏହା ଦ୍ବାରା ଛାତ୍ର ଛାତ୍ରୀ ମାନଙ୍କ ଉଚ୍ଚ ଶିକ୍ଷା କ୍ଷେତ୍ରରେ ଡ୍ରପଆଉଟ ସଂଖ୍ୟା କମିବ ଓ ପାଠ ପଢାର ମାନବୃଦ୍ଧି ହେବ ବୋଲି ଉଚ୍ଚଶିକ୍ଷା ମନ୍ତ୍ରୀ କହିଛନ୍ତି ।
ଇଟିଭି ଭାରତ, ଭୁବନେଶ୍ବର
