ଭୁବନେଶ୍ବର: ଚିଟଫଣ୍ଡ କେଳେଙ୍କାରୀ ନେଇ ଚାଲିଛି ତନାଘନା। ଇଡିରେ ହାଜର ହେଲେ ବ୍ୟବସାୟୀ ଭିନିତ ଲଲାନି। ଆର୍ଥିକ କାରବାର ସମ୍ପର୍କରେ ତାଙ୍କୁ ପଚରାଉଚରା କରିଛି ପ୍ରବର୍ତ୍ତନ ନିର୍ଦ୍ଦେଶାଳୟ। ପୂର୍ବରୁ ଅର୍ଥତତ୍ତ୍ବ ଚିଟଫଣ୍ଡ ମାମଲାରେ ଗତ ୭ ତାରିଖରେ ତାଙ୍କ ଘରେ ରେଡ ହୋଇଥିଲା। ପରେ ତାକୁ ସମନ କରାଯାଇଥିଲା ଓ ସମନ ଆଧାରରେ ସକାଳ ୧୦ଟାରୁ ସେ ହାଜର ହୋଇଥିଲେ। ଏନେଇ ଇଡି ମାଗିଥିବା ତଥ୍ୟ ଆଧାରରେ ତାଙ୍କୁ ପଚରା କରାଯାଇଛି ।
ତେବେ ଗତ ୭ ତାରିଖ (ଗୁରୁବାର) ଦିନ ଅର୍ଥତତ୍ତ୍ଵ ଚିଟଫଣ୍ଡ ମାମଲାରେ ଇଡି ରେଡ୍ ବେଳେ ୨୩ ଲକ୍ଷରୁ ଉର୍ଦ୍ଧ୍ବ ନଗଦ ଟଙ୍କା ସମେତ ୪ଶହ ଗ୍ରାମ ସୁନା ଓ ଅଡ଼ି କାର ଜବତ କରିଥିଲା। ଭୁବନେଶ୍ୱରର ୫ଟି ସ୍ଥାନ ସମେତ ବ୍ରହ୍ମପୁର ଓ ଛତ୍ରପୁର ଆଦି ୮ଟି ସ୍ଥାନରେ ରେଡ ହୋଇଥିଲା। ଇଡିର କିଛି ବିଲଡର ଓ ଖବର କାଗଜ ମାଲିକ ସଂସ୍ଥା ଉପରେ ଏକକାଳୀନ ରେଡ୍ କରିଥିଲେ ଟିମ୍ । ବହୁ ଗୁରୁତ୍ୱପୂର୍ଣ୍ଣ କାଗଜପତ୍ର ସହ ,କିଛି ଦସ୍ତାବିଜ ଓ କ୍ୟାସ ଓ ଗହଣା ସମେତ କିଛି ଦାମି ଗାଡିର ସୁରାକ ମିଳିଥିଲା। ଗାଡିଟି ଜଣେ କଣ୍ଟ୍ରାକ୍ଟର ନରସିଂହପାତ୍ରଙ୍କର ବୋଲି ଜଣାପଡ଼ିଥିଲା । ଛତ୍ରପୁର ଅଞ୍ଚଳର ବ୍ୟବସାୟୀ ଅହି ଭୂଷଣ ସାହୁ ବା ବାବୁଲି ସାହୁଙ୍କ ଘରେ ମଧ୍ୟ ରେଡ୍ କରିଥିଲା ଇଡି।
ଏହା ମଧ୍ୟ ପଢନ୍ତୁ...ନିର୍ବାଚନ ପୂର୍ବରୁ ସକ୍ରିୟ ED, ଅର୍ଥତତ୍ତ୍ବ ଚିଟଫଣ୍ଡ ମାମଲାରେ ବିଭିନ୍ନ ସ୍ଥାନରେ ରେଡ୍
ଖବରକାଗଜର ମୁଖ୍ୟ ବିକାଶ ସ୍ୱାଇଁଙ୍କ ଓ ସାଗର ରାୟଙ୍କ ସମେତ ଅନ୍ୟ ସହଯୋଗୀ ଭିନିତ ଲଲାନିଙ୍କ ଘରେ ମଧ୍ୟ ରେଡ ହୋଇଥିଲା । ତେବେ ଅର୍ଥତତ୍ତ୍ବ ମାମଲାରେ ଅନେକ ହେବିଓ୍ବେଟ୍ , କର୍ପୋରେଟ ବିଜନେସ ମ୍ୟାନଙ୍କ ସହ ପ୍ରଭାବଶାଳୀ ନେତା ମଧ୍ୟ ସମ୍ପୃକ୍ତ ରହିଥିବା ଜଣାପଡ଼ିଛି। ପୂର୍ବରୁ ୨୦୧୪ ରୁ ୫୦୦କୋଟି ଜାଲିଆତିର ତନାଘନା କରି ସେତେବେଳେ ସିବିଆଇ ଏହି ମାମଲାରେ ଅନେକଙ୍କୁ ଗିରଫ ସହିତ ଚାର୍ଜସିଟ୍ କରିଥିଲା। ୨ ବର୍ଷେ ତଳେ ଅର୍ଥାତ୍ ୨୦୨୨ ମସିହା ମାର୍ଚ୍ଚ ୬ ତାରିଖରେ ଏହି ମାମଲାରେ ପୂର୍ବତନ ବାଙ୍କି ବିଧାୟକ ମଧ୍ୟ ଇଡିରେ ଦୁଇ ଥର ହାଜର ହୋଇ ଜେରାର ସମ୍ମୁଖୀନ ହୋଇଥିଲେ । ନିର୍ବାଚନ ପୂର୍ବରୁ ଆକ୍ସନ ମୋଡକୁ ଆସିଥିବା ଇଡି ଏବେ ଧରପକଡ଼ ଚଳାଇଛି ।
ଇଟିଭି ଭାରତ, ଭୁବନେଶ୍ବର
