ଭୁବନେଶ୍ବର: ରାଜ୍ୟରେ ଗ୍ରୀଷ୍ମ ତାତି ସାଙ୍ଗକୁ ଧୀରେ ଧୀରେ ବଢୁଛି ଜଙ୍ଗଲ ନିଆଁ । ଚଳିତ ବର୍ଷ ଜଙ୍ଗଲରେ ଲାଗିଥିବା ନିଆଁ ବର୍ତ୍ତମାନ ଚିନ୍ତାଜନକ । ବିଶେଷ ଭାବରେ ଓଡ଼ିଶାରେ ଥିବା ବିଭିନ୍ନ ଘଞ୍ଚ ଜଙ୍ଗଲ ପୋଡ଼ି ପାଉଁଶ ହେଇଯାଉଛି । ଜଙ୍ଗଲ ନିଆଁ ଫଳରେ ଗଛଲତା ପୋଡିବା ସହିତ ବନ୍ୟ ଜୀବଜନ୍ତୁ ମଧ୍ୟ ମୃତ୍ୟୁ ଘଟୁଛି । ତେବେ ଗତ ବର୍ଷ ତୁଳନାରେ ଚଳିତ ବର୍ଷ ଖୁବ୍ କମ୍ ପଏଣ୍ଟରେ ନିଆଁ ଲାଗିଥିଲେ ମଧ୍ୟ ଏବେ ବି ଓଡ଼ିଶା ଜଙ୍ଗଲରେ ହୁତୁହୁତୁ ହୋଇ ଜଳୁଛି ।
ଗତବର୍ଷ ଏପ୍ରିଲ 17 ତାରିଖ ସୁଦ୍ଧା 31 ହଜାର 210 ପଏଣ୍ଟରେ ନିଆଁ ଲାଗିଥିବାବେଳେ ଚଳିତ ବର୍ଷ ଗତକାଲି ସୁଦ୍ଧା 11 ହଜାର 367 ପଏଣ୍ଟରେ ନିଆଁ ଲାଗିଛି । ଏନେଇ ପିସିସିଏଫ୍ ଦେବୀଦତ୍ତ ବିଶ୍ଵାଳ କହିଛନ୍ତି ଯେ, ଆମେ ନିଆଁକୁ ନିର୍ବାପିତ କରିବା ପାଇଁ ସମସ୍ତ ପଦକ୍ଷେପ ନେଉଛୁ । ରାଜ୍ୟରେ ନିଆଁ ଲିଭେଇବା ପାଇଁ 370 ଫାୟାର ସ୍କ୍ବାର୍ଡଙ୍କ ନିୟୋଜିତ କରାଯାଇଛି । ସେଥିପାଇଁ ମଧ୍ୟ 330ଟି ଗାଡ଼ିର ବ୍ୟବସ୍ଥା ହୋଇଛି । ସ୍କ୍ୱାର୍ଡମାନଙ୍କ ପାଇଁ ପର୍ଯ୍ୟାପ୍ତ ପରିମାଣର ଗ୍ଲୋଭ ,ସୁରକ୍ଷା କିଟ୍ ଯୋଗେଇ ଦିଆଯାଉଛି । ମୋଟ ଆକାରରେ 2400 ସୁରକ୍ଷା କିଟ୍ ସାଙ୍ଗକୁ 4800 ଗ୍ଲୋଭ ଦିଆଯାଇଛି ।
ସେହିପରି ପ୍ରଯୁକ୍ତି ବିଜ୍ଞାନ ସହାୟତାରେ ଗାର୍ଡ ଲେବଲ୍ ପର୍ଯ୍ୟନ୍ତ ପ୍ରାୟ 10 ହଜାର କର୍ମଚାରୀଙ୍କ ମୋବାଇଲକୁ ଓମଏଫ୍ଏସ ପୋର୍ଟାଲରେ ରେଜିଷ୍ଟର କରାଯାଇଛି । କେଉଁଠି ବି ନିଆଁ ଲାଗିଲେ ସଙ୍ଗେ ସଙ୍ଗେ ସଟେଲାଇଟ୍ ମାଧ୍ୟମରୁ ନିଆଁ ଲାଗିଥିବା ପଏଣ୍ଟର ସୂଚନା ମିଳିପାରୁଛି । ବିଗତ ବର୍ଷ ତୁଳନାରେ ନିଆଁ ଲାଗି ଆଫ୍ରେକ୍ଟେଡ ଅଞ୍ଚଳର ମାତ୍ର କମିଛି । ପୂର୍ବରୁ ନିଆଁ ଲାଗିବା ପରେ ଆଫ୍ରେକ୍ଟେଡ୍ ଅଞ୍ଚଳର ପଏଣ୍ଟ 5 ଥିବାବେଳେ ଏବେ ତାହା କମି ପଏଣ୍ଟ 25 ରହିଛି ।
ବର୍ତ୍ତମାନ ସମୟରେ ଜଙ୍ଗଲରେ ଲାଗୁଥିବା ନିଆଁର 99 ପ୍ରତିଶତ ମନୁଷ୍ୟକୃତ । ଯେଉଁ ସ୍ଥାନରେ ଲୋକମାନେ ନିଆଁ ଲାଗୁଥିବା ନେଇ ସୂଚନା ମିଳୁଛି । ସେଠାରେ ତୁରନ୍ତ ଲୋକଙ୍କ ବିରୋଧରେ ଆକ୍ସନ ନିଆଁ ଯାଉଛି । ଜଙ୍ଗଲରେ ମହୁଆ, କେନ୍ଦୁପତ୍ର,ପୋଡୁ ଚାଷ ପାଇଁ ଲୋକମାନେ ନିଆଁ ଲଗାଉଛନ୍ତି ଲୋକ । ପ୍ରତିବର୍ଷ ପ୍ରାୟ 100 ମାମଲା ଲୋକଙ୍କୁ ବିରୋଧରେ ରୁଜୁ ହେଉଛି । ଏନେଇ ଲୋକଙ୍କୁ ବାରମ୍ବାର ସଚେତନତା କରାଯାଉଛି । ସେଥିପାଇଁ ମଧ୍ୟ ସ୍ବତନ୍ତ୍ର ଆଡଭାଇଜରୀ ମଧ୍ୟ ଜାରି ହୋଇଛି ।
ଇଟିଭି ଭାରତ, ଭୁବନେଶ୍ବର
