ଭୁବନେଶ୍ବର: ରାଜଧାନୀ ଭୁବନେଶ୍ବରରେ ଉଦଘାଟିତ ହେବାକୁ ଯାଉଛି ଡ. ବାବା ସାହେବ ଭୀମରାଓ ଆମ୍ବେଦକର ବସ ଟର୍ମିନାଲ । ବସ ଟର୍ମିନାଲରେ ପ୍ରତିଷ୍ଠା ହେବ ପୋଲିସ ଆଉଟପୋଷ୍ଟ । ପୋଲିସ ଆଉଟପୋଷ୍ଟ ପ୍ରତିଷ୍ଠା କରିବା ପାଇଁ ଆସିଥିବା ପ୍ରସ୍ତାବକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଅନୁମୋଦନ ଦେଇଛନ୍ତି । ଏଥିରେ ୮୯ ଜଣ ପୋଲିସ କର୍ମଚାରୀ ନିଯୁକ୍ତି ପାଇବେ । 5T ଅଧ୍ୟକ୍ଷ ଭିକେ ପାଣ୍ଡିଆନଙ୍କ କ୍ଷେତ୍ର ସମୀକ୍ଷା ବେଳେ ଏ ସମ୍ପର୍କରେ ହୋଇଥିବା ଆଲୋଚନା ବାବଦରେ ଅବଗତ ହେବା ପରେ ମୁଖ୍ୟମନ୍ତ୍ରୀ ଏହି ନିଷ୍ପତ୍ତି ନେଇଛନ୍ତି ।
ଭୁବନେଶ୍ବରରରେ ୫ଟି ଉପକ୍ରମରେ ଡ. ବାବା ସାହେବ ଭୀମରାଓ ଆମ୍ବେଦକର ଆନ୍ତଃରାଜ୍ୟ ବସ ଟର୍ମିନାଲର ନିର୍ମାଣ ଶେଷ ପର୍ଯ୍ୟାୟରେ ପହଞ୍ଚିଛି । ଖୁବଶୀଘ୍ର ଏହା ଲୋକାର୍ପିତ ହେବାକୁ ଯାଉଛି । ଏଠାକୁ ଦୈନିକ ୭୦୦ ରୁ ୮୦୦ ବସ ଯାତାୟତ କରିବ । ଭବିଷ୍ୟତରେ ବସ ସଂଖ୍ୟା ୧୭୦୦ରୁ ୧୮୦୦କୁ ବୃଦ୍ଧି ପାଇପାରେ । ତା' ସହିତ ଦୈନିକ ୩୫ ରୁ ୪୫ ହଜାର ଯାତ୍ରୀ ମଧ୍ୟ ଯିବା ଆସିବା କରିବେ ବୋଲି ଆକଳନ କରାଯାଇଛି । ତେଣୁ ଯାତ୍ରୀ ଓ ଟର୍ମିନାଲର ସୁରକ୍ଷା ପାଇଁ ପଦକ୍ଷେପ ନେଇଛନ୍ତି ରାଜ୍ୟ ସରକାର । ବରମୁଣ୍ଡା ଆମ୍ବେଦକର ବସ ଟର୍ମିନାଲରେ ପ୍ରତିଷ୍ଠା ପୋଲିସ ଆଉଟପୋଷ୍ଟ । ଏହି ଆଉଟପୋଷ୍ଟରେ ୮୯ ଜଣ ପୋଲିସ କର୍ମଚାରୀ ନିଯୁକ୍ତି ପାଇବେ । ଏଥି ମଧ୍ୟରୁ ୨ ଜଣ ସବ-ଇନ୍ସପେକ୍ଟର, ୯ ଜଣ ଆସିଷ୍ଟାଣ୍ଟ ସବ-ଇନ୍ସପେକ୍ଟର, ୪ ଜଣ ହାବିଲଦାର, ୭୨ ଜଣ କନଷ୍ଟେବଳ ଓ ୨ ଜଣ ଡ୍ରାଇଭର ରହିବେ ।
