ଭୁବନେଶ୍ବର : ଓଡିଆ ଭାଷାକୁ ସୁରକ୍ଷିତ ଓ ସଂରକ୍ଷିତ ଏବଂ ପ୍ରୋତ୍ସାହନ ଦେବା ଲାଗି ପ୍ରଥମ ବିଶ୍ବ ଓଡିଆ ଭାଷା ସମ୍ମିଳନୀ ଆୟୋଜନ କରାଯାଇଛି । ଭୂବନେଶ୍ବରର ଜନତା ମଇଦାନରେ ଫେବୃଆରୀ ୩ ରୁ ଆରମ୍ଭ ହୋଇଥିବା ଏହି ସମ୍ମିଳନୀ ୫ ତାରିଖରେ ଶେଷ ହେବ । ଏହି ଉତ୍ସବ ପଞ୍ଚାୟତିରାଜ ଓ ପାନୀୟ ଜଳ ବିଭାଗ ତରଫରୁ ପ୍ରତ୍ୟେକ ଗ୍ରାମ ପଞ୍ଚାୟତ ଓ ପଞ୍ଚାୟତ ସମିତି ସ୍ତରରେ ପାଳନ ହୋଇଛି । ପଞ୍ଚାୟତ ସମିତି ସ୍ତରରେ ଉତ୍ସବର ପ୍ରଚାର ଓ ପ୍ରସାର ପାଇଁ ହୋର୍ଡିଂ ଓ ବ୍ୟାନର ପ୍ରଦର୍ଶନ କରାଯାଇଛି ।
ପ୍ରଥମ ବିଶ୍ବ ଓଡିଆ ଭାଷା ସମ୍ମିଳନୀ ଉପଲକ୍ଷେ ପଞ୍ଚାୟତିରାଜ ଓ ପାନୀୟ ଜଳ ବିଭାଗ ତରଫରୁ ଉତ୍ସବ ଆରମ୍ଭରେ ବରପୁତ୍ରମାନଙ୍କ ପ୍ରତିମୁର୍ତ୍ତିରେ ମାଲ୍ୟାର୍ପଣ କରାଯାଇଛି । ଉପସ୍ଥିତ ବ୍ୟକ୍ତି ମାନଙ୍କ ଦ୍ବାରା “ବନ୍ଦେ ଉତ୍କଳ ଜନନୀ” ସମୂହ ଗାନ କରାଯାଇଛି । ଓଡିଆ ଭାଷା, ସାହିତ୍ୟ ଏବଂ ସଂସ୍କୃତି ଇତ୍ୟାଦିରେ ଉତ୍କର୍ଷ ଳାଭ କରିଥିବା ସମସ୍ତ ବିଶିଷ୍ଟ ବ୍ୟକ୍ତିଙ୍କୁ ସମ୍ମାନିତ କରାଯାଇଛି । ଏହା ସହିତ ପାଲା, ଦାସକାଠିଆ, ଗୋଟିପୁଅ ନୃତ୍ୟ, ସ୍ଥାନୀୟ ଲୋକ ନୃତ୍ୟ ସାଂସ୍କୃତିକ କାର୍ଯ୍ୟକ୍ରମ ଆୟୋଜନ କରାଯାଇଛି । ସେହିପରି ଗ୍ରାମ ପଞ୍ଚାୟତ ସ୍ତରରେ ବିଦ୍ୟାଳୟର ଛାତ୍ର ଛାତ୍ରୀ ଓ ସ୍ଥାନୀୟ ଜନସାଧାରଣଙ୍କ ଦ୍ବାରା ଗ୍ରାମପଞ୍ଚାୟତ ମୁଖ୍ୟାଳୟରେ “ବନ୍ଦେ ଉତ୍କଳ ଜନନୀ” ସମୂହ ଗାନ କରାଯାଇଛି ।
ଏହା ମଧ୍ୟ ପଢନ୍ତୁ ... ପ୍ରଥମ ବିଶ୍ୱ ଓଡ଼ିଆ ଭାଷା ସମ୍ମିଳନୀ ଆରମ୍ଭ; ଉଦଘାଟନ କଲେ ମୁଖ୍ୟମନ୍ତ୍ରୀ
