ଢେଙ୍କାନାଳ: ଜମୁଛି ଲକ୍ଷ୍ମୀପୂଜା । ସପରିବାର ଲକ୍ଷ୍ମୀପୂଜା ପୂଜାମଣ୍ଡପ ବୁଲି ମା'ଙ୍କ ଆଶୀର୍ବାଦ ନେଲେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ । ବିଭିନ୍ନ ପୂଜାମଣ୍ଡପ ବୁଲିବା ପରେ ମହାବୀର ପୂଜା ପ୍ରତିଷ୍ଠାନର ୭୫ବର୍ଷ ପୂର୍ତ୍ତି ଅବସରରେ ଆୟୋଜିତ ପ୍ଲାଟିନମ୍ ଜୁବୁଲି ଉତ୍ସବରେ ଯୋଗ ଦେଇଥିଲେ । ମୁଖ୍ୟମନ୍ତ୍ରୀଙ୍କ ସହିତ ତାଙ୍କ ପତ୍ନୀ ପ୍ରିୟଙ୍କା ମାରାଣ୍ଡି, ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ମନ୍ତ୍ରୀ କୃଷ୍ଣଚନ୍ଦ୍ର ପାତ୍ର, ସ୍ଥାନୀୟ ସାଂସଦ ରୁଦ୍ର ନାରାୟଣ ପାଣି, ହିନ୍ଦୋଳ ବିଧାୟିକା ସୀମାରଣୀ ନାୟକ, କାମାକ୍ଷାନଗର ବିଧାୟକ ଶତ୍ରୁଘ୍ନ ଜେନା ପ୍ରମୁଖ ଉପସ୍ଥିତ ଥିଲେ ।
- ମଣ୍ଡପ ବୁଲିଲେ, ଆଶୀର୍ବାଦ ନେଲେ ମୁଖ୍ୟମନ୍ତ୍ରୀ:
ଗତକାଲି (ସୋମବାର) ରାତି ୮ଟା ୧୫ରେ ଢେଙ୍କାନାଳର ସର୍କିଟ ହାଉସରେ ପହଞ୍ଚିଥିଲେ ମୁଖ୍ୟମନ୍ତ୍ରୀ । ପରେ ଢେଙ୍କାନାଳ ବସଷ୍ଟାଣ୍ଡ ସ୍ଥିତ ଢେଙ୍କାନାଳ ଗଡ଼ମୂଳ ଶାସନ କର୍ତ୍ତା ଶବର ରାଜା ଢେଙ୍କା ଶବରଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରିଥିଲେ । ପରେ ପରେ ପୂଜା ବଜାରକୁ କାର ଯୋଗେ ଯାଇ ବସଷ୍ଟାଣ୍ଡ ପୂଜା ମଣ୍ଡପ, ଗଣେଶ ବଜାର , ମହାବୀର ବଜାର, ଲଷ୍ମୀ ବଜାର, ଜବହାର ଚୌକ ଆଦି ପୂଜା ମଣ୍ଡପ ଯାଇ ମା' ଲଷ୍ମୀଙ୍କୁ ଦର୍ଶନ କରୁଥିଲେ ।
ଏହା ମଧ୍ୟ ପଢନ୍ତୁ-ଦୁର୍ଗାଷ୍ଟମୀରେ ପୂଜା ମଣ୍ଡପ ବୁଲିଲେ ମୁଖ୍ୟମନ୍ତ୍ରୀ ମୋହନ ମାଝୀ, ଛାଡ଼ କଲେ ଭଡ଼ା ଏହା ମଧ୍ୟ ପଢନ୍ତୁ-ବିରାଜିଲେ ଧନଦାତ୍ରୀ, ଉତ୍ସବମୁଖର ଅନୁଗୋଳ-କେନ୍ଦ୍ରାପଡା |
- ବିକଶିତ ଜିଲ୍ଲା ହେବ ଢେଙ୍କାନାଳ:
ମୁଖ୍ୟମନ୍ତ୍ରୀ ମୋହନ ମାଝୀ କହିଛନ୍ତି, ''1990 ମସିହାରେ ମୁଁ ଏହି ସହକୁ ଆସିଥିଲି । ଦ୍ବିତୀୟ ଥର ପାଇଁ ଏହି ପୂଜା ଦେଖିବାର ସୌଭାଗ୍ୟ ପ୍ରାପ୍ତ ହେଲା । 38ଟି ପୂଜାମଣ୍ଡପରୁ 7ରୁ 8ଟି ବୁଲିଲି । ଐତିହ୍ୟ ସମ୍ପର୍ଣ୍ଣ ଢେଙ୍କାନାଳ ସହର । ଓଡ଼ିଶାର ସଂସ୍କୃତି ଐତିହ୍ୟ ରେ ଢେଙ୍କାନାଳ ସ୍ୱତନ୍ତ୍ର ସ୍ଥାନ ହାସଲ କରିଛି। ଐତିହ୍ୟ ପରମ୍ପାରା ସହ ଏଠାରେ ଶିଳ୍ପାୟନ ମଧ୍ୟ ଅଛି । ଶିଳ୍ପାୟନ ସହ ବିକାଶ କ୍ଷେତ୍ରରେ କିପରି ଢେଙ୍କାନାଳ ଓଡି଼ଶାରେ ଆଗରେ ରହିବ ସେନେଇ ସରକାର ବହୁ ଯୋଜନା କରୁଛନ୍ତି । ବିକଶିତ ଓଡ଼ିଶା ଗଠନ ହେବା ବେଳେ ଢେଙ୍କାନାଳ ମଧ୍ୟ ବିକଶିତ ଜିଲ୍ଲା ହୋଇପାରିଥିବ ମୋର ଆଶା । ''
