ନିମାପଡ଼ା: ଶତ୍ରୁଙ୍କୁ ରୋକିବ 'ସାଗର କବଚ' । ଆତଙ୍କବାଦୀଙ୍କୁ ଧରିବା ପାଇଁ ନୌସେନା ପ୍ରସ୍ତୁତ । ଦେଶ ମଧ୍ୟକୁ ଆତଙ୍କବାଦୀଙ୍କୁ ପ୍ରବେଶ ନ କରାଇବା ପାଇଁ ନୌସେନାର ଅଭିନବ ଉପାୟ । ପୋଲିସ ଏବଂ ନୌସେନାର ମିଳିତ ଉଦ୍ୟମରେ ବଙ୍ଗୋପସାରେ ଆରମ୍ଭ ହୋଇଛି ଦୁଇ ଦିନିଆ ସମରାଭ୍ୟାସ । ଏହି ସମରାଭ୍ୟାସ ପୁରୀ ଜିଲ୍ଲାର ଅସ୍ତରଙ୍ଗ ଏବଂ କୋଣାର୍କ ଚନ୍ଦ୍ରଭାଗା ଉପକୂଳରେ କରାଯାଉଛି । ସମୁଦ୍ରରେ "ସାଗର କବଚ"ର ସମରାଭ୍ୟାସ ଉପକୂଳ ସୁରକ୍ଷା ବ୍ୟବସ୍ଥାକୁ ତଦାରଖ କରିବ । ତେଣୁ ଆଜି (ଗୁରୁବାର) ଦିନଠାରୁ ଆରମ୍ଭ ହୋଇଠି ଏହି ଦୁଇ ଦିନିଆ ସମରାଭ୍ୟାସ ସାଗର କବଚ "ସି ଭିଜିଲି" ।
ମୁମ୍ବାଇ ଆତଙ୍କବାଦୀ ଆକ୍ରମଣ ପରେ ସମଗ୍ର ଭାରତ ଦୋହଲି ଯାଇଥିଲା । ଏହାପରେ ଉପକୂଳ ସୁରକ୍ଷା ବ୍ୟବସ୍ଥାକୁ ତଦାରଖ କରିବାକୁ ଉଭୟ ରାଜ୍ୟ ସରକାର ଏବଂ କେନ୍ଦ୍ର ସରକାର ତରଫରୁ ପ୍ରତ୍ୟେକ ବର୍ଷ ଆୟୋଜିତ ହେଉଛି ମିଳିତ ସମରାଭ୍ୟାସ । ପୁରୀ ଜିଲ୍ଲାର ଅସ୍ତରଙ୍ଗ ଅଞ୍ଚଳର ନୂଆଗଡ, କାଳିଆକଣ, ସହନ, କୋଣାର୍କ ଚନ୍ଦ୍ରଭାଗା ଉପକୂଳରେ ଏହି କାର୍ଯ୍ୟକ୍ରମ କରାଯାଉଛି । ନୌସେନା ଓ ପୋଲିସର ରଣକୌଶଳ ପ୍ରଦର୍ଶନ କରୁଛନ୍ତି । ସାମୁଦ୍ରିକ ସୀମାରେ ଅନୁପ୍ରବେଶ ରୋକିବା ଲକ୍ଷ୍ୟରେ ଏହି ସମରାଭ୍ୟାସ ଆରମ୍ଭ ହୋଇଛି । ଭାରତୀୟ ତଟରଖି ବାହିନୀ, ମେରାଇନ ପୋଲିସ, ଅସ୍ତରଙ୍ଗ ପୋଲିସ ଏଥିରେ ସାମିଲ ହୋଇଛନ୍ତି ।
