ଭୁବନେଶ୍ବର: ବହୁ ପ୍ରତିକ୍ଷିତ ବିଶ୍ବ ପ୍ରସିଦ୍ଧ ପବିତ୍ର ରଥଯାତ୍ରା ଆସନ୍ତା ରବିବାର ଦିନ ଆରମ୍ଭ ହେବାକୁ ଯାଉଛି । ଏହି ଅବସରରେ ଶ୍ରୀକ୍ଷେତ୍ର ଧାମକୁ ଶ୍ରଦ୍ଧାଳୁଙ୍କ ସୁବିଧା ଯାତାୟତ ପାଇଁ କ୍ରୁଟ ପକ୍ଷରୁ ସ୍ବତନ୍ତ୍ର ବସ ସେବାର ଆରମ୍ଭ ହେବ । ୭ଟି ଆନ୍ତଃ ସହର ରୁଟ ଥିବାବେଳେ ୭ରୁ ୯ ଜୁଲାଇ ଏବଂ ୧୫ରୁ ୧୭ ଜୁଲାଇ ୨୦୨୪ ପର୍ଯ୍ୟନ୍ତ ଏହି ସେବା ଜାରି ରହିବ । ନିୟମିତ ଭାବରେ ଏହି ରୁଟ ବସ ଗୁଡ଼ିକ କଟକ, ଭୁବନେଶ୍ବର, ଖୋର୍ଦ୍ଧା, ପୁରୀ, କାକଟପୁରରୁ ତାଳବଣିଆ ବସଷ୍ଟାଣ୍ଡ ପର୍ଯ୍ୟନ୍ତ ଚଳାଚଳ କରିବ । ପ୍ରାୟ 33ଟି ସ୍ବତନ୍ତ୍ର ବସ୍ ଏହି ରୁଟ୍ରେ ଚଳାଚଳ କରିବ ।
- ରୁଟ ୫୦ ଏକ୍ସପ୍ରେସ: ଭୁବନେଶ୍ବର ରେଳ ଷ୍ଟେସନ-ତାଳବଣିଆ ବସଷ୍ଟାଣ୍ଡ
- ରୁଟ ୫୧ ଏକ୍ସପ୍ରେସ: ବରମୁଣ୍ଡା ବିଏସଏବିଟି-ତାଳବଣିଆ ବସଷ୍ଟାଣ୍ଡ
- ରୁଟ ୫୩ ଏକ୍ସପ୍ରେସ (ସଟଲ ସର୍ଭିସ) - ମାଳତିପାଟପୁର ବସଷ୍ଟାଣ୍ଡ-ତାଳବଣିଆ ବସଷ୍ଟାଣ୍ଡ
- ରୁଟ ୫୪ ଏକ୍ସପ୍ରେସ: ଜାତୀୟ ଆଇନ ବିଶ୍ବବିଦ୍ୟାଳୟ (ଏନଏଲୟୁ) କଟକ-ତାଳବଣିଆ ବସଷ୍ଟାଣ୍ଡ
- ରୁଟ୍ ୫୬ ଏକ୍ସପ୍ରେସ: ଖୋର୍ଦ୍ଧା-ତାଳବଣିଆ ବସଷ୍ଟାଣ୍ଡ (ଭାୟା ଜଟଣୀ)
- ରୁଟ୍ ୫୭ ଏକ୍ସପ୍ରେସ - ତାଳବଣିଆ ବସଷ୍ଟାଣ୍ଡ - କାକଟପୁର, ପୁରୀ (ଭାୟା ନିୟୁ ମେରାଇନ ଡ଼୍ରାଇଭ, କୋଣାର୍କ)
- ରୁଟ ୫୮ ଏକ୍ସପ୍ରେସ - ଜଗତପୁର, କଟକ-ତାଳବଣିଆ ବସଷ୍ଟାଣ୍ଡ
- ରୁଟ ୫୯ ଏକ୍ସପ୍ରେସ - ମହାନଦୀ ବିହାର, କଟକ-ତାଳବଣିଆ ବସଷ୍ଟାଣ୍ଡ
ଶ୍ରଦ୍ଧାଳୁମାନେ ପ୍ରଭୁ ଜଗନ୍ନାଥ ଧାମକୁ ଏସି ବସ ଫ୍ଲାଟ ୧୦୦ ଟଙ୍କା, ନନ୍ ଏସି ୮୦ ଟଙ୍କା, ସଟଲ ବସ ସେବା ଫ୍ଲାଟ ୨୦ ଟଙ୍କା ଟିକେଟ ମୂଲ୍ୟରେ ଯାତାଯତ କରିପାରିବେ । ଏଇ ବା ଏୟାରପୋର୍ଟ ଏକ୍ସପେସ ୧, ଏଇ ୨, ୫୨, ୬୦ ଏବଂ ୬୧ ନମ୍ବର ରୁଟ ଗୁଡ଼ିକରେ ୭ରୁ ୯ ଜୁଲାଇ ଏବଂ ୧୫ରୁ ୧୭ ଜୁଲାଇ ପର୍ଯ୍ୟନ୍ତ କ୍ରୁଟ ବସ ସେବା ସ୍ଥଗିତ ରହିବ । କିନ୍ତୁ ୧୦ରୁ ୧୪ ତାରିଖ ମଧ୍ୟରେ ପୂର୍ବଭଳି ରୁଟ ଗୁଡ଼ିକରେ ବସ ଚାଲୁ ରହିବ । ଏହାଦ୍ବାରା ଶ୍ରଦ୍ଧାଳୁମାନେ ସୁବିଧାରେ ନିଜ ଗନ୍ତବ୍ୟସ୍ଥଳରେ ପହଞ୍ଚିପାରିବେ । ଯାତ୍ରୀମାନଙ୍କ ଯାତାୟତ ନିମନ୍ତେ କ୍ରୁଟ ବସ ନିୟମିତ ବ୍ୟବଧାନରେ ଦିନ ତମାମ ଚାଲୁ ରହିବ । ଏହି ସ୍ବତନ୍ତ୍ର ବସ ସେବା ଏବଂ ସମୟ ସୂଚୀ ବିଷୟରେ କ୍ରୁଟର ସୋସିଆଲ ମିଡିଆ ପେଜରୁ ଅଧିକ ସୂଚନା ପାଇପାରିବେ ।
ଇଟିଭି ଭାରତ, ଭୁବନେଶ୍ବର