- ବୀରଙ୍କ ମାଟି ଢେଙ୍କାନାଳ:
ମୁଖ୍ୟମନ୍ତ୍ରୀ ଆହୁରି ମଧ୍ୟ କହିଛନ୍ତି, ''ଓଡ଼ିଶାର ସଂସ୍କୃତି ,ଐତିହ୍ୟରେ ଢେଙ୍କାନାଳ ସ୍ୱତନ୍ତ୍ର ସ୍ଥାନ ହାସଲ କରିଛି । ମା' ଲକ୍ଷ୍ମୀ ସମସ୍ତଙ୍କୁ ଆଶୀର୍ବାଦ କରନ୍ତୁ ଓ ସମସ୍ତଙ୍କୁ ଧନଧାନ୍ୟରେ ପରିପୂର୍ଣ କରନ୍ତୁ । ଏ ଢେଙ୍କାନାଳ ମାଟି ବୀରଙ୍କ ମାଟି । ଢେଙ୍କାନାଳ ମାଟିର ବରପୁତ୍ର ଭାବେ ବୀର ଶହୀଦ ବାଜି ରାଉତ, ବୈଷ୍ଣବ ପଟ୍ଟନାୟକ, ଗଡ଼ଜାତ ଗାନ୍ଧୀ ସାରଂଗଧର ଦାସ ପ୍ରମୁଖ ଆଜି ସାରା ଭାରତ ବର୍ଷରେ ଢେଙ୍କାନାଳ ମାଟିକୁ ଗର୍ବିତ କରାଇଛନ୍ତି । ସାରା ବିଶ୍ୱରେ ପ୍ରସିଦ୍ଧି ଲାଭ କରିଥିବା ମହିମା ଧର୍ମର ଉତ୍ପତି ଏହି ଜିଲ୍ଲାରୁ ହୋଇଛି । ଧର୍ମ, ସଂସ୍କୃତି, ଭାଷା ସାହିତ୍ୟ ଆଦି ଭାରତୀୟ ସଂସ୍କୃତିକୁ ଉଜ୍ବଳିତ କରୁଛି । ଢେଙ୍କାନାଳ ଲାଷ୍ମୀପୂଜା ଭାଇଚାରା ଓ ସଂସ୍କୃତିର ପ୍ରତୀକ ଭାବେ ଆଜି ଓଡିଶା କାହିଁକି ସାରା ଭାରତ ବର୍ଷରେ ସ୍ୱତନ୍ତ୍ରତା ହାସଲ କରିଛି । ଢେଙ୍କାନାଳର ଶିଳ୍ପ, ସାହିତ୍ୟ ସଂସ୍କୃତି ଓ ପରମ୍ପରାକୁ ନେଇ ଗର୍ବ କରୁଛି । ଆଗାମୀ ଦିନରେ ୪ହଜାର କୋଟି ଟଙ୍କାର ଶିଳ୍ପ ପ୍ରକଳ୍ପ ଢେଙ୍କାନାଳରେ କରାଯିବ । ଯାହାଦ୍ୱାରା ଓଡ଼ିଆ ଶ୍ରମିକ ଓ ଢେଙ୍କାନାଳର ବେକାର ଯୁବକ ଯୁବତୀମାନେ ନିଯୁକ୍ତି ସୁଯୋଗ ହାସଲ କରିବେ । ''
ଢେଙ୍କାନାଳ ଗସ୍ତ କରି ଗଜଲକ୍ଷ୍ମୀ ପୂଜା ମଣ୍ଡପ ବୁଲି ଦେଖିବା ସହିତ ଧନଦାତ୍ରୀ ମା'ଙ୍କ ନିକଟରେ ରାଜ୍ୟବାସୀଙ୍କ ମଙ୍ଗଳ କାମନା କଲି। ଏହି ପ୍ରସିଦ୍ଧ ଗଜଲକ୍ଷ୍ମୀ ପୂଜା ହେଉଛି ଆମ ସଂସ୍କୃତି ଏବଂ ଓଡ଼ିଆ ଅସ୍ମିତାର ସବୁଠୁ ବଡ ପରିଚୟ। ପୂଜା ମଣ୍ଡପରେ ଘଣ୍ଟ ଧ୍ୱନି ସାଙ୍ଗକୁ ଦୀପ, ଧୂପ ଏବଂ ମନ୍ତ୍ର ଜପ ଏକ ଆଧ୍ୟାତ୍ମିକ ପରିବେଶରେ ସମସ୍ତଙ୍କୁ… pic.twitter.com/O2ciX8dXGF
— Mohan Charan Majhi (@MohanMOdisha) October 21, 2024
ଇଟିଭି ଭାରତ, ଢେଙ୍କାନାଳ