ଏହି ମିଳିତ ସମର ଅଭ୍ୟାସରେ ଦୁଇଟି ଟିମ୍ ଗଠନ କରାଯାଇଛି । ଗୋଟିଏ ବ୍ଲୁ ଟିମ୍ ଅନ୍ୟଟି ରେଡ୍ ଟିମ୍ । ବ୍ଲୁ ଟିମ୍ ଶତ୍ରୁ ପକ୍ଷକୁ ଜଗିବ ଓ ରେଡ୍ ଟିମ୍ ହେଉଛି ଶତ୍ରୁ ପକ୍ଷକୁ ଯାଇକି ତାଙ୍କ ମଧ୍ୟରେ ପ୍ରବେଶ କରି ତାଙ୍କର ଦକ୍ଷତା ଦେଖାଇବେ । ପୁରୀ ଜିଲ୍ଲାର ହରକୁଦା, ପେଣ୍ଠକଟା, ଚନ୍ଦ୍ରଭାଗା, ଏବଂ ଅସ୍ତରଙ୍ଗ ମେରାଇନ ଥାନାରେ ଆରମ୍ଭ କରାଯାଇଛି । ଆମ ଦେଶରେ ସ୍ଥଳ, ଆକାଶ, ଜଳ ପଥ ସୁରକ୍ଷା ପାଇଁ ସରକାର କୋଟି କୋଟି ଟଙ୍କା ବ୍ୟୟ କରୁଛନ୍ତି । ମାତ୍ର ଆମ ସୁରକ୍ଷାରେ କୋଉଁଠି ନା କୋଉଁଠି ଦୁର୍ବଳ ରହିଥିଲା ।
ଫଳରେ ଜଳ ପଥରେ 2008 ମସିହା ନଭେମ୍ବର ମାସ 26 ତାରିଖରେ ପାକିସ୍ଥାନର 10 ଜଣ ବନ୍ଧୁକଧାରୀ ଆତଙ୍କବାଦୀ ଜଳ ପଥରେ ଆସି ମୁମ୍ବାଇ ଆକ୍ରମଣ କରିଥିଲେ । ଏଥିରେ 174 ଜଣ ସାଧାରଣ ଜନତାଙ୍କ ମୃତ୍ୟୁ ହୋଇଥିବା ବେଳେ 20 ଜଣ ସୁରକ୍ଷା କର୍ମୀ 26 ଜଣ ବିଦେଶୀ ମୃତ୍ୟୁ ବରଣ କରିଥିଲେ । ସେହପିର 300 ଜଣ ଗୁରୁତର ଆହତ ହୋଇଥିଲେ ଏବଂ 10ଜଣ ଆତଙ୍କବାଦୀ ମଧ୍ୟରୁ 9ଜଣଙ୍କ ମୃତ୍ୟୁ ହୋଇଥିଲା କେବଳ ଆତଙ୍କବାଦୀ କସବ ଜୀବିତ ଅବସ୍ଥାରେ ଗିରଫ କରାଯାଇଥିଲା । ଏହି ଆକ୍ରମଣ ଏତେ ଭୟଙ୍କର ଥିଲା ଯେ, 26/11କୁ କେହି କେବେ ଭୁଲି ପାରିବ ନାହିଁ ।
ସେପଟେ ଧରାପଡ଼ି ଥିବା ଆତଙ୍କବାଦୀ କସପକୁ ମୃତ୍ୟୁଦଣ୍ଡ ଦିଆ ଯାଇଥିଲା ।ଏହି ଘଟଣା ପର ଠାରୁ ରାଜ୍ୟ ସରକାର ଓ କେନ୍ଦ୍ର ସରକାର ସୁରକ୍ଷା ଉପରେ ଅଧିକ ଗୁରୁତ୍ଵ ଦେଇଥିଲେ । ପ୍ରତି ବର୍ଷ ଜଳ ପଥରେ ସମରଅଭ୍ୟାସ କରି ସଜାଗ ରହିଛନ୍ତି ଦେଶର ସୁରକ୍ଷା କର୍ମୀ । ଶତ୍ରୁ ପକ୍ଷକୁ ଦୃଢ଼ହସ୍ତରେ ଦମନ କରିବା ପାଇଁ ନୌସେନା ଓ ସାମୁଦ୍ରିକ ଥାନା ସବୁବେଳେ ପ୍ରସ୍ତୁତ ରହିଛନ୍ତି ।
ଇଟିଭି ଭାରତ, ନିମାପଡ଼ା
